Ɉeremi 40:5 - Yálá laawoo hɛɓɛ (dc)

⁵ Yá wala kɛ bɔ hvo lɛɛ bɔ́, pənə ə́ li Gedaliasə pɔ, yii gaa a Ahikamə lon, ə ɓo a Safan wɔ lon, ya ɓə Babilonə tɔɔmun ə ɉee, yɛ ɲɛ̨i kɛ Ɉuda taaɠaa diɛ, lɛɛ bɔ ka nɔi hu nuą, a wala kɛ tii, li ɓɛi ə́ kaa bɔ ə́ li laa. Tɔɔmun mąąkpɛ kɔ́kulááɠaa nwun nąmu, ə kɔnɔ̨nŋaa tɛɛ Ɉeremi pɔ, da dɔɔ bələi hɛn, ə yələ wala too mą.

Yálá laawoo hɛɓɛ

⁵ Yá wala kɛ bɔ hvo lɛɛ bɔ́, pənə ə́ li Gedaliasə pɔ, yii gaa a Ahikamə lon, ə ɓo a Safan wɔ lon, ya ɓə Babilonə tɔɔmun ə ɉee, yɛ ɲɛ̨i kɛ Ɉuda taaɠaa diɛ, lɛɛ bɔ ka nɔi hu nuą, a wala kɛ tii, li ɓɛi ə́ kaa bɔ ə́ li laa. Tɔɔmun mąąkpɛ kɔ́kulááɠaa nwun nąmu, ə kɔnɔ̨nŋaa tɛɛ Ɉeremi pɔ, da dɔɔ bələi hɛn, ə yələ wala too mą.

Bible

⁵ Tãi ḿve ŋ̀óo su too ní lai, Nɛbuzaradaŋ è mò ḿâ ǹyɛɛ, “Lí pôlu Aikaŋ ǹóŋ Gidalia pɔ́ naa nyíi gáa a Safaŋ ǹóŋ ŋɔlòŋ. Babelɔŋ kaloŋ a gɛ́ a kâloŋ Zuda taa-ŋai mɛi. Ka ǹyaa ka pɔ̂ri kɛ̂i naa ǹûai sáma, kpaa máŋ í lí ƃɛ́i kélee ya ŋ̀wɛ̂lii í lí naai.” Nya ƃe è sama-sɛŋ tɛ̀ɛ ḿbɔ a gɛɛ ŋá lí la. È nâa tèe ḿbôlu ŋá lí.

Ɉeremi 40:5 Iomraidhean Croise

Tɔɔɓɛlaa veelɛ 22:12

Yili pulu, ə mo ɉaláá laa həli mun Hilkiyahu, Safan lon Ahikamə, Mikaya lon Akbɔrə, ɉɛɓɛ́ kɛ mun Safan da tɔɔmun nwɔ tímun Asaya, yɛ diɛ:

Tɔɔɓɛlaa veelɛ 22:14

Ɉaláá laa həli mun Hilkiyahu, da Ahikamə, Akbɔrə, Safan, ə lɛɛ, Asaya, də li Yálá kwəi mɛ̨nį hukulɔ nɛ̨ɛ̨nu Hulda pɔɔli, nui kɛ a ɉəɠəɠaa mɛ̨i kaa mun Salumə, yai kɛ a Tikwa lon, yɛ ɓo a Harhasə mąnįn, nɛ̨ą li kɛ. Nɛ̨ɛ̨nui tii ə kɛ Ɉerusalɛmə daa nįnɛ̨i. Yii lɔ di kpɛɛ a di woo hukulaa mą,

Kɔlɔnikɔ Veerɛi 34:20

Yili pulu, ə mo Hilkiyahu, Safan lon Ahikamə, Mika lon Avdɔn, ɉɛɓɛ́ kɛ mun Safan da tɔɔmun nwɔ tímun Asaya diɛ, yɛ diɛ:

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Zôo 22:29

Ə mą kɛ nuą ɓə daa too, ya pɛli di muhəɠəi, mąąhɔlɔɓo, nui a nwun mąą yɛɛ, a muhəɠə.

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Ɉeremi 15:11

Yai-Laa yɛ mą: Gáá nwóó kwɛlɛi yɛ́, gɛ́ yɛ́ ə́ wɔ nu kpəlii pai lɛɛi, di kaa pai kɛi di nɛɛ hu. Gáá gwɛlai yɛ́, gɛ́ yɛ́, ə́ yowo kaa pai nɛɛmąą hvəi yɛ́, a mɔ̨nɔ̨ yələ da liihɛlɛn ɲələ.

Ɉeremi 26:24

Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Ɉeremi 39:14

di nu ta tɔɔ yɛ li Ɉeremi təlii dɔɔ kwəli mąąkpɛ nuą yəi gwəlii. Di dɛɛ Ahikamə lon Gedaliasə yai kɛ a Safan lon bɔ. Yili yɛ mą: Yá pɛli mą ə́ li ə́ yəi bɛlɛ́n; bələ ɓə Ɉeremi ə lɛɛ la nuą lɔwai.

Ɉeremi 40:4

Kɛlaa, ə́ ɲɛ̨i hee, yiihu, háákələi, gáá ə́ wɔ yɔwɔnŋaai kulɔi ə yee ɓa, Yá kɛ ɓɔ, gwa yɛ́ gwəli Babilonə, pa ŋį́ ə́ mąą mɛ̨nį ɲɛ̨i kulɔ. Kɛlaa, gwa yɛ́ gu li mɛ̨nį Babilonə wɛli a wala kɛ yɛ́, hvó pa. Nɔi nąą kəlee kaa ə́ líila, ɓɛi lɔpee nąą a nɛ̨ɛ̨ yɛ́, lí laa.»

Ɉeremi 41:1

Ɲąnin mɛ̨ihveelɛnąą, Elisama lon Netania non Yismaɛlə, ŋɛ̨i kɛ a tɔɔmun ɉuwu, ə ɓo a tɔɔmun nwɔ kalanɉon gɛnɛ̨ ta; ə pa Ahikamə lon Gedaliasə pɔ Mispa, nu pow hvilɛnŋąą kɛ bɔ. Di lɛɛ kɔ̨nɔ̨n mįi da diɛni Mispa,

Ɉeremi 41:18

Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Ɉeremi 41:2

Netania lon Yismaɛlə da nu powi tii kɛ bɔ, di di muhəɠə nuą tɛɠii, di Ahikamə lon Gedaliasə paa a ɓɔwa kwɛa, nui tii Babilonə tɔɔmun ə ɉee, yɛ ɲɛ̨i kɛ nɔi ɓa. Bələ ɓə di baa la.

Gɛlaɠaa 27:3

Mąą yələ laa ɓoɔ, ku tɔɔ wolo ɓo Sidɔn. Ɉuliusə ə kɛli Polə hon a ɲɛ̨imąąwɛli kaa pələ, ə Polə lɛɛ laa, ə li nwɛlikɛmąą nuą pɔ, ə gɛ, ə mąąkpaan gbɛɛ hɛnŋąa hɔlɔɓo di yəi.

Gɛlaɠaa 27:43

kɛlaa, ɉolahi nwun dɔ̨nɔ̨ nąmu nwɛi, ə kɛ bɔ ə Polə nwun gulɔ ɉu, ya ɓə gɛ, hvo hvaa di woo ti ɓa. Ə mo yiiɠaai kɛ di wəlɛɛ yá kɛlɛi, di too ɲąi, di li tɔlɔɔ gbonwo ɓa.

Gɛlaɠaa 28:10

Di ku mąąwiɛ a ɉuwu tamąą. Ɛlɛɛ, ɓɛlɔwai ku tɛ la gələn ɉu, hɛn kpɔ kɛ mąą kpaan ə kɛ ku yəi, di dɛɛ ku pɔ.

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»