Ɉeremi 32:39 - Yálá laawoo hɛɓɛ (dc)

³⁹ Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Yálá laawoo hɛɓɛ

³⁹ Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Bible

³⁹ M̀ɛni-ŋûŋ tɔnɔi ŋa pâi gɛ̂i dí gɛ́ ḿîi ƃa, dí ƃaa kɛ́ maa tɛ́ɛ ḿbɔ a tãi kélee dí kɛ̀ ɣéniɛi su. Dà gɛ̀ tí, da pâi mɛni lɛ́lɛɛ sɔlɔ ƃôi da dísuui.

Ɉeremi 32:39 Iomraidhean Croise

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Mąątɛ̨nɛ̨ 128:6

Yɛ́ pɛli ə́ lonnii di wɔ lonnii kaai. Liilaa ə kɛ Israɛlə mɛ̨i.

Mąątɛ̨nɛ̨ 86:11

Yai-Laa, ə́ wɔ pələi lɛ mą́ą́, akɛtii ŋą pɛli hiɛi yɛ bələi ə́ wɔ tɛ̨ąi kaa la. Gíliŋąhiɛ pələ kɛ lɔ tanɔ̨n, əgɛ, gɛ́ pɛli ɲɔwii ə́ laa ɓa.

Hanwon 23:17

Ə́ ɲɛ̨i hvo kulɔ nɛ̨ŋɛ̨n ɉəɠə nuą túwɔ́ pələ pɔ. Kɛlaa, nuąi da ɲɔw Yai-Laa ɓa, ə́ ɲɛ̨i ə kulɔ di túwɔ́ pələ pɔ a yələ kəlee.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Azaya 52:8

Ə́ wɔ pələi pɔ kaa nuą woo ka tii, di kaa tómąi a kwəinɛ̨ɛ̨; diɛ tómą a yee tɛɛmąą kwəinɛ̨ɛ̨ woo, mąąhɔlɔɓo, di ɲɛ̨i hei di kee ɲɛ̨ilai, diɛ Yai-Laa kaa, yɛ pənə yɛ pa Siɔn daai.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:40

Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Izikiɛ 37:22

Gáá pai di kɛi a lɔi tɔ̨nɔ̨ nɔi hu; Israɛlə yeeɠaa mɛ̨i, tɔɔmun dɔ̨nɔ̨ lɔ ɓə pai kɛi di kəlee di nwun na. Di hvo kɛa pai kɛi a lɔi hveelɛ, dɔɔlaa hvo kɛa pai kɛi a mɛlaɓoɔ ɉu hveelɛ.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Gɛlaɠaa 13:33

Aa bɔ mɛ̨nį kɛ kuɔi a di lonnii kuɔ da hvo lɛɛ li pulu, a Jesus nwun ə mo haa nuą lɔwai, yɛ bələi bɛ̨ɛ̨i la Yálá mąątɛ̨nɛ̨ wələ hɛɓɛ́ veelɛnąą hu, yɛ mą: «‹Nón maa yɛ́, ɲą́ą́ kpɔ ɓə ə́ kaa háákələi.›

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Gɛlaɠaa 4:32

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa, kiliŋąhiɛ tɔ̨nɔ̨ hu. Nu tɔ̨nɔ̨ kpɛli hvo kɛi kɛ diɛ: «Yii ɲə́i, ɲą́ą́ dɔ̨nɔ̨ nwɔ́ɔ́ li.»

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Lomaŋ 11:16

Da hɛn nįnɛ̨ kulɔ Yálá ɓa, gbəli kəlee kaa a nwɔɔ. Wulu ɉamu a kɛ a Yálá nwɔɔ, nwulu nąą kəlee kaa a nwɔɔ.

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Dutɛrɔnome 6:24

Yai-Laa ə ku tí yɛ ku nwɔ tíɓoɠaai kəlee kɛ, yɛ ku Yai-Laa ku wɔ Yálái mąąwiɛ, kwa pɛli kɛi nwun nąnɛ̨ɛ̨ hu a yələ kəlee. Yɛ ku laa hon mo yɛnɛ̨ɛ̨, yɛ bələi gu kaa la háákələi.

Hebreu 10:20

Pələ nįnɛ̨ hvúlúmąą ka tii kani kɛa gu yəi, yai ə nįnɛ̨ kulɔ ɉəɠə ɓɛla hu pələ, mukulaa ɓaa, gbɔwɔ kɔ́lɔ pɔ pələ.