Ɉeremi 42:1 - Yálá laawoo hɛɓɛ (dc)

¹ Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Yálá laawoo hɛɓɛ

¹ Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Bible

¹ Nya ƃe Karia ǹóŋ Zoanaŋ, Ozariya ǹóŋ, gɔ-kuluƃa-ŋai mɛi-ƃelai da ǹûai kélee

Ɉeremi 42:1 Iomraidhean Croise

Tɔɔɓɛlaa veelɛ 25:23

Ɓɛlɔwai Ɉuda kɔlaɠa nwun nąmįną di bələ mɛ̨n na, diɛ kɛ Babilonə tɔɔmun aa kɛ Gedaliasə hee Ɉuda lɔi nwun na, di pa da wɔɔ nuąi, di həli Gedaliasə ɓa Mispa daai; nuą tii ɓa: Netania lon Yismaɛlə, Karea lon Yohanan, Tanhumɛtə lon Seraya yai kɛ a Netofa daai mun, ɛlɛɛ, Maaka mun lon Yaaniahu.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Ɉeremi 37:3

Tɔɔmun Sedesiasə ə Selemia lon Yehukalə da Maaseya lon, ɉaláá laa həli mun, Sefaniahu di tɔɔ Yálá kwəi mɛ̨nį hukulɔ mun Ɉeremi pɔ, yɛ kɛ mą: «Nɛ̨ɛ̨ yɛ́, ku mąąnɛ̨ɛ̨mąą hvə Yai-Laa ku wɔ Yálái ɓa.»

Ɉeremi 40:13

Pai Karea lon Yohanan ə mo Mispa Gedaliasə pɔ, gɔ́kulaa nwun nąmįnąi kɛ di taɠa taɠa nɔi hu,

Ɉeremi 40:8

Yili ɓə gɛ nuą ŋɛ̨i diɛ pa Gedaliasə kaai Mispa, diɛ ɓaa kɛ: Netaniahu lon Yismaɛlə, da Karea lonnii Yohanan da Yonatan, Seraya Tanhumetə lon da Netofa mun Efayi lonnii, da Maaka mun lon Yezaniahu, nuąi tii da di yee pɔ nuą.

Ɉeremi 41:11

Karea lon Yohanan da gɔ́kulaa nwun nąmįnąi tii kɛ bɔ di mɛ̨nį ɲɔ̨nwɔ̨ɔ̨i ti, Netania lon Yismaɛlə ə gɛ, di bələ mɛ̨n.

Ɉeremi 41:16

Karea lon Yohanan da gɔ́kulaa nwun nąmįnąi tii kɛ bɔ, di nuąi tii kɛ daa lɛɛ, diɛi tii Netania lon Yismaɛlə ə di kulɔ Mispa, ə di kɛ a luwɔ, yɛ li a diɛ, Ahikamə lon Gedaliasə paa pulu, di di həɠə di nįnįn mu; ɉinąą mąn, gɔ́kulááɠaa mąn, nɛ̨ąą mąn, nɛapɛlɛɛ mąn, da dɔɔ kwəlii nuąi tii di həɠə a diɛ Gabaɔn.

Ɉeremi 41:18

Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Ɉeremi 42:8

Ə Karea lon Yohanan təli, da gɔ́kulaa nwun nąmįnąi tii kɛ bɔi, da nɔi lonnii kəlee, gbɛa kpɛa da bɛlɛɛ-pɛlɛɛ;

Ɉeremi 43:2

Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Izikiɛ 11:1

Yálá nwɔ Kilii ə gbə́ŋə, ə li a ɲą́ą́ Yálá hee pɛlɛ́ gbon yii tii vóló kulɔi pələ, naaləi. Ŋą́ hinąą pow hveelɛ kɔ́w lɔɔli kaa bɛlɛ́ laaləi kwɛlɛ, ŋą́ Azurə lon Yaazania da Benayahu lon Pelatiahu, diɛi kɛ a nuą ɲɛ̨itɔwɔ nuą hveelɛ.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Izikiɛ 8:11

Israɛlə pɛlɛ́ mu kalanɉon bow mɛ̨ihveelɛ di kɛ laa tɔɔnin, ɉali mąąnįnįnŋąąi ti lííla; Safan lon Yaazaniahu ə kɛ tɔɔnin di hąmąi; nu kəlee nwɔ lansan kələn ɉɛn ə kɛ ɲee ɲą; lansan kələn nwɔ̨n nulu yɛ kɛi tɛ.»

Maafîu 15:8

«‹Nu huwui ŋɛ̨i a mą́ą́wiɛ lɔ a naaləi, Kɛlaa, di wɔ kiliŋąhiɛ mąą kwɛaa mą́ą́.

Gɛlaɠaa 8:10

Ə gɔwɔ tɔɔ nɛapɛlɛɛ diɛ, ə həli la nu kpɛa-kpɛa diɛ, nu kəlee di kɛli kɛ diɛ: «Nui ŋɛ̨i kaa a Yálá nwɔ huwalawalaa, yai da kɛ mą: Gɛnɛ̨mun.»