Ɉeremi 42:18 - Yálá laawoo hɛɓɛ (dc)

¹⁸ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Yálá laawoo hɛɓɛ

¹⁸ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Bible

¹⁸ “Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli miliɛɛ-ŋa kâai nyii pâi nûa láa kpâlai dâi. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Ɉeremi 42:18 Iomraidhean Croise

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Azaya 30:3

Faraɔn nwɔ taa wala wala kaa pai kɛi a ka nwumɛ̨ hɛn, ka mąą kilɛ mɛ̨nį Eziptə nįnįn mu yɛ kɛ a ka ɲɛ̨i paa mɛ̨nį.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 22:27

Di kili aa lɛɛ nɔi tii pɔ, diɛ kɛ di pənə də li laa, di hvo pai pənəi di hvo li laa.»

Ɉeremi 23:40

Ŋą́ nwumɛ̨ tɛ a kaa, ŋį́ ka ɓɛlɛ too a yələ kəlee, nąą kili hva kpɛɛ nuą ŋą.»

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 29:22

Di mąą mɛ̨nį a kɛ a nɛ̨ŋɛ̨n naa, gɔwɔ tɔɔ mąą Ɉuda kɔluwɔɠaa kpɔ tii Babilonə di lɔwai, diɛ kɛ diɛ: ‹Yai-Laa ə ə́ hon yɛ bələi ə Sedesiasə da Akabə di hon na, diɛi Babilonə tɔɔmun ə di mɔn.›

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 20:34

Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Izikiɛ 22:22

Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Osia 7:16

Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Zakari 8:13

Mąą yələi tii, bələi lɔ ka kɛ la, a nɛ̨ŋɛ̨n naa hɛn lɔi lɔwai, kaai a Ɉuda nwɔ pɛlɛ́i mu nuą, da Israɛlə nwɔ pɛlɛ́i, bələ lɔ ɓə gáá pai ka ɓaloi la, gɛ́ lúwɔ́ too kaa. 'Ka hvo ɲɔw, 'ka ká lii kpələ!

Lonon mo 5:27

A ɲá tɔɔ na, mɛ̨nįi a kɛ ya ka: Akɛ nɛ̨ɛ̨nui tii a gbɔwɔ mąąliɓi, yɛ ɉilɛ ɓowo, ɲái tii nɛ̨ŋɛ̨n naa kaa ɉu, a nwąną na, a yɛɛ gwəi, a goo tɛ ŋą, gwəi ə haa. Ɛlɛɛ, mąą nɛ̨ɛ̨nui a kɛ a nui da mɛ̨nį kɔ́ɔn mą nwɔ lɔi hu, nɛ̨ŋɛ̨n naa mɛ̨nį hu.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.