Ɉeremi 33:5 - Yálá laawoo hɛɓɛ (dc)

⁵ Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Yálá laawoo hɛɓɛ

⁵ Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Bible

⁵ Babelɔŋ kɔ-kuluƃa-ŋai da pâi kɔ̂i dí bɛ́rɛ-ŋai ŋí láa fɛ́ɛ a ǹûai poma da pâi dí paâi a ŋá lii ŋwânai, kpɛ́ni fêi, ŋa ḿbôlu tɔɔ daa-lêei ŋí ma ŋɔsɔnyɔ̂ŋ da ŋɔŋwana lɔ̂ɔi mɛni ma.

Ɉeremi 33:5 Iomraidhean Croise

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Ɉeremi 18:17

Gáá pai di taɠai di yowoɠaa tɔwɔ yɛ hvaŋą, di wɔ mɔ̨nɔ̨ mį́i yələ, gɔ́n bulu ɓə di kaa pai gaai, ɲɛ̨ilaa loɔ diɛ.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 32:5

Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 31:18

Mąą yələi tii, ɲą́ą́n gáá lɔ pai ɲɛ̨́i lɛlɛɛ həɠəi di mɛ̨i, dúwɔ́ pələ ɲɔ̨n tii di gulɔ a ɲą́ą́, a di hvilɛn mɛ̨nį haliɠaa pulu.

Dutɛrɔnome 32:20

Ə mo kɛa yɛ kɛ diɛ: «A yiiɠaai-yoo! Nu hva pɛli ə́ kilitɔɔi diɛ! Mąąwiɛ laa hvo di yəi! Gáá ɲɛ̨i lɛlɛɛ həɠəi diɛ, kɛlaa di wɔ yɛnɛ̨ɛ̨ kaa pai kɛi ləi tɔwɔ pələ?