Ɉeremi 38:4 - Yálá laawoo hɛɓɛ (dc)

⁴ Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Yálá laawoo hɛɓɛ

⁴ Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Bible

⁴ Nya ƃe díi kɛ́-ƃela kpaya-kpayai dí lì gâloŋ pɔ́ dîyɛɛ mai, “Fɛ́ɛ nɔ́ kú ǹaloŋ ŋí páa. Ǹóno sîi a gɛ̂i, a gɛ̂i gɔ-kuluƃa-ŋai díkaa daa-lêei sui díkili fa pɔ̂ri kulâi dí kɔ́ kúmɛni ma. Gáa ǹóno tɔnɔi ŋí kɛ̂i ǹûai kélee pɔ́ nyíi-ŋai díkaa daai sui. Ǹóno-woo fé kpɔŋ mâa tɛɛ̂i ǹûai pɔ́. Kɛ́lɛ, gáa nɔ́ dí líi toôi pôlu.”

Ɉeremi 38:4 Iomraidhean Croise

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Kɔlɔnikɔ Veerɛi 24:21

Nɔi lonnii ɲąba lɔ Zakaria ɓa, tɔɔmun ə mo, di ɉɔɔ a kwɛni, di baa Yai-Laa ŋą pɛlɛ́i laaləi, gwəli hąąi.

Ɛsdrasə 4:12

«Ku wɔ mɛ̨nį nąmu! Ku kaa ə́ kili pui ɉu, kuɔ yɛ́: Ɉuifəɠaa ŋɛ̨i həɠə ə́ pɔɔli diɛ pa ku pɔ ɓɛ Ɉerusalɛmə daai, di kaa pənəi diɛ nwąnąlɔ taa da gwɛli tee taa ŋɛ̨i tɔɔ; diɛ ɉįi tɔɔ, diɛ pɛlɛ́ tɔɔ bɛlɛ kpoloonŋąą ŋą.

Nehemi 6:9

Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Lɛɛ gbɔwɔ ɓa 5:4

Eziptə tɔɔmun, yɛ Moisə da Aarɔn diɛ: «Lə mɛ̨nį ɓa ka káá hviikpɛɛ tooi Israɛlə nuą hu? 'Ka pənə 'ka li ka kɛ kóló ɓa.

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Ɉeremi 26:11

Ɉaláá laa həli nuą da Yálá kwəi mɛ̨nį hukulɔ nuą, di mo nɔi lonnii kəlee diɛ, diɛ diɛ: «Mąąnɛ̨ɛ̨ di nui ŋɛ̨i paa, mąąhɔlɔɓo, gaa daai ŋɛ̨i nɛ̨ŋɛ̨n naai, kaa kpinįi kaa nwoo mɛ̨n.»

Ɉeremi 29:7

Daa tii ka tɛɛ ɉu, mąą liihɛlɛn ə too kaa, ka Yai-La hvɛli daa tii mąą mɛ̨nį ɓa. Daa tii a kɛ nɛ̨ɛ̨hu, kaa kpɛli ka kɛ laa ka nɛ̨ɛ̨hu.

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Ɉeremi 38:25

Nɔi kóló kɛ nuą da bələ mɛ̨n, diɛ gwa yɛ́ gwaa lono kɛ, da ə́ mąąnikɛ, diɛ kɛ yɛ́: ‹Mɛ̨nii ə́ mo tɔɔmu ma, ɉukulɔ kuɔ, yá wala gɛ, yá haa, hvo mɛ̨nį ta loo kuɔ, tɔɔmun ə́ kɛ yɛ́ lə?›

Ɉeremi 43:3

Neriya lon Barukə ka tii ə́ ɲąątɔɔi kuɔ. Gaa bɔ ə ku tɛɛ Kalde nuą pɔ yiliɠaai diɛ ku paa, diɛ li a kuɔ Babilonə.»

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Amɔsə 7:10

Nąąlɔwai, Amasia ŋɛ̨i kɛ a haláá laa həli mun Betɛlə daai, ə wɛlɛɛ tɔɔ Israɛlə tɔɔmun Ɉeroboamə pɔ, yɛ mą: «Amɔsə kaa bɔ, ə ə́ wɔ tɔɔlaai kulɔ ə́ yəi Israɛlə lɔi hu, nɔi nuą kəlee di hvo kɛa pɛli di wəli tɔɔi nwoo ɓa.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Gɛlaɠaa 16:20

Di di tɔɔ giti tee nuą lii la, diɛ diɛ: «Nuą ŋɛ̨i, di kaa woo ɲąnwąną lɔi kuɔ taai hu, Ɉuifəɠaa ɓaa diɛ.

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Gɛlaɠaa 28:22

Kɛlaa, yii ə́ kwəi, ku kaa bɔ ku mɛ̨n ə́ la. Mąąhɔlɔɓo, ə́ wɔɔ kpɔn tii nwɛi, da mąą hɛatoo kɛɛnąą lɔpee gəlee ɓa.»