Ɉeremi 36:26 - Yálá laawoo hɛɓɛ (dc)

²⁶ Yili pulu, ə mo Yerahmeɛlə ɓa, yai kɛ a tɔɔmun non, da Serayahu yai kɛ a Azriɛlə lon, da Selemyahu yai kɛ a Avdeɛlə lon yɛ diɛ: di ɉɛɓɛ́ kɛ mun Barukə da Ɉeremi di hon. Kɛlaa, Yai-Laa ə kɛi di loo.

Yálá laawoo hɛɓɛ

²⁶ Yili pulu, ə mo Yerahmeɛlə ɓa, yai kɛ a tɔɔmun non, da Serayahu yai kɛ a Azriɛlə lon, da Selemyahu yai kɛ a Avdeɛlə lon yɛ diɛ: di ɉɛɓɛ́ kɛ mun Barukə da Ɉeremi di hon. Kɛlaa, Yai-Laa ə kɛi di loo.

Bible

²⁶ Nya ƃe gâloŋ è mò ǹóŋ Zeramiɛ ma da Azariɛ ǹóŋ Seraya da Abidîɛ ǹóŋ Seraya da Abidîɛ ǹóŋ-ni dîa a gɛɛ dí kwa ŋɔkɔlɔ-pɔ̃yɛ nuui Baru kú sóŋ. Kɛ́lɛ, maa tãi tí yée mu, Yâwɛɛ è nâa kúlòo.

Ɉeremi 36:26 Iomraidhean Croise

Tɔɔɓɛlaa dɔlɔɔ 17:3

«'Həɠə ɓɛ, ə́ li voló ɓɛlai pələ; ə́ ə́ loo Keritə huluun ɉii, Ɉurdɛn kwɛlɛ,

Tɔɔɓɛlaa dɔlɔɔ 17:9

«'Ə́ muhəɠə, li Sarɛpta Sidɔn lɔi hu, ə́ lɛɛ laa; ŋą́ą́ kalanin da tí, yɛ ə́ kɔ̨nɔ̨n gɛ.»

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Tɔɔɓɛlaa dɔlɔɔ 22:26

Yili pulu, Israɛlə tɔɔmun yɛ diɛ: «Ka Mise hon, ka dɛɛ daa nąmu Amɔn pɔ, di dɛɛ tɔɔmun non Yoasə pɔ.

Tɔɔɓɛlaa veelɛ 11:2

Kɛlaa Yohoseva yai kɛ a tɔɔmun Yoramə lon nɛ̨ɛ̨nu, ə mąąhulɔnu Akaziasə lon gbɛla mąą Ɉoasə həɠə tɔɔmun lonnii takpɛliɠaa lɔwai, ɓɛlɔwai di kɛi di paa la, ə Ɉoasə da ɲąąkɔn nɛ̨ɛ̨golo di loo pɛlɛ́ ta mu, diɛ noo Atali ɓa. Bələ ɓə Ɉoasə ə kulɔ la haa yəi.

Kɔlɔnikɔ Veerɛi 18:26

'Ka mo diɛ, di nui ŋɛ̨i too gaho ŋą, 'kaa gɔ̨nɔ̨n gɔwɔn kpɔlɔɔ tiikpə, a lɛɠɛ logolo da yá kpɛli-kpɛli, ə lɛɛ ɉu, ŋį́ pənə, ŋį́ pa nɛ̨ŋɛ̨kpɛlɛɛ.»

Mąątɛ̨nɛ̨ 105:15

Yɛ kɛ diɛ: «Nuąi ŋą́ di həɠɛɛ ɉu, 'Ka hvo tunwɔ̨n diɛ, 'ka hvo mɛ̨nį ɲɔ̨n gɛ a gwə́i mɛ̨nį hu kulɔ nuą.»

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Mąątɛ̨nɛ̨ 27:5

Mąąhɔlɔɓo a nóó nwɔ pɛ́lɛ́i mu, ɓɛlɔwai mɛ̨nį ɲąąnwąnąą a həli mą́ą́; a nóó nwɔ pɛ́lɛ́i ɉɔ̨nwɔ̨n ɉu, a gɔ́wɔ́ tɔɔ kwɛni mɛ̨i.

Mąątɛ̨nɛ̨ 32:7

Ə́ kaa ɲə́i a mą́ą́kilɛi, yá kpɛąn gwə́i pilimąą mɛ̨nįɠaa tɔwɔ; yɛ́ mą́ą́tínɛ̨n a nwun mąąɓo wələɠaa.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Mąątɛ̨nɛ̨ 64:2

Yálá, 'ə́ wəli tɔɔ nwɔ́lɔ́ woo ɓa! Yɛ́i nwɔ́ yɛ̨nɛ̨ɛ̨ mą́ą́ kɔ̨nwɔ̨, ɲówó mąą ɲɔwuɔ yəi.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Ɉeremi 1:19

Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 26:24

Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Ɉeremi 36:19

Nɔi ɲɛ̨i tɔwɔ nuą diɛ Barukə ɓa: «'Li ə́ ə́ loo, ə mą kɛ Ɉeremi, nu ta hvo ká kɛi kɔlɔn.»

Ɉeremi 36:5

Yili pulu, Ɉeremi yɛ Barukə ɓa: «Gbáá ŋąąi, vá pɛli lii Yai-Laa yəi bɛlɛ́n.

Ɉeremi 38:6

Di Ɉeremi hon, də li di bili tɔɔmun non Malkiya nwɔ yálɔwai hu nwɔ̨nɔ̨, dɔɔ kwəli mąąkpɛ nuą yəi gwəlii. Di Ɉeremi yɛɛ ɉu a gɔ́tɔ́yɛli. Yá hvo kɛ ɲálɔwai tii hu, palayá lɔ ɓə kɛ ɉu. Ɉeremi ə yɛɛ balayá hu.

Ɉaan 11:57

Yaan, haláá laa həli nuą kpɛa-kpɛa da Farisiɛ̨ɠaa di mo nuą diɛ, diɛ kɛ diɛ: ɓɛi lɔpee ka Jesus kaa laa, ka mo di Ɉon.

Ɉaan 7:32

Nuą tii lɛɛ Jesus laa ɓoi a loo mɛ̨nį di kee lɔwai, Farisiɛ̨ɠaa di mɛ̨n. Haláá laa həli nuą kpɛa-kpɛa da Farisiɛ̨ɠaa di holahiɠaa tɔɔ, ɉon.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Gɛlaɠaa 12:11

Nąąlɔwai mɛ̨nį ti di gɛ, Piɛrə ə gbaɠala kaa kɛa yɛ kɛ: «Yiihu ŋą́ą́ gbaɠala kaa, ŋą́ą́ gbaɠala kɔlɔn gɛ́ kɛ, Ną́mu aa nwɔ malaka tɔɔ, aa gúlɔ Herodə yəi da Ɉuifəɠaai kɛ bɔ di mɛ̨nį ɲɔ̨n gɛ a ɲą́ą́.»