Ɉeremi 34:5 - Yálá laawoo hɛɓɛ (dc)

⁵ Ə́ kaa pai haai liilaa hu, diɛ wulɔ kun nɛ̨ɛ̨ kələn ə́ mąą mɛ̨nį ɓa, yɛ bələi di gələn na, ə́ nanii kɛ ə́ tɔwɔ dɔɔlaa hu, di mąą mɛ̨nį hu. Di kaa pai ə́ haa wɔlɔ ɓoi, diɛ kɛ: Le mɛ̨nį ɲąąnwąnąą ɓəi Ną́mu! Ɲą́ą́ Yai-Laa, ɲą́ą́ ɓə mɛ̨nįi tii ɓoi.›»

Yálá laawoo hɛɓɛ

⁵ Ə́ kaa pai haai liilaa hu, diɛ wulɔ kun nɛ̨ɛ̨ kələn ə́ mąą mɛ̨nį ɓa, yɛ bələi di gələn na, ə́ nanii kɛ ə́ tɔwɔ dɔɔlaa hu, di mąą mɛ̨nį hu. Di kaa pai ə́ haa wɔlɔ ɓoi, diɛ kɛ: Le mɛ̨nį ɲąąnwąnąą ɓəi Ną́mu! Ɲą́ą́ Yai-Laa, ɲą́ą́ ɓə mɛ̨nįi tii ɓoi.›»

Bible

⁵ Ya pâi saâi íkpɔɔi yee ma. Da pâi nɔ́ íloôi yɛ̂ɛ berei da kâa ínûa pɔlɔ-ŋai nyíi-ŋai kɛ̀ a kâloŋ ǹaa tuɛ-ŋai lôo lai. Da pâi kéreŋ sɛŋ kúŋ nɛ̃ɛ kérenîi ímaa mɛ̂ni ma, yɛ̂ɛ berei nɔ́ da kâa gɛ̀ la ínâŋ pɔlɔ-ŋai mɛ̂ni mai. Da pâi malôŋ see ƃôi dí kɛ́ mò dîyɛɛi, ‘Kúkâloŋ aâ saa.’ Ńyãa Yâwɛɛ ƃé mò tí.”

Ɉeremi 34:5 Iomraidhean Croise

Tɔɔɓɛlaa veelɛ 22:20

Yili mąą mɛ̨nį ɓa, gáá ə́ lɛɛi laa ə́ haa liilaa hu, ə́ lɛɠɛ ə́ nąnii diɛ. Ə lɛɛ, ə́ ɲɛ̨i hvo pai tɔɔi mąąwɛli mɛ̨nįi pai laa nɔi ŋɛ̨i da ɉu hee ɓo nuą diɛ, ɉu.» Nuą də li di nwɛlɛɛ ɲali bulu ɓo tɔɔmun mą.

Kɔlɔnikɔ Veerɛi 16:14

Di now gámąi tii ə dee Davidə taa ɉu. Di naa gbinŋą, hɛn gunnɛ̨ɛ̨ɠaa di ɓo laa, da nu mąątí hɛn damąą əgɛ, di bowa laahɔnmo la. Di nwɔ̨n gɛnɛ̨ tɔɔ mąą mɛ̨nį ɓa.

Kɔlɔnikɔ Veerɛi 34:28

Gáá pai ə́ laŋąn ɉii ə́ nąnni diɛ, ə́ kaa pai laai di kwɛlɛ liilaa hu. Mɔ̨nɔ̨i gáá pai naai gɛɛnąą ŋɛ̨i ɓa da ɉu nuą, ə́ ɲɛ̨i hvo pai tɔɔi ɉu.›» Nuąi di di tɔɔ, di pənə di pa a bulu pənən tɔɔmun bɔ.

Ɉeremi 22:18

A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›

Ɉeremi 34:4

«Ə mą kɛ tii, Ɉuda tɔɔmun Sedesiasə, ə́ wəli tɔɔ Yai-Laa woo ɓa; mɛ̨nįi Yai-Laa kaa moi yɛ hvilɛn na yɛ́, ya ka, yɛ mą: ‹Kɔ́ ɓɔwa hvo pai ə́ paai.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 17:16

Ɲą́ą́ Yai-Laa, Mɛ̨nį kəlee ŋą Hééɓomun Yálá, yii gáá gwɛlai ɉu, ya ka: dɔɔmun ti ɉee a tɔɔmun; nwooi ə gwɛlɛ mą yɛ nɛɛi; yɛ ŋą mįnɛ̨ həɠə wooi hu kala; dɔɔmun ti pɔɔli ɓə gaa pai haai laa Babilonə daa kwəi.

Danîa 2:46

Nąąlɔwai, tɔɔmun Nabukodonosorə ə pɛlɛ nɔi ɓa, ə kwɛli hvilɛn Daniɛlə ɓa. Yili pulu, ə mo yɛ diɛ: «Ka pa a haláá hɛn gu dɛɛ Daniɛlə pɔ da wulɔ kun nɛ̨ɛ̨.»

Samuɛlə dɔlɔɔ 31:12

Liikpələ nuą di yii kpɔ hiɛi, də li di Saulə da nonnii di powa həɠə Bɛtə-Sean ɉįi kpoloon ma, di pənə di pa Yavɛsə daai, di di kələn.