Ɉeremi 37:21 - Yálá laawoo hɛɓɛ (dc)

²¹ Yili ɓə gɛ, tɔɔmun Sedesiasə ə mo, di Ɉeremi lɛɛ tɔɔmun mąąkpɛ nuą yəi gwəlii, ɛlɛɛ, diɛ lɛɠɛ kpinįn dɛɛ bɔ hvóló tɛitɛi yeemu, diɛ ɉəɠə nɛɠɛ kɛ nuą pɔɔli, ə lɛɛ ɉu, kɔnɔ̨n ə kpɛɛ daai. Bələ ɓə Ɉeremi ə lɛɛ la dɔɔ pɛlɛ́ mąąkpɛ nuą yəi gwəlii.

Yálá laawoo hɛɓɛ

²¹ Yili ɓə gɛ, tɔɔmun Sedesiasə ə mo, di Ɉeremi lɛɛ tɔɔmun mąąkpɛ nuą yəi gwəlii, ɛlɛɛ, diɛ lɛɠɛ kpinįn dɛɛ bɔ hvóló tɛitɛi yeemu, diɛ ɉəɠə nɛɠɛ kɛ nuą pɔɔli, ə lɛɛ ɉu, kɔnɔ̨n ə kpɛɛ daai. Bələ ɓə Ɉeremi ə lɛɛ la dɔɔ pɛlɛ́ mąąkpɛ nuą yəi gwəlii.

Bible

²¹ Nya ƃe Gâloŋ Zɛdikaya è gɛ̀ dí ḿbili kpini-pɛrɛ mu ŋɔkɔ-kuluƃa-ŋai dípɛrɛi mu. Ǹaa ƃé ŋá kɛ̀ naa. Ɣele kélee da kâa ŋ́gɔ̀ a gbóloi nyíi da kâa gbɛ̀tɛ gbólo kpɛtɛ-pɛrɛi mui. Dí lɛ̀ɛ gɛ̂i tí é lɛ́ɛ la zu kpólo é kpɛ́ɛ daa lêei su.

Ɉeremi 37:21 Iomraidhean Croise

Tɔɔɓɛlaa veelɛ 25:3

Ɲąnin nwɔ hvóló mɛ̨inąąn ɲələ, pulu aa kpɔlu kɛa kɛ daa kwəi, kɔ̨nɔ̨n və kɛa kɛ nuą yəi,

Zôo 5:20

Pulu tooi lɔwai, a ə́ nwun mąąkɔ̨nwɔ̨ haa yəi, yɛ ə́ nwun mąąkɔ̨nwɔ̨ kɔ́ kɔ́ ɓɔwa yəi.

Mąątɛ̨nɛ̨ 37:19

Di ɲɛ̨i mąą hvo pai luwui a mɔ̨nɔ̨ yələ, pulu a too, da pilɛ.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Ɉeremi 32:2

Nąąlɔwai, Babilonə tɔɔmun nwɔ kɔlaɠaɠaa daa kɛ Ɉerusalɛmə taa mąątinɛ̨n, a kɔ́. Yálá kwəi mɛ̨nį hukulɔ mun Ɉeremi yaan, ə kɛ gaho ŋą dɔɔmun mąąkpɛ kulááɠaa pɔɔli, Ɉuda tɔɔmun ɲəi gwəlii.

Ɉeremi 32:8

Bələi kpɔlɔɔ tii Yai-Laa ə mo la mą́ą́, bələ lɔ ɓə ə kɛ la; gálá lon ə pa, ə həli mą́ą́ tɔɔmun mą́ą́kpɛ kulááɠaa yəi gwəlii, yɛ mą́ą́: «Nwɔ́ tíi tii Anatotə, Bɛnɉamɛn nwɔ lɔi hu, ɲá. Mąąhɔlɔɓo, gu kaa bələ hu, da ɉɛnŋaa nwun mąąɓo tɔ́n nąą pələ, yɛ́ ɓə mąąnɛ̨ɛ̨ ə lɛɛ ə́ yəi, yili ɓa, ɲa kani. Ŋą́ gɔlɔn gɛ́ kɛ diɛ, Yai-Laa woo li.»

Ɉeremi 33:1

Yai-Laa woo ə həli nwɔ̨nɔ̨ Ɉeremi ɓa, ə ɓo kpɔlɔ ni gaho ŋą, dɔɔ kwəli mąąkpɛɛ nuą yəi gwəlii.

Ɉeremi 38:13

di Ɉeremi yala a gɔ́tɔ́yɛli, di gulɔ ɲálɔwa hu. Ɉeremi ə lɛɛ dɔɔ pɛlɛ́ mąąkpɛ nuą yəi gwəlii.

Ɉeremi 38:28

Ɉeremi ɛlɛɛ dɔɔ kwəli mąąkpɛ nuą yəi gwəlii, ə lɛɛ ɉu di Ɉerusalɛmə hon.

Ɉeremi 38:6

Di Ɉeremi hon, də li di bili tɔɔmun non Malkiya nwɔ yálɔwai hu nwɔ̨nɔ̨, dɔɔ kwəli mąąkpɛ nuą yəi gwəlii. Di Ɉeremi yɛɛ ɉu a gɔ́tɔ́yɛli. Yá hvo kɛ ɲálɔwai tii hu, palayá lɔ ɓə kɛ ɉu. Ɉeremi ə yɛɛ balayá hu.

Ɉeremi 38:9

Yɛ mą: «Tɔɔmun! Ną́mu, mɛ̨nį ɲɔ̨nwɔ̨ɔ̨ ka ŋɛ̨i nuą ŋɛ̨i daa gɛ yɛ hvilɛn Yálá kwəi mɛ̨nį hukulɔ mun Ɉeremi ɓa. Daa bili ɲálɔwa hu, gaa pai haai nɔwai tii hu, kɔ̨nɔ̨ da hvo kɛa daa kwəi.»

Ɉeremi 52:6

Ɲąnin nwɔ hvóló mɛ̨inąąn ɲələ, pulu ə kɛ daa kwəi, hɛn nąmįną kɔ̨nɔ̨n və kɛa kɛ di yəi.

Woolaa 5:10

Pulu aa ku kɔ́lɔ kələn kuɔ yɛ nwɔ̨n dįnįi pɔ́lɔ.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Gɛlaɠaa 12:5

Piɛrə kɛɛ gaho pɛlɛ́ mu, gbɔn ɉu nuą di kɛi Yálá hvɛli kpɔ a di lii kəlee, mąą mɛ̨nį ɓa.

Gɛlaɠaa 24:27

Kwɛlan veelɛ kulaa ɉu, Porsiusə Fɛstusə ɓə Felisə mąąhvalin nɔi nwun nąmu laa hu. Kɛlaa kɛi Felisə ə mo bɔ ə Ɉuifəɠaa lii hon, ya ɓə gɛ, ə Polə lɛɛ gaho ŋą.

Gɛlaɠaa 28:16

Ɓɛlɔwai ku həli la Romə, di hvaa mą, Polə ə kɛ gbɔwɔ pɛlɛ́ mu, holahi tɔ̨nɔ̨ yɛ ɲɛ̨i kaa.

Gɛlaɠaa 28:30

Polə ə kwɛlan veelɛ ɲąąkpalaa kɛ laa bɛlɛi ti mu, yɛ ɉala. Nuąi kɛi pa bɔ, ə kɛli ɲee hee gəlee mu;

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Timote veelɛ 2:9

a yai, mąą mɔ̨nɔ̨ ka gáá mįi, diɛ dóó kpɔ la yɔwɔn ŋą, yɛ ŋą́ kɛ a mɛ̨nį ɲɔ̨n gɛmun. Kɛlaa Yálá laa woo hvo yɔwɔn ŋą.