Ɉeremi 42:4 - Yálá laawoo hɛɓɛ (dc)

⁴ Yálá kwə́i mɛ̨nį hukulɔ mun Ɉeremi yɛ diɛ: «Ŋą́ą́ mɛ̨n, gáá ka mąą nɛ̨ɛ̨mąą hvəi Yai-Laa ka wɔ Yálái ɓa, yɛ bələi ka káá ɉu hvɛlii la mą́ą́. Bələi lɔpee Yai-Laa a ka woo pulu pənə la, ŋį́ ɉukulɔ kaa; va da loo gwə́i.»

Yálá laawoo hɛɓɛ

⁴ Yálá kwə́i mɛ̨nį hukulɔ mun Ɉeremi yɛ diɛ: «Ŋą́ą́ mɛ̨n, gáá ka mąą nɛ̨ɛ̨mąą hvəi Yai-Laa ka wɔ Yálái ɓa, yɛ bələi ka káá ɉu hvɛlii la mą́ą́. Bələi lɔpee Yai-Laa a ka woo pulu pənə la, ŋį́ ɉukulɔ kaa; va da loo gwə́i.»

Bible

⁴ Nya ƃe ŋá díwoo su tòo ńyɛ̃ɛ dîai, “À kɛ̀ tí, gɛ̀ ní mɛni lɛ́lɛɛ ká tí. Ŋa pâi Kúɣâlai Yâwɛɛ fɛlîi yɛ̂ɛ berei ká ḿarê kɛ̀ la a gɛɛ ŋá gɛi. Ǹyaŋ m̀ɛnii kélee a pâi môi, ka pâi mɛnîi. Ḿve pâi dɔnɔ kpîŋ lɛɛ̂i pôlu.”

Ɉeremi 42:4 Iomraidhean Croise

Mąątɛ̨nɛ̨ 40:10

Ŋą́ ə́ wɔ tələnmolaa hukulɔ ɲąąkpɔn gɛnɛ̨ɛ̨ hu, Yai-Laa, gbaɠala kaa yɛ́, vá pɛli náá pilɛi.

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Ɉeremi 23:35

Bələi mąąnɛ̨ɛ̨ ka mo la ka kee lɔwai, bələ ka, ka kɛ mą: ‹Yai-Laa ə kɛ lə! Yai-Laa ə bulu pənə ləi?›

Ɉeremi 26:2

Yai-Laa woo ka, yɛ mą: «'Li ə́ tɔɔ Yai-Laa nwɔ pɛlɛ́i gwəli hąąi, nwooɠaai kpɔ ŋą́ ə́ tí la, ə́ gəlee ɓo, yɛ hvilɛn na Ɉuda taɠaa hu, nuą kəlee diɛ, diɛi tii da pa Yai-Laa yəi bɛlɛ́n diɛ kwɛli hvilɛn mą, gəlee ɓo diɛ, hvə da lɔpee kulɔ ɉu.

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.