Ɉeremi 32:5 - Yálá laawoo hɛɓɛ (dc)

⁵ Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»

Yálá laawoo hɛɓɛ

⁵ Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»

Bible

⁵ Da pâi liî a Zɛdikaya Babelɔŋ. Ǹaa ƃé a pâi lɛɛ̂i naa é lɛ́ɛ la zu ŋá gula maa kɛ́. A nɛ̃ɛ ma kpîŋ é kɔ́, da pâi ǹyée mɛi ɣalêi. Ńyãa Yâwɛɛ ƃé mò tí.’ ”

Ɉeremi 32:5 Iomraidhean Croise

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Kɔlɔnikɔ Veerɛi 24:20

Nąąlɔwai, Yálá nwɔ Kilii ə too Yehoyada lon Zakaria hu, ə haŋan nɔi lonnii diɛ, yɛ diɛ: «'Ka ká wəli tɔɔ Yálá woo ɓa, yɛ diɛ: Lə mɛ̨nį ɓa, ka káá Yai-Laa ŋą tɔ́n nwooɠaai mąą kalai? Ka nwun na hvo pai nɛ̨ɛ̨i. Yii kaa ka kili kulɔ Yai-Laa hui, yaa kpɛli, aa gili kulɔ ka hu.»

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Ɉeremi 2:37

Ə́ kaa pai kulɔi laa, ə́ yee laa ə́ nwuɔ̨ a nwumɛ̨. Mąąhɔlɔɓo, nuąi yáá ə́ kilitɔɔ diɛ, Yai-Laa tɛɠɛ ɓoɔi di hu. Bələ ɓə ɓáá a kulɔ la yɛ́.

Ɉeremi 27:22

«Di kaa pai lii a diɛ Babilonə diɛ lɛɛ laa, ɛlɛɛ ɉu ɲą́ą́ gbį́nįi ŋą́ di mąą mɛ̨nį ɲɛ̨i kulɔ, ɲələi tii ɓə ŋą́ di həɠə la laa gɛ́ pənə gɛ́ pa a diɛ gɛɛnąąi ŋɛ̨i ɓa.»

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.

Ɉeremi 32:6

Mɛ̨nįi Ɉeremi ə mo ya ka, yɛ mą: «Yai-Laa ə mo mą́ą́, yɛ mą́ą́:

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 37:10

Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Ɉeremi 39:4

Di kaai Ɉuda tɔɔmun Sedesiasə da gɔ́ kɔ́ nuą kəlee di mo, di pu di kulɔ daai kwii hąą, di tɛɛ a tɔɔmun yəi nɔw yɛa pələ, ɓɛi tii bɛlɛ́ nwąnąɠaa da di kee kaa laa gbon gwɛlɛ, di ɉaŋa a Ɉurdɛn ɲa-ɓoloon bɔ pələ.

Ɉeremi 39:5

Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Ɉeremi 39:7

Yili pulu, ə Sedesiasə ɲɛ̨i wolo, ə ɲili a yɔwɔn veelɛ, yɛ li la Babilonə.

Woolaa 1:14

Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Izikiɛ 12:12

Dɔɔmun tii di lɔwai, gaa pai tiɛ̨ laai galan ŋą; gaa pai kulɔi kwii hąą daa mąąkpɛ hį́i wolo ɓa pələ. Di gbɛa wolo ɓɔ laa, dɛɛ mɛ̨nį ɓa lɔ. Gaa pai həɠə pɛlɛi nwun mɛ̨i, hvo pa lee nɔi kaa a ɲɛ̨i kɔ́w.

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Lonon mo 14:41

Moisə yɛ diɛ: «Lə ɓə ŋɛ̨i ka káá gɛi? Lə mɛ̨nį ɓa ka káá kulɔi Yai-Laa woo mu? Yili hvo pai pɛli.