Ɉeremi 41:10 - Yálá laawoo hɛɓɛ (dc)

¹⁰ Mispa nuą yiiɠaai lɛɛ, Yismaɛlə ə li a diɛ luwɔlaa hu; dɔɔ kwəlii nɛ̨ą, da nuąi kpɔ kɛ nii Mispa; diɛi tii tɔɔmun mąąkpɛ nuą nwun nąmu Nebuzaradan ə di kalihvaɓo Ahikamə lon Gedaliasə ɓa. Netania lon Yismaɛlə ə li a diɛ luwɔlaa hu. Ə pənə yɛ li Amɔn nuą pɔ.

Yálá laawoo hɛɓɛ

¹⁰ Mispa nuą yiiɠaai lɛɛ, Yismaɛlə ə li a diɛ luwɔlaa hu; dɔɔ kwəlii nɛ̨ą, da nuąi kpɔ kɛ nii Mispa; diɛi tii tɔɔmun mąąkpɛ nuą nwun nąmu Nebuzaradan ə di kalihvaɓo Ahikamə lon Gedaliasə ɓa. Netania lon Yismaɛlə ə li a diɛ luwɔlaa hu. Ə pənə yɛ li Amɔn nuą pɔ.

Bible

¹⁰ Nya ƃe è gâloŋ ǹônii-nɛyãai sôŋ a kɔ-sôŋ-ŋa da ǹûai kélee kɛ̀ Mesipai. Ǹûai ŋí ƃé Babelɔŋ kɔ-kuluƃa kɛ́tɛi è wɔ́lɔ da Gidalia ni lɛ̀ɛ ǹɔii mɛi. Isimɛ è dísòŋ a kɔ-sôŋ-ŋa é lí a dia Amɔŋ lɔii-kpiniŋ su-pere.

Ɉeremi 41:10 Iomraidhean Croise

Nehemi 2:10

Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Ɉeremi 22:30

Yai-Laa woo ka! «Ka bɛ̨ɛ̨ a nui tii laa kaa diɛ nu kpoloon, nui nwun na hvo nɛ̨ɛ̨li mɛ̨nį ta hu nwɔ yɛnɛ̨ɛ̨ hu, non da lɔpee hvo pai nu kɛi, yɛ pɛli heei Davidə nwɔ tɔɔkpəlin hu, yɛ kɛ a Ɉuda tɔɔmun da.»

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 39:6

Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.

Ɉeremi 40:14

Di mo Gedaliasə ɓa, diɛ mą: «Hvó ɉu kɔ́lɔn yɛ́ kɛ: Amɔn nuą di wɔ tɔɔmun Baalisə ə Netania lon Yismaɛlə tí, ə́ paa mɛ̨nį ɓa?» Kɛlaa Ahikamə lon Gedaliasə hvo gaa a tɛ̨ą.

Ɉeremi 40:7

Gɔ́laɠa nwun nąmįnąi tii kɛ di taɠa taɠa nɔi hu, da di wɔ nuą di bələ mɛ̨n diɛ kɛ, Ahikamə lon Gedaliasə ɓə Babilonə tɔɔmun ə ɉee, yɛ ɲɛ̨i kɛ nɔi ɓa, ə mą kɛ ɉinąą, nɛ̨ąą da nɛapɛlɛɛ, ɛlɛɛ, nɔi hu nuą taɠaa, diɛi hɛn və di yəi, di hvo li li a diɛ Babilonə, di di kəlee di kalihvaɓo mą.