Ɉeremi 41:18 - Yálá laawoo hɛɓɛ (dc)

¹⁸ Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Yálá laawoo hɛɓɛ

¹⁸ Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Ɉeremi 41:18 Iomraidhean Croise

Tɔɔɓɛlaa veelɛ 25:22

Nuą yiiɠaai lɛɛ Ɉuda lɔi hu, diɛi Babilonə tɔɔmun Nabukodonosorə ə di lɛɛ laa, ə Safan mąnįn Gedaliasə Ahikamə lon ɉee di nwun na a di ɲąąwooɓomun.

Tɔɔɓɛlaa veelɛ 25:25

Kɛlaa, ɲąnin mɛ̨ihveelɛ lɔwai, Elisama yai kɛ a dɔɔ kwəlii mun da, mąnįn Yismaɛlə yaai a Netania lon, da nu pow di pa di Gedaliasə paa, ə mą kɛ, da Ɉuda nuą, da Kalde nuąi da diɛni da kɛ Mispa daai.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Ɉeremi 40:5

Yá wala kɛ bɔ hvo lɛɛ bɔ́, pənə ə́ li Gedaliasə pɔ, yii gaa a Ahikamə lon, ə ɓo a Safan wɔ lon, ya ɓə Babilonə tɔɔmun ə ɉee, yɛ ɲɛ̨i kɛ Ɉuda taaɠaa diɛ, lɛɛ bɔ ka nɔi hu nuą, a wala kɛ tii, li ɓɛi ə́ kaa bɔ ə́ li laa. Tɔɔmun mąąkpɛ kɔ́kulááɠaa nwun nąmu, ə kɔnɔ̨nŋaa tɛɛ Ɉeremi pɔ, da dɔɔ bələi hɛn, ə yələ wala too mą.

Ɉeremi 42:1

Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Ɉeremi 42:11

Ka hvo kɛa ɲɔw Babilonə tɔɔmun ma. Yai tii ka mąą kpɛlin ɉii. Ka hvo kɛa ɲɔw mą, Yai-Laa woo li. Gáá ka pɔ, gɛ́ ka kulɔ mɛ̨nįi. Gɛ́ ka kulɔ ɲee mu.

Ɉeremi 42:16

Gɔ kɔ́ ɓɔwai tii ka káá ɲɔwii mą, a ka hon nąą Eziptə lɔi hu. Bului tii mąą liihɛlɛn gaa kaai, a kanąn kaa, ə mą kɛ Eziptə lɔi hu ɓə, ɛlɛɛ, ka haa la.