Ɉeremi 34:9 - Yálá laawoo hɛɓɛ (dc)

⁹ Mąą nɛ̨ɛ̨, nui nwɔ luwɔ a kɛ a Hebreu mun, ə nɛɛ gbɔwɔ ɓa; ɉinąą mąn nɛ̨ąą mąn. Ɛlɛɛ, káái a Ɉuda nuą, nu ta hvo kɛa gaayɔwɔ ta kɛ a luwɔ.

Yálá laawoo hɛɓɛ

⁹ Mąą nɛ̨ɛ̨, nui nwɔ luwɔ a kɛ a Hebreu mun, ə nɛɛ gbɔwɔ ɓa; ɉinąą mąn nɛ̨ąą mąn. Ɛlɛɛ, káái a Ɉuda nuą, nu ta hvo kɛa gaayɔwɔ ta kɛ a luwɔ.

Bible

⁹ Ibulu-ŋai kɛ̀ a luɛ-ŋai, ŋuŋ maa ƃó, é máŋ kɛ́ yɛ̂ɛ sinâa kpaa máŋ nɛyâa a gɛɛ Eezuɛ nuu da fé kɛ̀ m̀arâŋ Eezuɛ nuu yêei a luɛ.

Ɉeremi 34:9 Iomraidhean Croise

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Zɛnɛse 40:15

Di gúlɔ ku pɔ lɔi Hebreu lɔi hu a huwalawala, diɛ pa ɓɛ a ɲą́ą́. Pai nwɔ̨nɔ̨ ŋį́ mo, və́ mɛ̨nį ɲɔ̨n gɛ li, di ɉón diɛ dóó gaho ŋą.»

Lɛɛ gbɔwɔ ɓa 2:6

Pai di mo la, ə gbɔ́lɔ́ la həɠə, ə nokoloi tii kaa laani ɉu, yɛ wɔlɔ. Mąąwɛli ə ɉon, yɛ diɛ: «Hebreu ta lon ga!»

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Ɉeremi 34:10

Nu kpɛa kpɛaa da nɔi lonnii kəlee di kɛɛ mɛ̨nįi tii ɲąą yilii, yai kɛ a nuwɔɠaa lɛɛ mɛ̨nį di kpɔɔ ɓa; ɉinąą mąn nɛ̨ąą mąn, ɛlɛɛ, di hva kɛa di yee kanąn diɛ, luwɔlaa hu. Nwooi tii mɛ̨n di mo, di bɔ mɛ̨nį kɛ, diɛ nuwɔɠaa lɛɛ di kpɔɔ ɓa.

Korɛntə dɔlɔɔ 6:8

Kɛlaa yaamun mə ká yee laa hulu mɛ̨nį hu, da nuą mąą kpoloon mɛ̨nį, yá pa, diɛ ɓo a ká nąn nonnii.

Korɛntə veelɛ 11:22

Di kaa a Hebreuxɠaa, ɲą́ą́ gbɛlimąn gáá la! Israɛlə lonnii ɓaa a diɛ? Ɲą́ą́ gbɛlimąn gáá la! Di kaa a Abrahamə huwu? Ɲą́ą́ gbɛlimąn gáá a da!

Dutɛrɔnome 15:12

Ka kaayɔwɔ ta, yii a Hebreu, akɛ a hulɔnu, a wala kɛ tii, nɛ̨ɛ̨nu, a gbɔwɔ tɔlaa hee ka ta ɓa, a kóló kɛ kaa yɛ luwɔ, kwɛlan mɛ̨ida yee mu. Kɛlaa, gwɛlan mɛ̨ihveelɛnąą, mąąnɛ̨ɛ̨ ka ɓo mą, ə lɛɛ gbɔwɔ ɓa.

Filipə 3:5

Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.

Samuɛlə dɔlɔɔ 14:11

Di nu hveelɛɛi di di kpɔɔ lɛ, Filisti nuą di di kaa. Filisti nuą diɛ kɛ diɛ: «Hebreuɠaa ka tii kulɔi di loo pələi.»

Samuɛlə dɔlɔɔ 4:6

Filisti nuą di di domą woo tii mɛ̨n, diɛ mą: «Lə tomą ɓə Hebreuɠaa kaa moi?» Di kili ə pu ɉu diɛ kɛ, Yai-Laa nwɔ mįnɛ̨ kəhii ka tii a pa di lɔwai,

Samuɛlə dɔlɔɔ 4:9

Kɛlaa, di ɓɛlaa taɠaa di kɛi kɛ diɛ: «Ka gu gu liikpələ, gu gɛ a hulɔnulaa, gu kɔ́ pɛlɛ diɛ, a wala kɛ tii, gu kaa pai kɛi a Hebreuɠaa di wɔ luwɔɠaa yɛ bələi diɛi tii di kɛ la a guɔ luwɔɠaa. Ka tɔɔ a hinąą tɔɔ pələ, ka gu gɔ́ yili ɲą.»