Ɉeremi 32:29 - Yálá laawoo hɛɓɛ (dc)

²⁹ Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Yálá laawoo hɛɓɛ

²⁹ Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Bible

²⁹ dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Ɉeremi 32:29 Iomraidhean Croise

Tɔɔɓɛlaa veelɛ 25:9

ə Yai-Laa hee pɛlɛ́ kələn, da tɔɔmun nwɔ pɛ́lɛ́i, ə mą kɛ, Ɉerusalɛmə pɛlɛ́ɠaa kəlee.

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Nehemi 8:16

Nu kəlee di kulɔ, də li di pa a kələ tɔɔ hɛnŋąą, nu kəlee ə pa a nwɛi ɲəi bɛlɛ́ laaləi da Yálá hee pɛlɛ́ kwɛlɛ kwəliɠaa hu, ə mą kɛ gwəli hąą tii kɛ ɲai pələ nwun na, da yii ŋɛ̨i kɛ Ɛfraimə nwɔ kpɔn dənən ma.

Azaya 22:1

Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 32:3

Ɉuda tɔɔmun Sedesiasə ɓə nɔ laa. Yɛ kɛ Ɉeremi ɓa: «Lə mɛ̨nį ɓa, ə́ kaa kɛi diɛ: ‹Yai-Laa lawoo ka ŋɛ̨i gáá moi kaa, yɛ diɛ: Ɲą́ą́ Yai-Laa, gáá pai daa ŋɛ̨i lɛɛi Babilonə tɔɔmun ɲee kɔ́nma; Babilonə tɔɔmun kaa pai ɉon ɉii a kɔ́.

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Ɉeremi 44:25

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Kaai ɓaa nɛ̨ąą, mɛ̨nįi gáá moi, gɛ hiɛ li! Kaa ɓə kɛ mą: mɛ̨nįi gaa ku kwəi ya ɓə ku kaa gɛi, ku kaa haláá kulɔi yələkɔlɔn ɉu tɔɔ-nɛ̨ɛ̨nu ɓa, kuɔ gɔ́ a lɔɔ da wulɔ.› Ka lɛɛ ka woo pulu, kaa nɔɔ da nwulɔ di pu.

Ɉeremi 52:12

Babilonə tɔɔmun Nabukodonosorə nwɔ kwɛlan bow gɔw mɛ̨inan nąąn, nwɔ ɲąnin nɔɔli lɔwai dɔɔlaa hu, voló pow yələ, Nebuzaradan yai kɛ a Nabukodonosorə nwɔ tɔɔlaa kwɛlɛ kalanɉon da, ə pa Ɉerusalɛmə.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Ɉeremi 7:17

Mɛ̨nįɠaai di kaa gɛi Ɉuda taaɠaa hu, da Ɉerusalɛmə gwəliɠaa pɔ, hvó gaai?

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 23:47

Ɲąąkpɔn ɉu nuą di di hɔɔ a kwɛni, di di paa a ɓɔwa kwɛaa; di di lon ɉinąą da di lon nɛ̨ąą paa; di di wɔ pɛlɛ́ɠaai kələn.

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Hebreu 3:16

Akɛti, gbɛɛ nuą ɓə Yálá laa woo mɛ̨n, diɛ di kwɛli tee? Kɛlɛi nuąi kpɔ kulɔ Eziptə lɔi hu Moisə háálai diɛ ɓə-é!