Ɉeremi 38:17 - Yálá laawoo hɛɓɛ (dc)

¹⁷ Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.

Yálá laawoo hɛɓɛ

¹⁷ Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.

Bible

¹⁷ Gɛ́ɛ tíi, ŋá mò Zɛdikaya ma a gɛɛ Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, “À kɛ̀ yà íkpîŋ tɛ̀ɛ Babelɔŋ kaloŋ ŋɔtíi kɛ́-ƃelai pɔ́, dífe pâi ípaâi. Dífe tela pâi daai ŋí kérenîi. Gɛ̀ ní, ka ínûai ka pâi lɛɛ̂i ɣele ma.

Ɉeremi 38:17 Iomraidhean Croise

Zɛnɛse 12:13

Yili ɓa gwa li, ya kɛ diɛ ə́ ka a mą́ą́ Halá, ə gɛ, di ɉón a nɛlɛɛ ə́ mąą mɛ̨nį ɓa.»

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Tɔɔɓɛlaa veelɛ 25:27

Ɉuda tɔɔmun Yoyakin nwɔ luwɔlaa gwɛlan bow haaɓa gɔw mɛ̨ihveelɛ lɔwai, ɲąnin bow gɔw hveelɛnąą, ɲąnįn nwɔ hvóló pow hveelɛ gɔw mɛ̨ihveelɛ yələ, Ewilə-Merodakə yai kɛ a Babilonə tɔɔmun, gwɛlan tii ə dɔɔlaa hɔlɔɓo la, ə Ɉuda tɔɔmun Yoyakin ɲɛ̨imąąwɛli kaa, ə gulɔ gaho ŋą.

Kɔlɔnikɔ Maa-ŋuŋ 17:24

Nwoo tii Ə́ mo, ə nɛ̨ɛ̨ kani mą, Ə́ laa mąą yɛ wiɛ a yələ kəlee mɛ̨nį, ɛlɛɛ, diɛ kɛ mą: ‹Yai-Laa Mɛ̨nį Kəlee ŋą Hééɓomun Israɛlə nwɔ Yálá, ya ɓə gaa a Yálá Israɛlə mɛ̨i›, ɛlɛɛ, Ə́i ɲɛ̨i lɛlɛɛ hee Ə́ wɔ tímun Davidə nwɔ pɛlɛ́i ɓa.

Ɛsdrasə 9:4

Nuąi kpɔ Israɛlə nwɔ Yálá mąą mɛ̨nį ə kɛi di lii kulɔ diɛ, di pa di hee gwɛ́lɛ, nuą tii həɠə nuwɔ laa hu, di wɔ nɛ̨ŋɛ̨nŋąą tii mąą mɛ̨nį ɓa. Ŋą́ lɛɛ kpɔ heeni nii kələn gwəi tii hu, ə lɛɛ ɉu, ɲələwulii haláá kulɔi lɔwai ə ɉəli.

Zôo 23:13

Mɛ̨nįi a giliŋąhiɛ mą, gbɛɛ ɓə a ɉəɠə mą? A mɛ̨nį kəlee kɛ lɔ a niiɓa.

Mąątɛ̨nɛ̨ 80:14

Lɔwɔɓoi yɛ gala, lɔwɔ-huwɔɠaa diɛ mįi.

Mąątɛ̨nɛ̨ 80:7

Ku kwɛlɛ nuą diɛ di kwəi kwɛli ku mąą mɛ̨nį hu, ku yowoɠaa diɛ yɛlɛ kulɔi ku hu kpɔ a nelee.

Ɉeremi 27:12

Ɉuda tɔɔmun Sedesiasə nwɛi, mɛ̨nįi gáá moi mą, ya ka: «Ka ka nwun nɔ Babilonə tɔɔmun nwɔ tiŋɛi mu, ka tí mą, yaa da nwɔ lɔi əgɛ ka lɛɛ yɛnɛ̨ɛ̨.

Ɉeremi 27:17

'Ká hvo ka wəli tɔɔ di woo ɓa, ka tí Babilonə tɔɔmun ma, əgɛ, ka lɛɛ yɛnɛ̨ɛ̨, Ka káá bɔ daai ŋɛ̨i, ə kɛ a taa kpoloon lə mɛ̨nį ɓa?»

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 38:2

«Yai-Laa woo ka: Nui lɔpee pai lɛɛi daa ŋɛ̨i hu, ɓɔwa kwɛa ɓə pai baai, ɛlɛɛ ɲɔ̨n, da pulu; nui a kulɔ yɛ li Kalde nuą pɔ, nwun na a nɛ̨ɛ̨, ə lɛɛ yɛnɛ̨ɛ̨; a tɛ̨ą a lɛɛ yɛnɛ̨ɛ̨.»

Ɉeremi 39:3

Babilonə tɔɔmun nwɔ kɔ́kuláá kpɛa kpɛaɠaa di pa di hee gwəli hąą ɓɔlɔ ɓa, Nɛrgalə-Sarɛsɛrə Sin-Magirə mun, Nebu-Sarsekimə yii a dɔɔ kwəlii nuą nwun nąmu, Nɛrgalə-Sarɛsɛrə gɔ́kulááɠaa kəlee nwun nąmu, da gɔ́kuláá takpɛliɠaai tii.

Ɉeremi 40:9

Ahikamə lon Gedaliasə yai kɛ a Safan lon, ə gwɛla diɛ, da di yee pɔ nuą, yɛ diɛ: 'Ka ká yee hee Kalde nuą mu, ka hvo ɲɔw, ka lɛɛ nɔi hu, ka lɛɛ Babilonə tɔɔmun woo mu, bulu a nɛ̨ɛ̨ káá.

Ɉeremi 44:7

«Yii hu, ə həli kɛa kaa! Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: Lə ɓə kɛ, yaai, ka káá mɔ̨nɔ̨ taaləi tii lɔi ka kpɔɔ pɔ? Diɛ ka kəlee ka paa Ɉuda lɔi hu; ɉinąą mąn, nɛ̨ą mąn, nɛapɛlɛɛ da non gaa nįnɛ̨ɠaa? Ka kpəli logolo kpɛli hva lɛɛ!

Izikiɛ 8:4

Israɛlə nwɔ Yálá mąąɲinɛ̨n ə kɛ laa, gulaa mɛ̨nįi ŋą́ gaa ɲee lɔwai lɔi hu, mą.

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.