Ɉeremi 4:9 - Yálá laawoo hɛɓɛ (dc)

⁹ Yai-Laa woo ka, yɛ diɛ: Ɲələi tii a həli! Tɔɔmun da nwɔ kalanɉonŋaai, liikpələ hva kɛ di yəi. Ɉaláá laa həli nuą hu a pu diɛ, Yálá kwəi mɛ̨nį hukulɔ nuą kwəi a pili diɛ.

Yálá laawoo hɛɓɛ

⁹ Yai-Laa woo ka, yɛ diɛ: Ɲələi tii a həli! Tɔɔmun da nwɔ kalanɉonŋaai, liikpələ hva kɛ di yəi. Ɉaláá laa həli nuą hu a pu diɛ, Yálá kwəi mɛ̨nį hukulɔ nuą kwəi a pili diɛ.

Bible

⁹ Yâwɛɛ è mò ǹyɛɛi, “Tãi tí a sèri, gâloŋ-ŋai da ŋɔtíi kɛ́-ƃelai da pâi kɛ̂i yaôi. Zâla láa-soŋ-ƃelai líi a pâi ƃêlai dîa. Ɣâla ŋɔlóno kɛ́-ƃelai lá é kpála dîa.”

Ɉeremi 4:9 Iomraidhean Croise

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Mąątɛ̨nɛ̨ 102:4

Hvó gaai, nwɔ́ hvólóɠaa kaa lɔ kpɛɛi, yɛ nwɔ̨n nulu, gɔ́wɠaa diɛ kələn yɛ kpáɠa nwɔ̨n.

Azaya 19:16

Nąąlɔwai Eziptə a kɛ lɔ yɛ nɛ̨ɛ̨nu, yɛ ɲɔw, mąą yɛ kpɛlin, ɓɛlɔwai a Yai-Laa Mɛ̨nį Kəlee ŋą Hééɓomun yee kaa la mɛ̨i.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 28:19

Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Ɉeremi 2:26

Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 37:19

Ɛlɛɛ, ka wɔ lɛɛ mɛ̨nį hukulɔ nuąi kɛi kɛ kaa: ‹Ə kɛ a káá-oo, ə kɛ a nɔi ŋɛ̨i-yoo, Babilonə hvo pai kɔ́ pɛlɛi káá› di kaa mį?

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 52:7

Di nɛ̨ɛ̨ mą, di wolo ɓɔ daa mąąkpɛɛ hįį ɓa, gɔ́ kɔ́ nuą kəlee di pu, di kulɔ taai a kwiihąą, bɛlɛ́ nwąną hveelɛ lɔwai kpon gɛɛnąą, tɔɔmun nwɔ nɔw yɛa kwɛlɛ, bələi mąn Kalde nuą daa kɛ daa mąątinɛn na daa doo gee hu. Di ɉon a Ɉurdɛn ɲa-ɓoloon bɔ pələ.

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»