Ɉeremi 33:14 - Yálá laawoo hɛɓɛ (dc)

¹⁴ Yai-Laa yɛ diɛ: «Hvolóɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Yálá laawoo hɛɓɛ

¹⁴ Yai-Laa yɛ diɛ: «Hvoloɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Bible

¹⁴ Yâwɛɛ è mò ǹyɛɛ, “Vóloi káa pâi, tãi ŋa pâi ŋákono-teei nyíi ŋá gɛ̀ Eezuɛ da Zuda-ƃelai yêei ŋaa-see kɛ̂i lai.

Ɉeremi 33:14 Iomraidhean Croise

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 31:27

Yai-Laa woo ka, yɛ diɛ: «Gaa pai kɛi a yələ ta kaa pai ɉəlii, gɛ nu kan da taatɛlɛɛ huwu híi Ɉuda da Israɛlə lɔiɠaa hu.

Ɉeremi 32:42

«Mąąhɔlɔɓo, Yai-Laa yɛi, bələi lɔ ŋą́ mɛ̨nį ɲąąnwąnąą kɛnɛ̨ laa la nuąi ŋɛ̨i diɛ, bələ lɔ ɓə, nwun na nɛ̨ɛ̨i ŋą́ mąą kili tee gwə́i yɛ hvilɛn na diɛ, gáá pai dɛɛi la di pɔ.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lukə 10:24

A tɛ̨ą kpɔ-kpɔ gáá moi kaa, Yálá kwəi mɛ̨nį hukulɔ nuą tamąą, da nu haŋąaɠaa tamąą, di kɛ bɔ, mɛ̨nį ka káá gaai, di gaa. Kɛlaa, di hvo ga. Mɛ̨nįi ka káá mɛ̨n ɉi, di mɛ̨n. Kɛlaa, di hvo mɛ̨n.»

Korɛntə veelɛ 1:20

Ɛlɛɛ, mɛ̨nįɠaa kpɔ Yálá ə naakwɛlanmo, yai tii ɓə di kɛ a «ee!» gbɔwɔ kpinį hu. Yili mąą mɛ̨nį ɓa, yaa ti ɉaalai ɓə, gwa kɛ la Yálá ɓa: «mįiną!» Yaa ti mąąwiɛ mɛ̨nį ɓa.

Hebreu 11:40

Hvo gaai, Yálá ə mɛ̨nį lɛlɛɛ mąą kili tee gwəi nwɔ̨nɔ̨ a gu wɔɔ, ya ɓaa, mąą hvo nɛ̨ɛ̨li, di hvo həli mɛ̨nį kəlee laa kulɔi ɓa, gu tɔwɔ.

Piɛrə dɔlɔɔ 1:10

Malo mɛ̨nįi tii ɓə, Yálá kwəi mɛ̨ni hukulɔ nuą di kɛli gwɛli, diɛ mąą mɛ̨nį ɓo, ɓɛlɔwai di kɛli pələ ɓo la yɛ hvilɛn na, nɛ̨ɛ̨laai di ɉee ká tɔwɔ, mą;

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.