Ɉeremi 34:21 - Yálá laawoo hɛɓɛ (dc)

²¹ Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.

Yálá laawoo hɛɓɛ

²¹ Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.

Bible

²¹ Ŋa pâi Zuda kaloŋ Zɛdikaya da ŋɔtíi kɛ́-ƃela kpaya-kpayai kélee kpɔ́ tɛɛ̂i diai pɔ́ ŋ̀wɛ́lii dípaai. Ŋa pâi dítɛɛ̂i Babelɔŋ kɔ-kuluƃa-ŋai pɔ́ nyíi-ŋai da kpera kɔ̂i dípɔi.

Ɉeremi 34:21 Iomraidhean Croise

Tɔɔɓɛlaa veelɛ 25:6

Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Ɉeremi 22:25

A tɛ̨ą ŋį́ ə́ too nuąi di hvilɛn ŋąą ə́ wɔ yɛnɛ̨ɛ̨ pulu, di yee kɔ́nma; a diɛi tii ə́ kaa ɲɔwi diɛ. Babilonə tɔɔmun Nabukodonosorə da Kalde nuą.

Ɉeremi 32:3

Ɉuda tɔɔmun Sedesiasə ɓə nɔ laa. Yɛ kɛ Ɉeremi ɓa: «Lə mɛ̨nį ɓa, ə́ kaa kɛi diɛ: ‹Yai-Laa lawoo ka ŋɛ̨i gáá moi kaa, yɛ diɛ: Ɲą́ą́ Yai-Laa, gáá pai daa ŋɛ̨i lɛɛi Babilonə tɔɔmun ɲee kɔ́nma; Babilonə tɔɔmun kaa pai ɉon ɉii a kɔ́.

Ɉeremi 32:4

Ɉuda tɔɔmun hvo pai kulɔi Kalde kɔ́kulááɠaa yəi, di kaa pai dɛɛi Babilonə tɔɔmun bɔ, da yaa diɛ pələ́ pili di kee ɓa nu ta hva kɛ di lɔwai.

Ɉeremi 39:6

Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.

Ɉeremi 44:30

Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Ɉeremi 52:10

Babilonə tɔɔmun ə Sedesiasə lonnii nwun dee di nąn ɲɛ̨i ɓa; ə Ɉuda lɔi ɲɛ̨itɔwɔ nuą kəlee nwun dee lɔ nwɔ̨nɔ̨ Rivla daai.

Ɉeremi 52:8

Kalde kɔ́kulááɠaa di hvilɛn tɔɔmun Sedesiasə pulu, di ɉon Ɉeriko yɛɛ kɔwɔ hu, nwɔ kɔ́kulááɠaa kəlee daa kɛ taɠa, daa nɛɛ gbɔwɔ ɓa.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 17:12

Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Izikiɛ 17:16

Ɲą́ą́ Yai-Laa, Mɛ̨nį kəlee ŋą Hééɓomun Yálá, yii gáá gwɛlai ɉu, ya ka: dɔɔmun ti ɉee a tɔɔmun; nwooi ə gwɛlɛ mą yɛ nɛɛi; yɛ ŋą mįnɛ̨ həɠə wooi hu kala; dɔɔmun ti pɔɔli ɓə gaa pai haai laa Babilonə daa kwəi.

Izikiɛ 17:20

Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.