Ɉeremi 32:22 - Yálá laawoo hɛɓɛ (dc)

²² Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Yálá laawoo hɛɓɛ

²² Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Bible

²² Í ǹɔii lɛ́lɛɛi ŋí tɛ̀ɛ dípɔ yɛ̂ɛ berei í íkono tèe la dínâŋ pɔlɔ-ŋai yêei.

Ɉeremi 32:22 Iomraidhean Croise

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Nehemi 9:15

Ə́ pulu kulɔ diɛ, a yələi pələ kɔ̨nɔ̨n, ə́ kpələ wɛli kulɔ diɛ, a yai ə́ gulɔ kwɛni hu, ə́ mo diɛ, yɛ diɛ nɔi ə́ naakwɛlanmo diɛ, yɛ́ ə́ kwɛla la, di pa di hee ɉu.

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Ɉeremi 11:5

Yili a kɛ kɛa tii, mɛ̨nįi ŋį́ naakwɛlanmo ka nąnni diɛ, gɛ́ kɛ diɛ, gáá lɔi tɛɛi ka pɔ, ɓɛi kwɛin nwulɔ da ɲįnįya gboloon naai laa; ŋį́ pɛli kɛa ŋį́ nwóó tii pɔ mɛ̨nį kɛ. Yili ɓa, háákələi, nɔi kaa a ka wɔɔ. Gɛ́ Yai-Laa ɓa: «Gaa tii Yai-Laa.»

Izikiɛ 20:15

Ŋą́ pənə nwɔ̨nɔ̨ ŋą́ gwɛ́la diɛ nɔi pun ɉu, ɲéé tɛɛ yələi; gɛ́ diɛ, və́ pai ka lɔi nɔi tii ŋą́ dɛɛ ka pɔ, ɉu. A nɔi tii ɓɛi hɛn gəlee da lɛlɛ laa, nɛlɛ yee tɛɛ lɔi kəlee diɛ.

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.

Lonon mo 14:16

‹Nɔi ŋɛ̨i Yai-Laa ə naakwɛlanmo nwɔ nuąi diɛ, hvo pɛli li di mu, hvo li a diɛ laa, ya ka tii, aa gəlee nwun na pili nɔi pun ɉu.›

Lonon mo 14:30

Ŋą́ą́ gwɛ́la gɛ́ diɛ, nɔi tii ŋį́ naakwɛlanmo kaa, ka hva kɛa lɔ nɔi kpɔ ɉu. Hvo kɛ li lɔ Yefunɛ lon Kalɛbə da Nun lon Ɉosue, diɛ lɔ ɓə lɔi laa.

Dutɛrɔnome 1:35

Yɛ kɛ diɛ: «Nɔi kpɔ ŋɛ̨i a nɔi lɛlɛɛ ŋɛ̨i, ŋį́ gwɛ́la gɛ́ gáá dɛɛi di nąnni pɔ, di tɔ̨nɔ̨ kpɛli hva nąą kaa.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 6:10

Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,

Dutɛrɔnome 6:18

Mɛ̨nįi ɉaŋąą, nɛlɛɛ Yai-Laa ɲɛ̨i ɓa, ya ɓə mąąnɛ̨ɛ̨ ka gɛ, ka gɛ, ka kɛ nąąlɔwai nwun nąnɛ̨ɛ̨ hu. Nɔi lɛlɛɛi tii Yai-Laa ə naakwɛlanmo ka nąnni diɛ yɛ gwɛla ɉu, ka pɛli heei ɉu.

Dutɛrɔnome 6:23

Ku wɛi, ə ku kulɔ gɛɛnąąi tii ɓa, nɔi ə naakwɛlanmo ku nąnni diɛ yɛ gwɛla kpɔ ɉu, ə ku lɔ ɉu, ə dɛɛ ku pɔ.

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.