Ɉeremi 42:19 - Yálá laawoo hɛɓɛ (dc)

¹⁹ Kaai ŋɛ̨i a Ɉuda nuą gbəli; Yai-Laa yɛ kaa: 'Ká hvo li Eziptə. Ká ɲɛ̨i ɓa li, ŋą́ą́ mo káá, gɛ gwɛla ɉu háákələi.

Yálá laawoo hɛɓɛ

¹⁹ Kaai ŋɛ̨i a Ɉuda nuą gbəli; Yai-Laa yɛ kaa: 'Ká hvo li Eziptə. Ká ɲɛ̨i ɓa li, ŋą́ą́ mo káá, gɛ gwɛla ɉu háákələi.

Bible

¹⁹ Nya ƃe ŋá mò ńyɛ̃ɛi, “Yâwɛɛ aâ mò káa kpulu loŋ ŋí kâa lɛ̀ɛ Zudai a gɛɛ káfe lì Ize. M̀ɛni ma, ŋa kália-woo ƃôi lônii ma

Ɉeremi 42:19 Iomraidhean Croise

Kɔlɔnikɔ Veerɛi 24:19

Yálá ə nɛɛmą ə gwəi mɛ̨nį hukulɔ nuą tɔɔ di pɔɔli, əgɛ, di di liɛwoo kɛ, di pənə di paa a diɛ Yai-Laa pɔ; kɛlaa, nuą di hvo di wəli tɔɔ di woo ɓa.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Azaya 21:12

Daa mąąkpɛmun yɛ mą: «Yələ kaa ɓɔi, kpinį yɛ nwɔ̨nɔ̨ pɛlɛ. Ka kɛ nwɔ̨nɔ̨ bɔ ka kɛɛ mąąnin gɛ, 'ka pənə ka pa.»

Ɉeremi 38:21

Kɛlaa ya wala gɛ hvo ə́ kpɔɔ tɛɛ, mɛ̨nįi pai kɛi, ya ka ŋɛ̨i Yai-Laa kaa nɛi mą́ą́.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Izikiɛ 2:5

Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Izikiɛ 3:21

Kɛlɛɛ, ya tələnmomun gili ɲą pɔ̨nɔ̨, dələnmomun ti hvo pa nəi nɛ̨ŋɛ̨n ɉəɠə; ɛlɛɛ yaan hva nɛ̨ŋɛ̨n ɉəɠə, gaa pai lɛɛi yɛnɛ̨ɛ̨; mąąhɔlɔɓo di gili ɲą pɔ̨nɔ̨, yɛ́ kpɛlimąn, yá kulɔ ɉu nɛ̨ŋɛ̨kpɛlɛɛ.»

Lonon mo 14:3

Lə mɛ̨nį ɓa Yai-Laa ə li tɔɔi ku mu, yɛ pa a kuɔ nɔi ŋɛ̨i hu? Kɔ́ yɛ ku paa, ku nɛ̨ąni da ku lonnii diɛ pa lɛɛi a luwɔɠaa! Ka gu pənə gwəli Eziptə lɔi hu, yili hviɛlaɓoɔi.»

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.