Ɉeremi 38:19 - Yálá laawoo hɛɓɛ (dc)

¹⁹ Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Yálá laawoo hɛɓɛ

¹⁹ Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Bible

¹⁹ Kɛ́lɛ, gâloŋ è ŋ́oo su tòo ǹyɛɛi, “Kúlɔii ŋí su-ƃelai nyíi-ŋai da díkpîŋ tɛɛ Babelɔŋ-ƃelai pɔ́i, ŋa yaôi dîa. Da pâi ńzonîi dí ńdɛɛ dípɔ dí ḿɔ̃lɛ.”

Ɉeremi 38:19 Iomraidhean Croise

Kɔlɔnikɔ Veerɛi 30:10

Nwɛlɛɛɓo nuą di tɛɛ daaɠaa hu, Ɛfraimə lɔi hu da Manase lɔi hu, di həli kpɔ Zabulɔn. Kɛlaa, di kɛi yɛlɛ diɛ, diɛ di kaa yɛ ɓowonuą.

Nehemi 4:1

Sanbalatə, Toviya, Arabə nuą, Amɔn nuą, da Asdɔdə nuą, bələ mɛ̨n di mo, diɛ Ɉerusalɛmə mąąkpɛ hįį kaa pɛlii, goló yɛ tɛ tɔwɔ, ə lɛɛ nwoloɠaa yɛ kpulu, di lii ə holi kpɔ kɛnɛ̨.

Zôo 31:34

Gɛ́ yili kɛ mąąhɔlɔɓo, və́ laa li nuą woo la, gɛ ɲɔw pɛlɛ takpɛli mu nuą di wɔ ɓɛlɛkpɛɛ mąą ɓa, gɛ́ pɛli náá pilɛi, yii vá kulɔ ɲə́i bɛlɛ́n.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Ɉeremi 20:7

Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 38:22

Nɛąąi tii nii dɔɔ pɛlɛ́ mu, da li a gəlee Babilonə tɔɔmun nwɔ kɔlaɠai ɲɛ̨itɔwɔ nuą kpɛa-kpɛa pɔ. Diɛ wələ too, diɛ kɛ mą: «‹Daa ə́ nwun ɉu lan, daa ə́ ɓowo, ə́ ɓɛlaa lɛlɛɛɠaai tii, ə́ kɔwɔ a lɔ palayá hu, lɛani daa di wɔ li ɓo.›

Ɉeremi 38:5

Tɔɔmun Sedesiasə yɛ diɛ: «Gaa ka yee kɔ́nma, tɔɔmun va pɛli kpəɲąn ɉii ka tɔwɔ.»

Ɉeremi 39:9

Galanɉonŋaai kɛ ni daai, tɔɔmun mąąkpɛ kɔ́kulááɠaa di nwun nąmu Nebuzaradan, ə li a diɛ Babilonə, da nuąi tii kɛ daa pu, diɛ di kpɔɔ tɛɛ bɔi, da gwəli nąmįną gbəliɠaa.

Ɉaan 12:42

Ə mą kɛ tii, ɲɛ̨i tɔwɔ nuą lɔwai, damąą di laa Jesus la. Kɛlaa, di hvo kɛ bɔ di hvo di kpɔwɔ lɛ, ə gɛ, di hvo pa di kpɛ Yálá hvɛli pɛlɛ́ mu, mąąhɔlɔɓo, di kɛi ɲɔ̨w Farisiɛ̨ɠaa diɛ.

Nwun mąąɓo 16:25

Yɛ bələi di kəlee di kwəinɛ̨ɛ̨i kɛ la diɛ tomą, di mo diɛ: «'Ka pa a Samsɔn, ə pələ kɛ ku ɲɛ̨i ɓa, ku nąą kaa.» Di Samsɔn kulɔ gaho pɛlɛ́ mu, di paa la nuą pɔ, di kwəinɛ̨ɛ̨ yɛ pələ kɛ, diɛ gaa. Di Samsɔn tɔɔ Dagɔn mąąwiɛ pɛlɛ́ nɔ̨nwɔ̨ hveelɛ lɔwai.

Nwun mąąɓo 9:54

Ɉulɔnon kɛ Abimelɛkə pɔ, yɛ nwɔ kɔ́ kɔ́ kwɛli hɛnŋaai həɠə, Abimelɛkə ə dəli, yɛ mą: «Ə́ wɔ ɓɔwai kulɔ daa hu, ə́ gbə́li paa, ə gɛ di hvo pa kɛ diɛ nɛ̨ɛ̨nu ta ɓə báá.» Nąąlɔwai, ɉulɔnon tii ə mowa lɔ ɉu, ə haa.

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Samuɛlə dɔlɔɔ 31:4

Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.