Ɉeremi 39:5 - Yálá laawoo hɛɓɛ (dc)

⁵ Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Yálá laawoo hɛɓɛ

⁵ Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Bible

⁵ Kɛ́lɛ Babelɔŋ kɔ-kuluƃa-ŋai dí pɛ̀lɛ dí kpɛ̂i é lɛ́ɛ la zu dí Zɛdikaya soŋ diŋ-tiŋ su Zɛleko kɔlɛ ma. Nya ƃe dí lì la Gâloŋ Nɛbukinaza pɔ́ naa Lebila taa-leei su nyíi kɛ̀ Ama lɔii kpiniŋ sui. Ǹaa ƃé Nɛbukinaza è ŋɔmɛnii ŋá tèe naa.

Ɉeremi 39:5 Iomraidhean Croise

Samia Veerɛi 8:9

Hamatə tɔɔmun Toi ə bələ mɛ̨n diɛ kɛ Davidə yee a tɛɛ Hadadɛzɛrə nwɔ kɔlaɠaɠaa kəlee diɛ.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Tɔɔɓɛlaa veelɛ 23:33

Eziptə tɔɔmun Neko ə Yoakazə hon a luwɔ Rivla daai Hamatə lɔi hu, ə doo yɔwɔn ŋą, ə gɛ, hvo kɛa tɔɔlaa kɛ Ɉerusalɛmə daai. Eziptə tɔɔmun Neko ə Nįįhɔ̨nwɔ̨ laa Ɉuda nɔi nuą nwuɔ̨ a wali kwələ kilə waa nwun ɉaaɓa, diɛ gulɔ kwɛlan mą da hɛni kilə pow haaɓa.

Tɔɔɓɛlaa veelɛ 25:6

Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Azaya 22:3

Ə́ wɔ kɔ́ ɲɛ̨itɔwɔ nuą kəlee daa pu, daa di hon a kɔluwɔɠaa, di hvo mąn kilɛn ɲąą lɔwa li diɛ, nuąi kpɔ di di kaa, di gəlee hon a kɔluwɔ, ya pa daa kɛ pu kpɔ daa li kwɛala.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 24:8

Yai-Laa yɛ diɛ: «Mɔ́láá ɓá ɲɔ̨nwɔ̨ɔ̨ɠaai tii mį́i hvo diɛ, di kalaa, ɉɛn da gɛ a diɛ, ya ɓə gáá pai gɛi a Ɉuda tɔɔmun Sedesiasə da nwɔ tí nuąi, da Ɉerusalɛmə nuą gbəliɠaai lɛɛ daai, yiiɠaai kpɔ kɛ nɔi ŋɛ̨i hu da yiiɠaai kpɔ Eziptə lɔi hu.

Ɉeremi 38:18

Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 4:12

Hvaŋą huwalawalaa ɓə ŋį́ dɔɔ yɛ pa, ɲą́ą́ gbɛli mąn nwɔ́ yələ aa ɉəli, ə gɛ ŋį́ di kiti tee.»

Ɉeremi 44:30

Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Ɉeremi 49:23

Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Woolaa 1:3

Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 23:24

Mąą yələ, kɔ́ kɔ́ wotoloɠaa, da tiɛ̨ həɠə-wotoloɠaa da həɠə ɲánwuɔ̨ pələ diɛ pa pɛlɛi yɛ́. Da kɛ a nu huwu yee lɔɔ gee hu; da ə́ mąątínɛ̨n a kɔ́ kɔ́ kwɛlihɛnŋąą, di doo gee hu. Ŋą́ nwóó hu kulɔ diɛ, diɛ kɛa ə́ kiti tee yɛ bələi di kaa la bɔ.

Habakukə 1:7

Di ɲɛ̨i mąą ɲɔwuɔi, di hvaŋą kɛnɛ̨. Di wɔ huɲąŋą kɛnɛ̨ laa hu, di wɔ tɔ́n mąą a di wɔ huwalawala.

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Zasua 13:5

Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.

Zasua 4:13

Kɔ kɔ́ nuą nu waa pow nąąn ɲɔ̨nwɔ̨mąn ə tɛɛ Yai-Laa lííla, di Ɉurdɛn teen, diɛ li Ɉeriko nɛ̨ŋɛ̨i pələ.

Zasua 5:10

Israɛlə nuą di hee Gilgalə, di pakə hɛli pu laa, a ɲąnin tii di kɛ ɉu nwɔ hvóló pow kɔ́w nąąn ɲələ yələ wulii pɔ Ɉeriko nɛ̨ŋɛ̨ lɔi hu.

Nwun mąąɓo 3:3

Nu huwuɠaai tii laa ka: Filisti tɔɔɓɛlaa lɔɔli, Kanaan nuą, ɛlɛɛ, Sidɔn nuą, Hivi nuą, diɛ kɛ di heɛ Liban ɲeeɠaa ɓa, ə həɠə Baalə-Hɛrmɔn ɲee ɓa, ə həli la Lebo-Hamatə ɓa.