Ɉeremi 34:22 - Yálá laawoo hɛɓɛ (dc)

²² Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Yálá laawoo hɛɓɛ

²² Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Bible

²² Ŋa pâi ŋ́oo tɛɛ̂i dípɔ naa, ǹyaŋ da pâi lenêi pôlu daa-lêei ŋí su. Da pâi kɔ́ pɛlɛ̂i mà, dí zoŋ, dí géreŋ kpɔ́ kpái. Ŋa pâi Zuda taa-ŋai kɛ̂i dílɛɛ a dí pûŋ yɛ̂ɛ fɛ̃ɛ-kpâlaŋ-su ƃɛ́i núu da fé naai. Ńyãa Yâwɛɛ ƃé mò tí.”

Ɉeremi 34:22 Iomraidhean Croise

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Tɔɔɓɛlaa veelɛ 25:6

Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Tɔɔɓɛlaa veelɛ 25:9

ə Yai-Laa hee pɛlɛ́ kələn, da tɔɔmun nwɔ pɛ́lɛ́i, ə mą kɛ, Ɉerusalɛmə pɛlɛ́ɠaa kəlee.

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Azaya 13:3

Nwɛ́i, nwɔ́ kɔ́kuláaɠaai ŋį́ di həɠə ɉu a nwɔ́ɔ́, ŋą́ą́ di təli, ŋą́ą́ kɛla tɔɔ nwɔ́ kɔ́kuláa yɛlɛɛɠaai pɔ, a diɛi tii ɲɛ̨́i pɔ̨nɔ̨ mɛ̨nį kaa a di kwəinɛ̨ɛ̨ mɛ̨nį, diɛ nwɔ́ liiholii nwąnąkulɔ.»

Azaya 24:12

Mɔ̨nɔ̨ kɛnɛ̨ lɔ ɓə kɛa daa kwəi, daa kpon aa kala, yɛ too.

Azaya 37:26

Ə́ kili hvo mɔ̨ɔ̨ ɉu yɛ́ kɛ ŋą́ą́ mɛ̨nįi ɲɛ̨́i mąą kili tee gwə́i, ɉu aa kwɛa? Ɛlɛɛ, ŋą́ą́ gíliŋąhiɛ mą, ə həɠə kpɔ tɔwɔ tɔwɔ yələ ɓa, Gáá kɛa gɛi yiihu: Yá pɛli mą ə́ taa kpɛa kpɛa mąą pənə a kwɛni hį́iɠaa.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Azaya 64:10

Ku wɔ pɛlɛ mąąhəɠɛɛ-ɲɛ̨i tɔɔi tii, a ɓɛi ku nąnni di kɛli ə́ mąą tɛnɛ̨ wələɠaa too laa, daa nwɔ̨n bili ɉu, aa gələn, ɛlɛɛ, ɉɛnŋąąi kpɔ kɛ ku kanąnŋąą diɛ, gəlee hu aa kala.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 33:10

Yai-Laa woo ka, yɛ diɛ: Ka kaa kɛi diɛ: Gɛɛnąąi ŋɛ̨i kaa a lɔi pun. Nu hvo laa, taatɛlɛɛ hvo laa; Ɉuda taaɠaa hu da Ɉerusalɛmə kwəliɠaa hu. Nąą mąą aa wɛli; nu hvo laa, taatɛlɛɛ hvo laa. Di kaa nwɔ̨nɔ̨ pai,

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Ɉeremi 52:7

Di nɛ̨ɛ̨ mą, di wolo ɓɔ daa mąąkpɛɛ hįį ɓa, gɔ́ kɔ́ nuą kəlee di pu, di kulɔ taai a kwiihąą, bɛlɛ́ nwąną hveelɛ lɔwai kpon gɛɛnąą, tɔɔmun nwɔ nɔw yɛa kwɛlɛ, bələi mąn Kalde nuą daa kɛ daa mąątinɛn na daa doo gee hu. Di ɉon a Ɉurdɛn ɲa-ɓoloon bɔ pələ.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Mise 7:13

Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Zakari 1:12

Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.