Ɉeremi 34:14 - Yálá laawoo hɛɓɛ (dc)

¹⁴ ‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Yálá laawoo hɛɓɛ

¹⁴ ‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Bible

¹⁴ kóraŋ lɔ́ɔlu mɛi-feerɛ kélee su, dí díƃarâa Ibulu-nuui nyíi gáa díyêei a luɛ nyíi a tíi kɛ́ dîɛ a kóraŋ lɔ́ɔlu-mɛi-dai ŋuŋ ma ƃó. Kɛ́lɛ, kánâŋ pɔlɔ-ŋai dífe díwoli tɔ̀ɔ ní ḿâ, kpaa máŋ dí m̀ɛnii kɛ́ ŋá mò dîai.

Ɉeremi 34:14 Iomraidhean Croise

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 9:22

Salomɔn hvo Israɛlə lon da pɛlɛ pɔlɔtɛ kóló ɓa. Di wɛi, di kɛ a kɔ́ kɔ́ nuą, diɛ ɓo a nwɔ nwun nąmįną, pɛlɛɛɠaa da gbɛa-kpɛa, a kɔ́ wotolo nwun nąmįną, da hoo gilɛ həɠə nuą.

Kɔlɔnikɔ Veerɛi 28:10

Yii hui ŋɛ̨i, ka káá kɛi diɛ, ka Ɉuda nuą da Ɉerusalɛmə nuą ŋɛ̨i kɛ a ka wɔɔ luwɔ hinąą da ka wɔɔ kólo kɛ nuą! Kaa kpɔ ŋɛ̨i, a kaa kpįnįi kpɔ ŋɛ̨i, ka hvo mɔ̨ɔ̨ a hɔnmąą nuą ka wɔɔ Yálái Yai-Laa ɲɛ̨i a?

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Ɉeremi 32:30

A tɛ̨ą, ə həɠə Israɛlə da Ɉuda di muhəɠə yələ ɓa, mɛ̨nįi nwɛli hvo mą́ą́, yaa lɔ ɓə da kɛ gɛi. Israɛlə lonnii daa nwąnąlɔ a di túwɔ́ pələ.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Izikiɛ 20:4

Kɛlɛi yɛ́ ɓə mąąnɛ̨ɛ̨ ə́ di kiti tee. A tɛ̨ą hulɔnu lon, di kiti tee. Di nąnni di wɔ kilikpɛɛgwəi mɛ̨nįɠaai hukulɔ diɛ.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Levetekɔ 25:10

Ka gwɛlan bow lɔɔli nąą kɛ a kwɛlan mąąhəɠɛɛ, ɛlɛɛ ka nɔi lonnii kəlee nwun mąąɓo lólóɓo. A kɛ́ ka yəi a hɛli, yɛ Yálá kɛ mɛ̨nįɠaa kili too ka ŋą, nu kəlee ə pənə ə li nąn nwɔ lɔi hu, nu kəlee ə pənə ə li ɉuwu hu.

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.

Amɔsə 8:6

Kaa kɛ diɛ: Túwɔ́ lɔwɔi ŋɛ̨i ə tɛɛ ɉa, ə gɛ, ku mąąwɛli nuą ya a wali. Ku yee hvowolo nuą ya a kɔ́wɔɲą kɔ́lɔ, Ku mɔ̨nunŋaa lɔwɔ́tɔɔ, ku və́leeɠaa kəlee lɔwɔ́tɔɔ.»

Lomaŋ 7:24

Ee kə! Kpalo aa gáá-e! Gbɛɛ ɓə pai gúloi ɉaa kɔ́lɔi ŋɛ̨i hu?

Dutɛrɔnome 15:1

Kwɛlan mɛ̨ihveelɛ a tɛɛ, gwələɠaai ka di tɔɔ, ka di lɛɛ a kpɛli.

Dutɛrɔnome 15:12

Ka kaayɔwɔ ta, yii a Hebreu, akɛ a hulɔnu, a wala kɛ tii, nɛ̨ɛ̨nu, a gbɔwɔ tɔlaa hee ka ta ɓa, a kóló kɛ kaa yɛ luwɔ, kwɛlan mɛ̨ida yee mu. Kɛlaa, gwɛlan mɛ̨ihveelɛnąą, mąąnɛ̨ɛ̨ ka ɓo mą, ə lɛɛ gbɔwɔ ɓa.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.