Ɉeremi 32:40 - Yálá laawoo hɛɓɛ (dc)

⁴⁰ Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Yálá laawoo hɛɓɛ

⁴⁰ Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Bible

⁴⁰ Ŋa pâi kpanaŋ-woo kɛ̂i díyêei wɔ́lɔ-wɔlɔ da wɔlɔ-wɔlɔ. Ḿve pâi kperâi mɛni lɛ́lɛɛ kɛ̂i dîɛ. Ŋa pâi gɛ̂i dí ŋumɛ maa tɛɛ ḿbɔ a dí líi kélee, dífa lâ ŋɔ́nɔ dípôlu tɔɔ la ḿâ.

Ɉeremi 32:40 Iomraidhean Croise

Samia Veerɛi 23:4

yɛ yələwala pɔ, yii tulɔ hvo yələi. Yɛ tulɔ puɔ pulu kɛɛ pɔ̨nɔ̨, kala yɛ tiliin.»

Mąątɛ̨nɛ̨ 80:19

A kɛ kɛa tii, ku hva ku mąąkwɛa yɛ́ a yələ ta; 'ku laahɔnmo yɛnɛ̨ɛ̨, akɛti kwa ə́ təli a ə́ laa.

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 50:5

Bələi a li Siɔn, di ka mąą mąąni kɛ kɛi, ɛlɛɛ, Siɔn pɔ pələ ɓə di ɲɛ̨i tinɛ̨nŋaa la. Di kaa pai, da Yai-Laa ni, di tɔɔi ə kɛ tɔ̨nɔ̨, diɛ mįnɛ̨ həɠə a yələ kəlee mɛ̨nį. Di hva kɛa lɛ̨ą mą, a yələ ta.

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Izikiɛ 37:26

Kwa diɛni ku kaa pai liilaa mįnɛ̨ həɠəi, gáá pai di heei kulɔi, ŋą́ di ɓuwu ɓo; gáá pai nwɔ́ pɛlɛ́ mąąhəɠɛɛi tɔɔi di lɔwai yɛ lɛɛ laa a yələ kəlee da nwɔɔ.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Mise 4:5

Akɛ hį́i takpɛliɠaa da kɛ hiɛi di wɔ haliɠaai laa hu, ku wɛi kwa hiɛ Yai-Laa ku wɔ Yálái laa hu, a yələ kəlee da nwɔɔ.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 31:8

Yai-Laa ɓə pai tɔɔi ə́ ɲɛ̨itɔwɔ kaa li, gaa pai kɛi ə́ pɔ, hvo pai ə́ lɛɛi laa, hva gili kulɔ ə́ hu, hvó ɲɔw, ə́ mąą hvo kpɛlin.»

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Hebreu 7:24

Kɛlaa, Jesus nwɛi tii, yɛ bələi haa hvo la mą, gaa a ɉaláá laa həli mun a yələ kəlee mɛ̨nį, nu ta hva mąąhvalin.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.