Ɉeremi 33:9 - Yálá laawoo hɛɓɛ (dc)

⁹ Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Yálá laawoo hɛɓɛ

⁹ Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Bible

⁹ Zerusâlɛŋ-ƃelai da pâi lii-nɛ̃ɛ kulâi, dí ƃâa kɛ́ ḿâ, dí ŋáfolo-laai maa tɛ́. À kɛ̀ tí, ŋ̀éniɛi su-ƃelai kélee da pâi yaôi dí kɛ́ kpɛ̃liŋ tãi da pâi m̀ɛni lɛ́lɛɛ-ŋai ŋá gɛ̀ Zerusâlɛŋ, maa tûŋ mɛnîi lai, da berei Zerusâlɛŋ a pâi ƃûu ƃôi lai.”

Ɉeremi 33:9 Iomraidhean Croise

Kɔlɔnikɔ Veerɛi 20:29

Ɓɛlɔwai dɔɔɓɛlaa yiiɠaa tii di bələ mąn na, diɛ kɛ Yai-Laa aa Israɛlə ɲowoɠaa hukala; Yálá ŋą ɲɔw mąąlaa ə lɔ di hu.

Nehemi 6:16

Bələ mɛ̨n ku yowoɠaa kəlee di mo, nɔiɠaai kpɔ kɛ ku kwɛlɛ, gəlee di ɲɔw, ɛlɛɛ, di nwunmɛ̨ di kpɔɔ yəi. Di gbaɠala kaa, diɛ kɛ golói tii ə kɛ, mąąhɔlɔɓo, ku wɔ Yálái ɓə kɛ bɔ́.

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Mąątɛ̨nɛ̨ 40:3

Aa gúlɔ ɓoloon ɲɔ̨nwɔ̨ɔ̨ hu, da palayá kpon ɉu kwɛaa hu; ə ɉáŋą ə dɔ́ɔ́, ə gɔ́wɔ́ hvilɛn kwɛni mɛ̨i, ə gɔ́wɔ́ɠaa hukɔlɔ mú.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Azaya 55:13

Towələ wuluɠaa kaa pai ɓɔn ɉii, ɓɛi ɲąąlən ə kɛ laa; tow yɛ kulɔ ɓɛi didi-hɔ̨ɔ̨-hɔ̨ɔ̨ ə kɛ laa, yili kaa pai kɛi a Yai-Laa laa tɛ mɛ̨nį, a gɔlɔn ɉɛn, a yələ kəlee da nwɔɔ, gili hva kpɛɛ nuą ŋą.

Azaya 60:5

Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Azaya 62:7

'Ka hvo həɠə bulu, yaa kpɛlimąn, hvo kɛli a Ɉerusalɛmə pu nįnɛ̨ kɔ́lɔi. Hvo kɛli ə dɔɔ a mąątɛnɛ̨ wələ lɔi mɛ̨i.»

Azaya 64:2

Ə́ kɛi mɛ̨nį mąąɲɔwɠaa kɛ, ku kili hvo kɛ li mą, Ə́ yɛɛ, ɛlɛɛ, yeeɠaa diɛ kpɛlin, ə́ ɲɛ̨i tɔwɔ.

Ɉeremi 13:11

Bələi lɔ nu a hąą yili kɔ́lɔ tɔɔ la nəŋəi, bələ lɔ ɓə ŋį́ Israɛlə nuą da Ɉuda nuą tɔɔ la ɉą́ą́, əgɛ, di kɛ a nu huwui gaa a ɲą́ą́ nwɔ́ɔ́, a náá tɛ hɛn, a ɲɛ̨́i pɔ̨nɔ̨ hɛn, a mą́ą́ yili hɛn. Kɛlaa, ya ka tii, di hvo hvaa li mą tiikpə kpɛli.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 29:1

Yálá kwəi mɛ̨nį hukulɔ mun Ɉeremi ə lɛɛ Ɉerusalɛmə, ə hɛɓɛ́ tɔɔ galanɉonŋaai kɛ gɔ luwɔɠaa lɔwai diɛ, da ɉaláá laa həli nuą, ə mą kɛ, Yálá kwəi mɛ̨nį hukulɔ nuą, da nɔi lonnii kəlee, diɛi kpɔ Nabukodonosorə ə di kulɔ Ɉerusalɛmə yɛ li a diɛ Babilonə.

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 31:14

Gáá pai ɉaláá laa həli nuą pilɛi a huwɔ wulɔɔɠaa. Nwɔ́ nuą da pilɛ a ɲə́i mɛ̨inɛ̨ɛ̨. Ɲą́ą́ Yai-Laa nwóó li!

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 32:42

«Mąąhɔlɔɓo, Yai-Laa yɛi, bələi lɔ ŋą́ mɛ̨nį ɲąąnwąnąą kɛnɛ̨ laa la nuąi ŋɛ̨i diɛ, bələ lɔ ɓə, nwun na nɛ̨ɛ̨i ŋą́ mąą kili tee gwə́i yɛ hvilɛn na diɛ, gáá pai dɛɛi la di pɔ.

Ɉeremi 33:14

Yai-Laa yɛ diɛ: «Hvolóɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 49:25

Ee kə! Daa lɛ̨ą gwəinɛ̨ɛ̨ taai ɓa, aa lɛɛ a taa kpoloon.

Izikiɛ 26:20

Gáá pai ə́ yɛɛi kámą hu nuą pɔ, ə́ ɓo yɛ tɔwɔ tɔwɔ taa kpoloon, gɛ́ ə́ hee ɓoloon ɉu nuą pɔ. Yá kɛ kɛa a taa kpoloon tɔɔ hva kɛa kɛ mą, nu kanŋaa di wɔ lɔi mɛ̨i.

Izikiɛ 36:35

Di kaa pai kɛi diɛ; nɔi ŋɛ̨i ta di gala, aa kɛ yɛ Yálá-taa nɔw yɛa. Daaɠaai kɛ a taa kpoloonŋaa, daa kɛ di pu, daa kɛ di wolo, daa di mąąkpɛ hįįɠaa too, nu ə ɓo di hu.

Izikiɛ 39:13

Nɔi hu lonnii kəlee ɓə pai di looi; diɛ di nwun dɛ ɉu a ɲələi tii gáá pai gbɔwɔ ɲɛ̨́i pɔ̨nɔ̨i la. Mɛ̨nį kəlee ŋą Hééɓomun Yálá woo li.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Zakari 1:17

'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Zakari 12:2

Gáá pai Ɉerusalɛmə kɛi a lɔɔ gbąmą, yɛ gwɛlɛ lɔiɠaa kəlee kɛlɛ. Ɉuda kaa lɔ pai kɛi tii, a ɓɛlɔwai di kaa pai kɛi kɔ́ pɛlɛi la Ɉerusalɛmə ɓa.

Dutɛrɔnome 30:5

Nɔi ŋɛ̨i wɔlɔ kɛ a ka kalaɓɔlɔ ni di wɔ lɔi, Yai-Laa kaa pai pənəi ə pa a kaa ɉu, ə kɛ a ka kwɛlin. Gaa pai ka nwun na nɛ̨ɛ̨i, ə ka huwuhu ɓɛlɛ ə tɛɛ la ka nąnni diɛ.