Ɉeremi 40:9 - Yálá laawoo hɛɓɛ (dc)

⁹ Ahikamə lon Gedaliasə yai kɛ a Safan lon, ə gwɛla diɛ, da di yee pɔ nuą, yɛ diɛ: 'Ka ká yee hee Kalde nuą mu, ka hvo ɲɔw, ka lɛɛ nɔi hu, ka lɛɛ Babilonə tɔɔmun woo mu, bulu a nɛ̨ɛ̨ káá.

Yálá laawoo hɛɓɛ

⁹ Ahikamə lon Gedaliasə yai kɛ a Safan lon, ə gwɛla diɛ, da di yee pɔ nuą, yɛ diɛ: 'Ka ká yee hee Kalde nuą mu, ka hvo ɲɔw, ka lɛɛ nɔi hu, ka lɛɛ Babilonə tɔɔmun woo mu, bulu a nɛ̨ɛ̨ káá.

Bible

⁹ Gidalia è mò dîa ǹyɛɛi, “Ŋa ŋ́gono têei káyêei a gɛɛ káfe yào kpɔ́ a dɔnɔ kpîŋ a gɛɛ ká kákpîŋ tɛɛ Babelɔŋ-ŋai pɔ́. Ka lɛɛ ǹɔii ŋí su, ká kákpîŋ tɛɛ Babelɔŋ kaloŋ pɔ́, kátii kɛ́ ḿî. Mɛni da fé pâi kákɛ̂i.

Ɉeremi 40:9 Iomraidhean Croise

Zɛnɛse 49:15

Aa gaa yɛ, ɓɛi gaa laa, nąą lɛlɛɛi, nąą ɲąą nɛ̨ɛ̨i. Aa ɉɛ̨ą lɛan tiɛ̨ həɠə mɛ̨nį ɓa. Mąąnɛ̨ɛ̨i lɔ luwɔ kóló ɓa.

Tɔɔɓɛlaa veelɛ 25:24

Gedaliasə ə nwoo ŋɛ̨i ɓo diɛ a nwąną da di wɔɔ nuąi, yɛ diɛ: «Ka hvo ɲɔw ka lɛɛ mɛ̨nį ɓa Kalde nuą yee mu, ka lɛɛ heeni ka heeiɠaa ɓa, kaa tí Babilonə tɔɔmun ɓa, nɔi hu a nɛ̨ɛ̨ kaa.»

Mąątɛ̨nɛ̨ 128:2

Ə́ kaa pai ə́ kɛ kóloɠaa dɔlɔ mį́i. Ə́ nwun na nɛ̨ɛ̨i, ə́ pɔɔ ɓaa yɛnɛ̨ɛ̨ ɲąąnɛ̨ɛ̨.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Ɉeremi 27:11

«Kɛlaa lɔi pai hvaai mą, yɛ nwun nɔ Babilonə tɔɔmun nwɔ tiɛ̨i mu yɛ tí mą, gaa pai nɛɛi a nwəli pulu laɠiɛ nwɔ lɔi hu, yɛ kóló kɛ mą. Yɛ hee mɛ̨i; Yai-Laa woo li.»

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 5:9

Ku kɔ̨nɔ̨n ɉɔlɔɓoi kaa kpɔ a haa wolo la. Too-kwɛ́liɠaa yəi mowa ŋą ɓə kwa ku kɔ̨nɔ̨n gwɛli laa nɔi pun ɉu.