Ɉeremi 37:10 - Yálá laawoo hɛɓɛ (dc)

¹⁰ Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Yálá laawoo hɛɓɛ

¹⁰ Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Bible

¹⁰ A nɛ̃ɛ ma kpîŋ ká Babelɔŋ kɔkuluƃa-ŋai yée mɛi ɣále, diai nɔ́ lɛɛi dia ƃa ǹûai nyíi-ŋai ká díŋwàna dí kɛ́ ƃò lâani dísua-kɔlɔ pɛrɛi-ŋai mui, da pâi dímu siɣêi dí daa-lêei ŋí kéreŋ kpɔ́ kpái.”

Ɉeremi 37:10 Iomraidhean Croise

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 13:15

Nui lɔpee di pai gaai, da baa, nui lɔpee di kaa pai ɉon ɉii, kɔ́ kɔ́ ɓɔwa a doo.

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Azaya 30:17

Nu waa tɔ̨nɔ̨ kaa pai pui, diɛ ɲɔw nu tanɔ̨n gbən ɓa. Nu lɔɔli gbən kaa pai ka mąą ɲɔwi, ka kəlee kaa pu di tɔwɔ, nuąi da kulɔ ɉu, da kɛ lɔ kɛa yɛ kɛɛnąą lɛ hɛn tɔɔni yee tonna, di ɓo yɛ wulu kpiɛn da dɔɔ yee kpu kpu nwuɔ̨ yɛ pələ lɛ.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 37:11

Kalde kɔlaɠa aa kɛ mąą kulɔ Ɉerusalɛmə ɓa, Eziptə tɔɔmun nwɔ kɔlaɠai mąą mɛ̨nį ɓa.

Ɉeremi 37:8

Kalde nuą kaa pai pənəi di pa, di gɔ́ pɛlɛ daai ŋɛ̨i ɓa; di kaa pai ɉon ɉii, di gələn.

Ɉeremi 49:20

Mɛ̨nį ɲɔ̨nwɔ̨ɔ̨, Yai-Laa aa mąą kili tee gwəi, yɛ hvilɛn na Edɔmə ɓa, ka ka wəli tɔɔ mą; mɛ̨nįɠaa gaa bɔ ə naa Téman nuą diɛ, daatɛlɛɛ kpulu lɔwai, ə mą kɛ, yiiɠaa di hviikpɛɛ, di kaa pai kɛi di yalai. Di mąą mɛ̨nį ɓa, gaa pai di wɔ lɔi huwoloi. Yili hva ɉəɠə mą.

Ɉeremi 50:45

Mɛ̨nįi nwɔ̨nɔ̨ Yai-Laa aa mąą kili tee gwəi, yɛ hvilɛn na Babilonə ɓa, ka ka wəli tɔɔ nwɔ̨nɔ̨ mą; aa mɛ̨nįɠaa mąą nwun dɔɔ kɛ, yɛ hvilɛn na Kalde ɓa, daatɛlɛɛ kpulu lɔwai, ə mą kɛ, yiiɠaa di pɛlɛɛ-pɛlɛɛ, di kaa pai kɛi di yalai, yili hva ɉəɠə mą. Gaa pai kɛi di wɔ lɔi huwoloi, di hɔn ma, yili hvo pai ɉəɠəi mą.

Ɉeremi 51:4

Nuąi daa di mąą nwąną di paa pələ ɓa, di kaa tooi Kalde lɔi hu a di powa. Nuąi daa ɓɔ di hu, diɛ too bələɠaa pɔ.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?