Ɉeremi 36:12 - Yálá laawoo hɛɓɛ (dc)

¹² Ə yɛɛ dɔɔmun ɲəi bɛlɛ́n, ə lɔ ɉɛɓɛ́ kɛ mun nwɔ kóló kɛi, nɔi ɲɛ̨itɔwɔ nuą kəlee ɲąąkpɔnŋaa kɛ laa, nwun dɔɔ hu. Ɉɛɓɛ́ kɛ mun Elisama, Delayahu Semayahu lon, Ɛlnatan Akbɔrə lon, Gemariahu, Safan lon, Sedesiasə, Hananiahu lon, da nɔi ɲɛ̨itɔwɔ nuą takpɛliɠaa.

Yálá laawoo hɛɓɛ

¹² Ə yɛɛ dɔɔmun ɲəi bɛlɛ́n, ə lɔ ɉɛɓɛ́ kɛ mun nwɔ kóló kɛi, nɔi ɲɛ̨itɔwɔ nuą kəlee ɲąąkpɔnŋaa kɛ laa, nwun dɔɔ hu. Ɉɛɓɛ́ kɛ mun Elisama, Delayahu Semayahu lon, Ɛlnatan Akbɔrə lon, Gemariahu, Safan lon, Sedesiasə, Hananiahu lon, da nɔi ɲɛ̨itɔwɔ nuą takpɛliɠaa.

Bible

¹² Nya ƃe è lì gâloŋ-pɛrɛi lá, é lɔ́ gâloŋ ŋɔkɔlɔ-pɔ̃yɛ-nuui ŋɔlôŋpoi su, ƃɛ́i díi kɛ́-ƃela dí kɛ̀ naa ŋuŋ-pîlaŋ sui. Diai ŋí ƃé kɛ̀ naa: Ilisama nyíi kɛ̀ a gâloŋ ŋɔkɔlɔ-pɔ̃yɛ nuui, Simaya ǹóŋ Dilaila, Abɔ ǹóŋ Ɛnatâŋ, Safaŋ ǹóŋ Gɛmɛria, Ananaya ǹóŋ Zɛdikaya da díi kɛ́-ƃela gbéli-ŋai.

Ɉeremi 36:12 Iomraidhean Croise

Tɔɔɓɛlaa veelɛ 22:12

Yili pulu, ə mo ɉaláá laa həli mun Hilkiyahu, Safan lon Ahikamə, Mikaya lon Akbɔrə, ɉɛɓɛ́ kɛ mun Safan da tɔɔmun nwɔ tímun Asaya, yɛ diɛ:

Tɔɔɓɛlaa veelɛ 22:14

Ɉaláá laa həli mun Hilkiyahu, da Ahikamə, Akbɔrə, Safan, ə lɛɛ, Asaya, də li Yálá kwəi mɛ̨nį hukulɔ nɛ̨ɛ̨nu Hulda pɔɔli, nui kɛ a ɉəɠəɠaa mɛ̨i kaa mun Salumə, yai kɛ a Tikwa lon, yɛ ɓo a Harhasə mąnįn, nɛ̨ą li kɛ. Nɛ̨ɛ̨nui tii ə kɛ Ɉerusalɛmə daa nįnɛ̨i. Yii lɔ di kpɛɛ a di woo hukulaa mą,

Tɔɔɓɛlaa veelɛ 22:3

Ɉosiasə nwɔ tɔɔlaa gwɛlan bow gɔw mɛ̨ihaaɓa lɔwai, ə ɉɛɓɛ́ kɛ mun Asaliahu lon Safan tɔɔ, yai kɛ a Mesulamə mąnįn, ə dɔɔ Yai-Laa yəi bɛlɛ́n, yɛ mą:

Tɔɔɓɛlaa veelɛ 24:8

Yoyakin kaa kwɛlan ə kɛ pow kɔ́w mɛ̨ihaaɓa, yɛ dɔɔlaa hɔlɔɓo. Ə dɔɔlaa kɛ Ɉerusalɛmə a ɲąnin ɉaaɓa. Nee laa ɓa kɛ a: Nehusta, Ɛlnatan ŋɛ̨i kɛ a Ɉerusalɛmə daai mun non nɛ̨ɛ̨nu li kɛ.

Ɉeremi 26:10

Mɛ̨nįɠaai tii mɛ̨n di mo, Ɉuda lɔi ɲąąwooɓo nuą di həɠə tɔɔmun ɲəi bɛlɛ́n, di ɲee tɛ Yálá hee pɛlɛ́ mu, di hee gbon nįnɛ̨ laaləi pələ.

Ɉeremi 26:22

Kɛlaa, tɔɔmun Yoyakimə ə nuą tɔɔ Akbɔrə lon Ɛlnatan da nu taɠaa, də li kpɔ Eziptə lɔi hu.

Ɉeremi 26:24

Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Ɉeremi 36:25

Ɛlɛɛ yaan Ɛlnatan, Delayahu da Gemariahu, di kɛi kɛ tɔɔmun ma, hvo ɉɛɓɛ́i tii kələn. Kɛlaa, hvo kɛi nwəli tɔɔ di woo ɓa.

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Ɉeremi 41:1

Ɲąnin mɛ̨ihveelɛnąą, Elisama lon Netania non Yismaɛlə, ŋɛ̨i kɛ a tɔɔmun ɉuwu, ə ɓo a tɔɔmun nwɔ kalanɉon gɛnɛ̨ ta; ə pa Ahikamə lon Gedaliasə pɔ Mispa, nu pow hvilɛnŋąą kɛ bɔ. Di lɛɛ kɔ̨nɔ̨n mįi da diɛni Mispa,