Ɉeremi 32:37 - Yálá laawoo hɛɓɛ (dc)

³⁷ Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Yálá laawoo hɛɓɛ

³⁷ Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Bible

³⁷ Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 32:37 Iomraidhean Croise

Mąątɛ̨nɛ̨ 106:47

Yai-Laa, ku wɔ Yálá! 'Ku ɓalo wɛ! 'Ku kulɔ huwu takpɛliɠaa lɔwai, ə ku ɲąąkpɔn. Kuɔ pɛli Ə́ laa Mąąhəɠɛɛ tooi a wələ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pono mɛ̨nį.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 16:14

Hvólóɠaa kaa pai həlii, di hvo kɛa pai kɛi diɛ: Yai-Laa tii Israɛlə nuą kulɔ Eziptə lɔi hu, gaa a vulú,

Ɉeremi 16:15

Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Ɉeremi 21:5

Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Ɉeremi 23:8

Kɛlaa da kɛ diɛ: ‹Yai-Laa kaa a vulú, yai Israɛlə lonnii kulɔ ɲələi pələ lɔiɠaa hu, da lɔiɠaai kpɔ kɛ di taɠa taɠaa ɉu, diɛ di ɲąąkpɔn nwɔ lɔi hu.›»

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Izikiɛ 20:34

Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Izikiɛ 28:26

Di kaa pai kɛi laa, liilaa hu, diɛ pɛlɛ́ɠaa tɔɔ, diɛ tííɠaa kɛ. Di ɓo liilaa hu, ɓɛlɔwai gáá pai di kwɛlɛ nuąi kpɔ tii da tɛɠɛɓo di hu, di kiti teei la, da gili kɔ́lɔn, diɛ kɛ, ɲą́ą́ ɓə gáá a Yai-Laa di wɔ Yálá.»

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Sofoni 3:20

Mąą yələi tii, ŋą́ hvilɛn ka ɲɛ̨i tɔwɔ, ŋį́ pa a kaa, ɲələi tii, ŋą́ ka ɲąą kpɔn, ka ɲɛ̨i ə pɔ̨nɔ̨, ɓɛlɛ ə kɛ kaa lɔi mɛ̨i, nu kanŋaa kəlee lɔwai, ɓɛlɔwai gáá pai ka wɔ yɛnɛ̨ɛ̨ ɲɛ̨ilaa lɛlɛɛ heei la mą, kaa gaa. Ɲą́ą́ Yai-Laa, ɲą́ą́ kpɔ ɓə mo!

Zakari 14:11

Nuą kaa pai heei laa, di hva kɛa nɛ̨ŋɛ̨nnaa kɛ, Ɉerusalɛmə kaa pai kɛi liilaa hu.

Zakari 3:10

Yai-Laa Mɛ̨nį Kəlee ŋą Hééɓomun yɛi, Mąą yələ, ka káá pai ka keeni təlii dowələ wulu mu, da nwiɛ mu.»