Ɉeremi 41:2 - Yálá laawoo hɛɓɛ (dc)

² Netania lon Yismaɛlə da nu powi tii kɛ bɔ, di di muhəɠə nuą tɛɠii, di Ahikamə lon Gedaliasə paa a ɓɔwa kwɛa, nui tii Babilonə tɔɔmun ə ɉee, yɛ ɲɛ̨i kɛ nɔi ɓa. Bələ ɓə di baa la.

Yálá laawoo hɛɓɛ

² Netania lon Yismaɛlə da nu powi tii kɛ bɔ, di di muhəɠə nuą tɛɠii, di Ahikamə lon Gedaliasə paa a ɓɔwa kwɛa, nui tii Babilonə tɔɔmun ə ɉee, yɛ ɲɛ̨i kɛ nɔi ɓa. Bələ ɓə di baa la.

Bible

² Isimɛ da gbakolo puui ni dí dípili-kpãai kùla dîa dí Gidalia pàa.

Ɉeremi 41:2 Iomraidhean Croise

Samia Veerɛi 3:27

Pənəi Avnɛrə ə mo ə pa, Ɉoabə ə li la ɉįi laa kpulu kpon gwɛlɛ pələ a gbanalaa, yɛ aa kɛi kɛ ə mɛ̨nį ta mo mą a nɛlɛɛ. Ə ɓɔwa pu gwəi, ə baa; Ɉoabə ə nəɠə Asahɛlə nwąną kulɔ.

Tɔɔɓɛlaa veelɛ 25:25

Kɛlaa, ɲąnin mɛ̨ihveelɛ lɔwai, Elisama yai kɛ a dɔɔ kwəlii mun da, mąnįn Yismaɛlə yaai a Netania lon, da nu pow di pa di Gedaliasə paa, ə mą kɛ, da Ɉuda nuą, da Kalde nuąi da diɛni da kɛ Mispa daai.

Mąątɛ̨nɛ̨ 109:5

Daa mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨, diɛ ɓɛlan naa pɔɔ kulɔ a yowolaa.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Ɉeremi 40:14

Di mo Gedaliasə ɓa, diɛ mą: «Hvó ɉu kɔ́lɔn yɛ́ kɛ: Amɔn nuą di wɔ tɔɔmun Baalisə ə Netania lon Yismaɛlə tí, ə́ paa mɛ̨nį ɓa?» Kɛlaa Ahikamə lon Gedaliasə hvo gaa a tɛ̨ą.

Ɉeremi 40:16

Ahikamə lon Gedaliasə yɛ Karea lon Yohanan ɓa: «Hvo gɛ tii, lɛɛ ka tii ə́ kaa gɛi a Yismaɛlə laa.»

Ɉeremi 40:5

Yá wala kɛ bɔ hvo lɛɛ bɔ́, pənə ə́ li Gedaliasə pɔ, yii gaa a Ahikamə lon, ə ɓo a Safan wɔ lon, ya ɓə Babilonə tɔɔmun ə ɉee, yɛ ɲɛ̨i kɛ Ɉuda taaɠaa diɛ, lɛɛ bɔ ka nɔi hu nuą, a wala kɛ tii, li ɓɛi ə́ kaa bɔ ə́ li laa. Tɔɔmun mąąkpɛ kɔ́kulááɠaa nwun nąmu, ə kɔnɔ̨nŋaa tɛɛ Ɉeremi pɔ, da dɔɔ bələi hɛn, ə yələ wala too mą.

Ɉeremi 40:7

Gɔ́laɠa nwun nąmįnąi tii kɛ di taɠa taɠa nɔi hu, da di wɔ nuą di bələ mɛ̨n diɛ kɛ, Ahikamə lon Gedaliasə ɓə Babilonə tɔɔmun ə ɉee, yɛ ɲɛ̨i kɛ nɔi ɓa, ə mą kɛ ɉinąą, nɛ̨ąą da nɛapɛlɛɛ, ɛlɛɛ, nɔi hu nuą taɠaa, diɛi hɛn və di yəi, di hvo li li a diɛ Babilonə, di di kəlee di kalihvaɓo mą.

Ɉeremi 40:8

Yili ɓə gɛ nuą ŋɛ̨i diɛ pa Gedaliasə kaai Mispa, diɛ ɓaa kɛ: Netaniahu lon Yismaɛlə, da Karea lonnii Yohanan da Yonatan, Seraya Tanhumetə lon da Netofa mun Efayi lonnii, da Maaka mun lon Yezaniahu, nuąi tii da di yee pɔ nuą.

Ɉeremi 41:3

Ɉuda nuąi kɛ Gedaliasə pɔ Mispa da Kalde nuąi kɛ laa, da gɔ́kulááɠaa, Yismaɛlə ə gəlee paa.

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›