Ɉeremi 42:14 - Yálá laawoo hɛɓɛ (dc)

¹⁴ kaa kɛ diɛ; ku kaa lii Eziptə, ku hva kɛa pulu həɠə laa; nąą ɓə ku kaa bɔ kwəli ku hee laa;

Yálá laawoo hɛɓɛ

¹⁴ kaa kɛ diɛ; ku kaa lii Eziptə, ku hva kɛa pulu həɠə laa; nąą ɓə ku kaa bɔ kwəli ku hee laa;

Ɉeremi 42:14 Iomraidhean Croise

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Lɛɛ gbɔwɔ ɓa 17:3

Kpələ wɛli ə nuą hon gɛɛnąą tii ɓa, diɛ hvaa di nwun ɉu Moisə ɓa, diɛ kɛ mą: «Ə́ ku kulɔ Eziptə lɔi hu lə mɛ̨nį ɓa? Akɛti, ku lɛɛ mɛ̨nį laa kuɔ haa a kpələ wɛli ɓə, kuɔ, ku lonnii da ku wɔ taatɛlɛɛɠaa?»

Azaya 30:16

Ka káá kɛi diɛi: «Ku kaa tɛi hoo mɛ̨i, kuɔ pu.» Ee ka pu kan! Ka káá tɛi gilɛ həɠə wotoloɠaa hu, kaa pu, Kɛlaa ka kpɛ nuą da gilɛ həɠə di tɛɛ kaa.

Azaya 30:2

Da kɛ lii Eziptə lɔi hu, di hva di nwun dɔɔ a ɲą́ą́, diɛ li diɛ di loo Faraɔn nwɔ taa wala wala hu, diɛ li diɛ di mąąkilɛ Eziptə nįnįn mu.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 4:21

Ka mɛ̨i huu woo kaa pai lɛɛi tɔɔ nwəlii ə lɛɛ la mįnɛ̨ lɔwai? Ya ka, gáá lɔ nuą təli tulu woo mɛ̨n ɉii.

Ɉeremi 41:17

Di bələ hon, di pa di di hvįįtɔɔ Kimamə kələ la, Bɛtleɛmə daa kpala, di kɛi kɛ də li Eziptə pələ.

Ɉeremi 43:7

di di həɠə, dəli a diɛ Eziptə lɔi hu, dəli di hee Dafne, mąąhɔlɔɓo, di hvo gɛ di hvo di wəli tɔɔ Yai-Laa woo ɓa.

Lonon mo 14:3

Lə mɛ̨nį ɓa Yai-Laa ə li tɔɔi ku mu, yɛ pa a kuɔ nɔi ŋɛ̨i hu? Kɔ́ yɛ ku paa, ku nɛ̨ąni da ku lonnii diɛ pa lɛɛi a luwɔɠaa! Ka gu pənə gwəli Eziptə lɔi hu, yili hviɛlaɓoɔi.»

Lonon mo 14:4

Di kɛi mo di kee ɓa diɛ kɛ mą: «Ka gu nu ta hee gu nwun na, ə pənə a guɔ, gwəli Eziptə lɔi hu.»

Lonon mo 16:13

Ku kulɔi ŋɛ̨i ə́ mo lɔi ta hu, ɓɛi hɛn gəlee da lɛlɛ laa, yɛ́ pa ku paai nɔi pun ŋɛ̨i hu, yili hva pɛli yɛ́, hvo kɛ li nwɔ̨nɔ̨ yá kɛ diɛ ə́ kaa ku ɲąąwooɓoi?

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.