Ɉeremi 39:2 - Yálá laawoo hɛɓɛ (dc)

² Sedesiasə nwɔ tɔɔlaa gwɛlan bow gɔw tanɔ̨n nąą, a ɲąnin nąąn nwɔ hvóló mɛ̨inąąn, di daa mąąkpɛ hįi wolo nąą ta;

Yálá laawoo hɛɓɛ

² Sedesiasə nwɔ tɔɔlaa gwɛlan bow gɔw tanɔ̨n nąą, a ɲąnin nąąn nwɔ hvóló mɛ̨inąąn, di daa mąąkpɛ hįi wolo nąą ta;

Bible

² Tãi Zɛdikaya è kɛ̀ la gâloŋ-laai su ŋɔkóraŋ puu-kao tɔnɔi ŋɔɣáloŋ ǹáaŋ ŋɔfólo lɔ́ɔlu-mɛi-náaŋ ɣele ƃé dí ziɣãŋ wôlo la Zerusâlɛŋ ma.

Ɉeremi 39:2 Iomraidhean Croise

Ɉeremi 1:3

Yai-Laa ə da ɓo nwɔ̨nɔ̨ Ɉeremi ɓa a Ɉosiasə lon Yoyakimə Ɉuda tɔɔmun nwɔ yələ, ə lɛɛ kpɔ la ɉu, ə həli la Ɉosiasə lon Sedesiasə Ɉuda tɔɔmun nwɔ tɔɔlaa gwɛlan bow kɔ́w tɔ̨nɔ̨ laa kulɔi lɔwai, ə lɛɛ la ɉu, ɓɛlɔwai də li la a Ɉerusalɛmə nuą nuwɔ laa hu, a ɲąnin nɔɔli naa.

Ɉeremi 32:1

Ɉuda tɔɔmun Sedesiasə nwɔ tɔɔlaa gwɛlan bow nąąn ɲələ, Nabukodonosorə nwɛi bow gɔw mɛ̨ihveelɛ ɲələ li kɛ, Yai-Laa ə mɛ̨nį ɓo Ɉeremi ɓa.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 37:8

Kalde nuą kaa pai pənəi di pa, di gɔ́ pɛlɛ daai ŋɛ̨i ɓa; di kaa pai ɉon ɉii, di gələn.

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Izikiɛ 33:21

Ku liɛ nuwɔlaa hu, gwɛlan bow gɔw hveelɛ, ɲąnin bow nwɔ hvóló nɔɔli yələ, nu ta ə pu, ə həɠə Ɉerusalɛmə, ə pa bɔ́, yɛ mą́ą́: «Daa daa hon a kɔ́!»

Izikiɛ 4:3

'Kwɛli ɓɛla həɠə; 'dɔɔ yɛ kwɛli pɛlɛ́ nwąną ka daa ka lɔwai, 'tinɛ̨n ə́ ə́ ɲɛ̨i hee daa ɓa hįį; a kɛ a taa yii daa kɔ́ hee mą; mąąhɔlɔɓo, yáá kɔ́ hee mą. Israɛlə nwɔ pɛlɛ́i mąą hanwɔ̨n ga ti.

Izikiɛ 5:2

Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Sofoni 1:10

Yai-Laa woo ka, yɛ diɛ: Mąą yələi tii, wɔlɔ woo kɛnɛ̨ a tɔɔ ɉɔwɔlee pɛlɛ laaləi pələ, woo laa woo yɛ tɔɔ daa nįnɛ̨ hu, tín gɛnɛ̨ yɛ tɔɔ ɲeeɠaa nwuɔ̨.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.