Ɉeremi 33:22 - Yálá laawoo hɛɓɛ (dc)

²² Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Yálá laawoo hɛɓɛ

²² Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Bible

²² Ŋa pâi gɛ̂i ńyee mu-nuui Deeƃé ŋɔsuui su é kɛ́tɛ da zâla láa-soŋ-nuui kùla Liiva suui sui. Dísuui su a pâi kɛ̂tɛi kpɔ́ yɛ̂ɛ yúo ma ŋãya da bɛ́mɛlɛŋ-kao-ŋai nyii núu da fa pɔ̂ri dí lônoi.”

Ɉeremi 33:22 Iomraidhean Croise

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Mąątɛ̨nɛ̨ 22:30

Nwun na nɛ̨ɛ̨ nuąi lɔi mɛ̨i, daa kɔ̨nɔ̨n mįi, diɛ ka gwɛli hvilɛn ɉi mą! Nuąi kpɔ haa pɛ̨ɛ̨ di nwuɔ̨, gəlee kaa pai kwɛli hvilɛn ɉi mą, di hvo pai lɛɛi a yɛnɛ̨ɛ̨ kɛ nuą.

Mąątɛ̨nɛ̨ 89:29

Nwóói ŋį́ gwɛlɛ mą, ŋą́ bɔ mɛ̨nį kɛ a yələ kəlee, nwɔ́ mɛ̨inɛ̨ɛ̨ ə ɓo mɛ̨i a yələ kəlee.

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Azaya 66:21

Gáá lɔ nwɔ̨nɔ̨ pai haláá laa həli nuą həɠəi di lɔwai, Lévi huwu hu nuą, Yai-Laa woo li.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Ɉeremi 33:18

Lévi huwu hu haláá laa həli mun və pai kpɛɛi laa, yɛ tɔɔ nííla, yɛ haláái da gəlee kələn, nulu tɛ; yɛ gɔ́ hɛnŋaa kələn. Yɛ ɉalááɠaa kulɔ a yələ kəlee.»

Ɉeremi 33:23

Yai-Laa ə mɛ̨nį ɓo Ɉeremi ɓa, yɛ mą: Ə́ kaa nąą kaai!

Izikiɛ 37:10

Ŋą́ Yálá kwəi mɛ̨nį hukulɔ, yɛ bələi ə dí la; nu nɔ̨ɔ̨ ə too di hu, di kɛ a di hvulú, di haŋą di tɔɔ, di ɓo kpɔ a kɔlaɠa kpulu kɛnɛ̨ɛ.

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Zakari 10:8

Gáá pai húú pili, gɛ́ di ɲąąkpɔn, hvo gaai, ŋą́ą́ di nwun mąąɓo. Di kaa pai ɓuwuɓoi, yɛ tɔlɔɔ-tɔlɔɔ yələ.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Zakari 2:4

Ŋą́ mąąnįn kɛ nwɔ̨nɔ̨ gɛ́ mą: «Yiiɠaai diɛn, lə ɓə di kaa pai gɛi?» Ə nwóó pulu pənə, yɛ mą́ą́: «Nɔiɠaai tii di wɔ huwalawalai gaa di yəi yɛ di mįnɛ̨, yai di Ɉuda lɔi hu taɠa la, nui lɔpee ta hvo pɛli tɔɔi di la, diɛ ɓə gwɛliyɔw nuąi ŋɛ̨i di pa di mąą kpɛlin ɉii.»

Hebreu 11:12

Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.