Ɉeremi 36:2 - Yálá laawoo hɛɓɛ (dc)

² «Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Yálá laawoo hɛɓɛ

² «Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Bible

² “Kɔlɔ-lâa siɣe í m̀ɛnii kélee pɔ̃yɛ ŋa pâi môi yâ nyíi-ŋai ŋá mò é pîlaŋ Eezuɛ, Zuda da ǹɔii-ŋuŋ-ŋai kélee dîai. M̀ɛni-ŋai ŋá mò yâi gélee kpɔ́ pɔ̃yɛ. Gɔ́ɔ pîlaŋ tãi ma Zosaya è kɛ̀ la a kâloŋ é tóo tãi ŋí ma.

Ɉeremi 36:2 Iomraidhean Croise

Ɛsdrasə 6:2

Gɛɛ tii, Ɛkbatanə daai, Medi lɔi hu ɓə, di hɛɓɛ́ yili kaa laa, bɛ̨ɛ̨ ɉu, diɛ kɛ mą:

Zôo 31:35

Gbɛɛ ɓə pai gɛi, yɛ nwəli tɔɔ nwóó ɓa? Nwóó ɲąą kpɛɛ woo ka ŋɛ̨i gáá moi, Huwalawala Kəlee Nąmu ə bulu pənə. Yii ɓaa ɲaba lɔ wooɠaai ti,

Mąątɛ̨nɛ̨ 40:7

Haláá hɛn da kɔ́ɓo hɛn lɔpee ta wɛli hva ə́ hon, ə́ nwə́li wolo ɓo, əgɛ, ŋį́ mɛ̨nį mɛ̨n, hvo kɛ haláái da gəlee kələn da nɛ̨ŋɛ̨n mąąhvaalɛɛ haláá, da lɔpee hvɛli li.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Azaya 8:1

Yai-Laa yɛ mą́ą́: «Kpəlin mɛla ta həɠə, ə́ hɛɓɛ́ pɛ̨ɛ̨ mą a wulu kpiɛ ta: Mahɛrə-Salalə-Hasə-Bazə nwɔ.»

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Ɉeremi 1:5

«Ɉeremi! Di hvo nii kpɛli kɛ ə́ mąą koo həɠə li ŋį́ ə́ kɔ́lɔn gɛ. Di hvo nii kpɛli kɛ ə́ kaa li, ŋį́ ə́ həɠə ɉu a nwɔ́ɔ́, ə gɛ, ə́ tí mą́ą́; ŋį́ ə́ kɛ a gwə́i mɛ̨nį hukulɔ mun lɔiɠaa diɛ.»

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Ɉeremi 2:4

Kaai ɓaa Ɉakɔbə huwu, ka ka wəli tɔɔ Yai-Laa woo ɓa! Kaai ɓaa Israɛlə nu huwu.

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 30:2

«Yai-Laa Israɛlə nwɔ Yálá woo ka, yɛ mą: Nwooɠaa kpɔ gáá moi yɛ́, di pɛ̨ɛ̨ hɛɓɛ́ hu.

Ɉeremi 36:14

Nɔi nwun dɔɔ kɛ nuąi tii di Yehudi yai kɛ a Netaniahu lon, yɛ ɓo a Selemiahu lon, da Kusi lon di dɔɔ Barukə pɔɔli, yɛ kɛ mą: «Ɉɛɓɛ́ tii ə́ galan nuą diɛ, paa la. Neriya lon Barukə ə ɉɛɓɛ́ həɠə ə paa la di pɔ.»

Ɉeremi 36:18

Barukə yɛ diɛ: «Ɉeremi yaa kpinįi ɓə kɛi nwooɠaai ŋɛ̨i ɓo mą́ą́, ɲą́ą́n, gɛ́ di pɛ̨ɛ̨ ɉɛɓɛ́ hu a hɛɓɛ́-yá.»

Ɉeremi 36:23

Yehudi a kpɛɛ lɔ kɛ a ɉɛɓɛ́ ɲɛli haaɓa a wala kɛ ti nąąn ną ɓoɔ, tɔɔmun ə yili nąą tee mą a ɓɔwa lon, ɛlɛɛ, ə bili nwɔ̨n ŋą; ə lɛɛ ɉu ə ɉɛɓɛ́ yili kəlee kələn ə gbɛɛ.

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Ɉeremi 36:6

'Li laa kani a ɉin nɔ yələ, ɛlɛɛ, Yai-Laa wooɠaai ŋɛ̨i ŋą́ kɛi mo yɛ́, yɛ́ di pɛ̨ɛ̨ ɉɛɓɛ́ hui, ə́ tɔɔ Yálá hee pɛlɛ́ mu, nu kpulu ɲɛ̨i ɓa, ɛlɛɛ ə́ galan Ɉuda nuąi kpɔ pai həɠəi di pɔ taai diɛ pa laa ɉɛlii tii ɓa, diɛ.

Ɉeremi 45:1

Ɓɛlɔwai Neriya lon Barukə ə kɛi nwooɠaa ŋɛ̨i pɛ̨ɛ̨ la hɛɓɛ́ hu, Ɉeremi ɓə kɛi mo mą yɛ bɛ̨ɛ̨. A Ɉuda tɔɔmun Yoyakimə Ɉosiasə lon nwɔ tɔɔlaa gwɛlan nąąn ɲələ. Mɛ̨nįɠaai Ɉeremi ə mo ya ka, yɛ diɛ:

Ɉeremi 51:60

Mɛ̨nį ɲąąnwąnąąɠaa kpɔ kɛi pa laai Babilonə ɓa, a mɛ̨nįɠaa kpɔ ŋɛ̨i gwaa mo, yaai di di pɛ̨ɛ̨ a Babilonə mąą mɛ̨nį, Ɉeremi aa kɛ gəlee pɛ̨ɛ̨ hɛɓɛ́ tɔ̨nɔ̨ hu,

Izikiɛ 2:9

Ŋą́ ɲɛ̨́i hee, ŋą́ nu yee kaa ɉaŋąą bɔ́ pələ, hɛɓɛ́ ə ɓo ɲəi a gbinįn gɛɛ.

Osia 8:12

Ŋą́ mą nwɔ́ tɔ́n ɉu woo waa tɔ̨nɔ̨ pɛ̨ɛ̨ a mąą mɛ̨nį, da di kaa lɔ yɛ nwɛ̨ąą ɓə da di pɛ̨ɛ̨.

Dutɛrɔnome 31:24

Kpɛɛi Moisə ə mo a dɔ́n nwooɠaa pɛ̨ɛ̨ ɉɛɓɛ́ hu,

Hebreu 10:7

Ya ɓə, ŋą́ kɛ mą: Ɲą́ą́ ka, mąąhɔlɔɓo, Ŋą́ą́ kpɔ ɓə, mą́ą́ mɛ̨nį ɓoɔi ɉɛɓɛ́ hu: Ŋą́ą́ pa, oo Yálá, ŋą́ ə́ liiɓa kɛ.»