Ɉeremi 4:31 - Yálá laawoo hɛɓɛ (dc)

³¹ Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Yálá laawoo hɛɓɛ

³¹ Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Bible

³¹ Ŋá wɔ́lɔ-woo mɛ̀ni yɛ̂ɛ nɛnî ƃé gáa koi-tee lɔɔi. Yɛ̂ɛ nɛnî ƃé gáa koi-tee su a m̀aa-ŋuŋ. È kɛ̀ a Zerusâlɛŋ nyíi kɛ̀ wɔ̂lɔi, gɛ̀ ǹɛ̂wo gbɛɛ-ŋai tòo, gɛ́ ǹyée sã̀a, gɛ́ mò ǹyɛɛi, “Ŋ́gáa mɛni kpɔ̂lu su! Da pá ḿbaâi.”

Ɉeremi 4:31 Iomraidhean Croise

Zɛnɛse 27:46

Rebeka yɛ Isaakə ɓa: «Nón nɛ̨ąni hveelɛi ŋɛ̨i a Hɛtə nɛ̨ąą, daa yɛnɛ̨ɛ̨ hee ɉú. Ɉakɔbə yaa kpɛli a ɓɛ nɛ̨ɛ̨nu həɠə, nwɔ́ yɛnɛ̨ɛ̨ nwun və kɛa mą.»

Zôo 10:1

Yɛnɛ̨ɛ̨ a ɓaɠi lii tɛ a ɲą́ą́, Və́ pai náá pilɛi nwóólaa mɛ̨nį ɓa. Gáá lɔ pai kɛi hvaai lii kələn gwəi hu.

Mąątɛ̨nɛ̨ 120:5

Ee kə néé gboo! Kpalo aa gáá! Ɲą́ą́ ka Mɛsɛkə lɔi hu, gɛ́ ɓo heeni Kedarə lɔi hu.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 13:8

Ɲɔw aa too di hu, di mąą yɛ kpɛlin, diɛ mɔ̨nɔ̨ mįi, diɛ kpɛlaan gbɛlaan yɛ nɛ̨ɛ̨nu a kɛi kwəinwąną kɛ, diɛ di kee kaa a kwəi pili, di ɲɛ̨i kɔ́w aa kpɔlu yɛ nwɔ̨n dəŋą.

Azaya 21:3

Ya ka ŋɛ̨i níí kəlee kaa kpɛlin ɉii ɉú, mɔ̨nɔ̨ aa wolo mą́ą́, yɛ́ kwəinwąną a wolo nɛ̨ɛ̨nu ɓa, yɛ mɔ̨nɔ̨ mįi, mɛ̨nįi gáá mɛ̨n ɉii, aa ɉú pu mą́ą́, gɛɛi gáá gaai, aa vínnaton.

Azaya 26:17

Ku pa Ə́ lííla, Yɛ́i a Yai-Laa, yɛ nɛ̨ɛ̨nui kwəi nwąną kɛi, yai a kɛ kpɛlaan ɉi, yɛ tómą mɔ̨nɔ̨ yəi.

Azaya 42:14

Ŋą́ą́ lamun heeni tin, və́ kɛli hvaa, gɛ́ ɉu hon, gɛ́ ɲiŋɛ̨, vínna yɛ tɔ́n, yɛ nɛ̨ɛ̨nui gaa kwəinwąną kɛi, nɔ̨ɔ̨ heɛ lɔ gə́ŋə hu gɛ̨ɛ̨ gɛ̨ɛ̨.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Ɉeremi 10:19

Ə́ kə néé! Lə mɛ̨nį ɲąą nwąnąą ɓəi! Mɛ̨nįi aa gáá, ɉalə hvo mą. Ɲą́ą́i kɛi kɛ diɛ: Mɛ̨nįi ŋɛ̨i naa mą́ą́ hvo walawala li, bɛliɛ mu.

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 22:23

Yɛ́i kɛ heeni Liɓan, yáá ə́ taa tɔɔ Liban kpitiliɠaa hu. Ə́ ɲiŋɛ hiɛ ka tii, mɔ̨nɔ̨ɠaai pai laai yɛ́ di yəi, yɛ kwəi nwąną kɛ nɛ̨ɛ̨nu nwɔ mɔ̨nɔ̨.

Ɉeremi 30:6

Ka kɛɛ mąąlən gɛ, ka ka ɲɛ̨i laa, hulɔnu a mɔ̨ɔ̨ naayɛɛ? Lə ɓə kɛ yai gáá kpakolo hinąą kaai, di yee tɔɔ di woɓəi yɛ Nɛ̨ɛ̨nu a kɛi kwəi nwąną kɛ. Nu kəlee ɲɛ̨ikɔw aa kulɔ daai?

Ɉeremi 45:2

«Yai-Laa Israɛlə nwɔ Yálá woo ka, yɛ: Barukə! Ə́ kaa kɛi diɛ:

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 49:24

Damasə aa too, aa bulu tinɛ̨n yɛ pu. Maa yɛ kpɛlin nɔ ya ya mɔ̨nɔ̨ da liikələn gwəi daa həli mą, yɛ Nɛ̨ɛ̨nui kwəi nwąną kɛi.

Ɉeremi 50:43

Babilonə tɔɔmun aa bələ mɛ̨n, vii aa kpɛɛ kpɔ kɛnɛ̨, niikələn ŋąą gwəi, yɛ nɛ̨ɛ̨nui kwəi nwąną kɛi nwɔ mɔ̨nɔ̨.

Ɉeremi 6:2

Yɛ́ Siɔn taa, Nɛ̨ɛ̨nu lɛlɛɛ gɔmɛ̨i, daa gɛ, ə́ mɛ̨i aa haa tón-tón.

Woolaa 1:17

Siɔn taa aa ɲee haŋą. Nu hvo ɲəi hvo niilaa, Yai-Laa aa Ɉakɔbə kwɛlɛ nuą kəlee kɛ a ɲowoɠaa. Ɉerusalɛmə aa kɛ di lɔwai yɛ kala pilii.

Woolaa 1:20

Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Osia 13:13

Kwəi nwąną kaa pai yilii lon gaa nɛ̨ɛ̨nu ɓa, nwɛi, lon ɉulɔnu li, yii hvo mɛ̨nį ta hon bələ kɔ́lɔn; ba yələ aa həli, kɛlaa, hvo gɛi hvo kulɔ nee kwəi.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Mise 4:9

Lə ɓə kɛ yai ə́ kaa tómąi yiihu? Tɔɔmun və kɛa ə́ pɔɔli? Ə́ liɛwoo ɓomun aa pili? Yai ə́ kaa mɔ̨nɔ̨ mįi la? Yɛ nɛ̨ɛ̨nui kwəinwąną kɛi?

Mise 7:1

Kpalo ɓɛlaai mą́ą́, gáá yɛ mɔ̨nun deemun a mɔ̨nun dee a vinɉilɛ, yɛ mɔ̨nun gban ɉu kwɛlimun, Kɛlaa, mɔ̨nun gbaɠa tɔ̨nɔ̨ kpɛli hvo hɔlɔɓo li, və́ naa ɲéé kpálá; nííɓa wulu, ma tɔ̨nɔ̨ kpɛli hvo hɔlɔɓo li ɉu.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.