Ɉeremi 34:1 - Yálá laawoo hɛɓɛ (dc)

¹ Ɓɛlɔwai Nabukodonosorə Babilonə tɔɔmun, nwɔ kɔlaɠai, da yɛnɛ̨ɛ̨ tɔɔɓɛlaai kpɔ nwɔ heeɓolaa ə kɛ di mɛ̨i, da nuąi daa kɛ kɔ́ pɛlɛ Ɉerusalɛmə ɓa, da gwɛlɛ taaɠaa kəlee, nwooi ŋɛ̨i ə həɠə Yai-Laa pɔ, yɛ həli Ɉeremi ɓa, yɛ kɛ mą:

Yálá laawoo hɛɓɛ

¹ Ɓɛlɔwai Nabukodonosorə Babilonə tɔɔmun, nwɔ kɔlaɠai, da yɛnɛ̨ɛ̨ tɔɔɓɛlaai kpɔ nwɔ heeɓolaa ə kɛ di mɛ̨i, da nuąi daa kɛ kɔ́ pɛlɛ Ɉerusalɛmə ɓa, da gwɛlɛ taaɠaa kəlee, nwooi ŋɛ̨i ə həɠə Yai-Laa pɔ, yɛ həli Ɉeremi ɓa, yɛ kɛ mą:

Bible

¹ Tãi Babelɔŋ kaloŋ Nɛbukinaza da ŋɔkɔ-kuluƃa-ŋai, ǹɔii ŋuŋ-ŋai kɛ̀ ǹyée mui da núu da kpɛ́ni-ŋa dí kɔ́ pɛ̀lɛ la Zerusâlɛŋ da ǹaa kɔlɛ ma taa-lee-ŋai diai, Yâwɛɛ è lòno ḿbɔ.

Ɉeremi 34:1 Iomraidhean Croise

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Ɉeremi 32:1

Ɉuda tɔɔmun Sedesiasə nwɔ tɔɔlaa gwɛlan bow nąąn ɲələ, Nabukodonosorə nwɛi bow gɔw mɛ̨ihveelɛ ɲələ li kɛ, Yai-Laa ə mɛ̨nį ɓo Ɉeremi ɓa.

Ɉeremi 32:2

Nąąlɔwai, Babilonə tɔɔmun nwɔ kɔlaɠaɠaa daa kɛ Ɉerusalɛmə taa mąątinɛ̨n, a kɔ́. Yálá kwəi mɛ̨nį hukulɔ mun Ɉeremi yaan, ə kɛ gaho ŋą dɔɔmun mąąkpɛ kulááɠaa pɔɔli, Ɉuda tɔɔmun ɲəi gwəlii.

Ɉeremi 34:7

Ɓɛlɔwai Babilonə tɔɔmun ə kɛi gɔ́ pɛlɛ la Ɉerusalɛmə taa ɓa, da Ɉuda taaɠaai kɛi tɔɔ na, yɛ bələi Lakisə da Azeka di kaa laa, mąąhɔlɔɓo, diɛ ɓə a Ɉuda taaɠaai di mąąkpɛ hįi ə kɛ diɛ; di hvo ni kɛ daa hveelɛi tii hon ni.

Danîa 4:1

Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.