Ɉeremi 4:11 - Yálá laawoo hɛɓɛ (dc)

¹¹ Maa hvólói tii, di kaa pai kɛi nuą ŋɛ̨i da Ɉerusalɛmə diɛ: «Hvaŋą kələnŋąą kaa bələ ɓa yɛ pa nwɔ́ nuąi pɔ, yɛ həɠə nɔi pun ɉu pələ. Hvó ɓaa hvaŋą holɛɛ yii da mɔ̨nun vɛɛ la.

Yálá laawoo hɛɓɛ

¹¹ Maa hvólói tii, di kaa pai kɛi nuą ŋɛ̨i da Ɉerusalɛmə diɛ: «Hvaŋą kələnŋąą kaa bələ ɓa yɛ pa nwɔ́ nuąi pɔ, yɛ həɠə nɔi pun ɉu pələ. Hvó ɓaa hvaŋą holɛɛ yii da mɔ̨nun vɛɛ la.

Bible

¹¹ Tãi tí à sèri, da pâi môi Zerusâlɛŋ-ƃelai dîa a gɛɛ fãa kɛ́tɛ su kpanaŋɔɔ fãa káa kulâi vɛ̃ɛ-kpâlaŋ su pere gɛ̀ pà dí pɔ naa pere. Vãai ŋí fé pâi kɛ̂i a fãa loŋ. Vé pâi kɛ̂i nɔ́ yɛ̂ɛ mɔlɔŋ kâla fɛ́ɛ fãa.

Ɉeremi 4:11 Iomraidhean Croise

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Azaya 22:4

Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Azaya 27:8

Ə di kiti tee, a di kpɛi ə mo, di kulɔ nɔi hu, ə di kpɛ a nɔ̨ɔ̨ hvaŋą, a gbooyee hu hvaŋą tɛɛi tɔ̨nɔ̨

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Ɉeremi 13:24

Gáá pai ka hu taɠai yɛ dɛɛ kpoloon, yɛ bələi hvaŋą a gɛ la nɔi pun ɉu.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 23:19

«Yai-Laa nwɔ tulɔ hvaŋai aa muhəɠə, a kɛɛ kala liiholi, vaŋa kaa tɛɛi, yɛ kpəlaan a hɔn mąą nuą nwun.

Ɉeremi 4:12

Hvaŋą huwalawalaa ɓə ŋį́ dɔɔ yɛ pa, ɲą́ą́ gbɛli mąn nwɔ́ yələ aa ɉəli, ə gɛ ŋį́ di kiti tee.»

Ɉeremi 8:19

ka bɔ́ lɔi nuą wɔlɔ woo mɛ̨n dai! Di woo kaa tɔɔi nɔi nąą kəlee. Diɛ kɛ mą: «Akɛ tii, Yai-Laa hvó mɔ̨ɔ̨ Siɔn daai? Akɛ tii tɔɔmun hvo kɛa laa ɓəi?» «Lə ɓə kɛ yaai di nwąną lɔ diɛ kwɛli hvilɛn hali ɓa, a gbɛli-kpɛli hɛnŋaa tii həɠə pələ takpɛli.»

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 3:48

Ɲɛ̨́iyá aa gboloon naa nwɔ́ lɔi hu nɛ̨ɛ̨gbɛlaɠaa mąą mɛ̨ni ɓa.

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Woolaa 4:3

Pələi mąn lɔwɔ huwɔ kaa la, non mąą liihlɛn gaa mą, yɛ ɲįnį tɔɔ non na. Kɛlaa nwɔ́ nuą kaa yɛ kɔ̨nwɔ̨lee yii non mąą liihlɛn və mą. Yɛ bələi hɔ̨nwɔ̨gɔlɔn gaa la lɔi pun ɉu.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Izikiɛ 17:10

Da ɉin gaa pai lɛlɛi? Hvaŋą ɲąą nwąnąą a hee mą, kɛlaa gbala hiɛ li kpɔ tɛ̨ɛ̨ tɛ̨ɛ̨. Nɔi ti kɛ mąąnɛ̨ɛ̨ ə lɛlɛ ɉu, gaa pai kpalai laa.»

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Osia 4:19

Hvaŋą kaa pai lii a diɛ, yɛ li a diɛ, nwumɛ̨ yɛ tɛ diɛ, di wɔ haláá kulɔ mɛ̨nįɠaai tii hu.

Habakukə 1:11

Di wɔ kiliŋąhiɛ mąą a hvalən. Diɛ li pələ takpɛli a kɛɛ kalaa. Di hvaŋą ɓə ɓaa a di wɔ Yálá.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Lukə 3:17

Nwɔ laɠai kaa ɲei yɛ paa la, gaa pai gɔw da gala di ɓɛlaɓoi, a gɔw pu nwɔ hɛnŋąŋąi hu, ə gala kələn a nwɔ̨n yii hva luwun.»