Ɉeremi 33:2 - Yálá laawoo hɛɓɛ (dc)

² Yálái, yai hɛn gəlee pɛli, yɛ ɉee tin, naa ɓaa a Yai-Laa, nwoo ka, yɛ diɛ:

Yálá laawoo hɛɓɛ

² Yálái, yai hɛn gəlee pɛli, yɛ ɉee tin, naa ɓaa a Yai-Laa, nwoo ka, yɛ diɛ:

Bible

² Yâwɛɛ nyíi ŋ̀éniɛi kpɛ̀tɛ é zee a zee-perei, Yâwɛɛ nyíi ǹáa ƃa Yâwɛɛi, è mò ḿâ ǹyɛɛi,

Ɉeremi 33:2 Iomraidhean Croise

Mąątɛ̨nɛ̨ 102:16

Lɔiɠaa kaa pai ɲɔwi Yai-Laa, laa ɓa, yɛnɛ̨ɛ̨ tɔɔɓɛlaa kəlee diɛ ɲɔw Ə́ mąąwiɛ̨ pələ ɓa.

Mąątɛ̨nɛ̨ 87:5

Kɛlaa, yii ɓaa Siɔn nwɛi, di kaa pai kɛi mą: «Nąą ɓə di nu kəlee kaa laa, ɛlɛɛ, Hɛn Gəlee Mɛ̨i mun mə nwulu hvilɛn kpilin!»

Lɛɛ gbɔwɔ ɓa 15:3

Yai-Laa kaa a kɔ́kuláá, Naa ɓa a: Yai-Laa.

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Azaya 14:32

Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Azaya 37:26

Ə́ kili hvo mɔ̨ɔ̨ ɉu yɛ́ kɛ ŋą́ą́ mɛ̨nįi ɲɛ̨́i mąą kili tee gwə́i, ɉu aa kwɛa? Ɛlɛɛ, ŋą́ą́ gíliŋąhiɛ mą, ə həɠə kpɔ tɔwɔ tɔwɔ yələ ɓa, Gáá kɛa gɛi yiihu: Yá pɛli mą ə́ taa kpɛa kpɛa mąą pənə a kwɛni hį́iɠaa.

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Azaya 62:7

'Ka hvo həɠə bulu, yaa kpɛlimąn, hvo kɛli a Ɉerusalɛmə pu nįnɛ̨ kɔ́lɔi. Hvo kɛli ə dɔɔ a mąątɛnɛ̨ wələ lɔi mɛ̨i.»

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 16:21

Gáá kɛa pai kili tɛɛi di pɔ, gili tii pɔ pələ ɓə gáá nwɔ́ yee walawalalaa lɛi la diɛ, da gili kɔ́lɔn nąąlɔwai diɛ kɛ diɛ; náá ɓaa: «Yai-Laa.»

Ɉeremi 32:18

Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Amɔsə 9:6

Yaa tii ɓə aa wɔ mɛ̨nɛ̨i laa yələkɔlɔn ɉu, yɛ nwɔ tɔɔ pɛlɛi kɔ́wɔ hvilɛn lɔi mɛ̨i, yaa ɓə a gboloyá hu yaɠaa kəlee təli, di laa lɔi mɛ̨i. Yaa tii naa ɓaa a: Yai-Laa.

Hebreu 11:10

Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

M̀ɛni-lɛɛi 21:10

Kili ə gbə́ŋə́, ə li a ɲą́ą́ yee kwɛa kɛnɛ̨ ta tonna, ə daa mąąhəɠɛɛi, yai a Ɉerusalɛmə, yai həɠə yələi, Yálá kwɛlɛ, ə nɛ mą́ą́.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.