Ɉeremi 32:10 - Yálá laawoo hɛɓɛ (dc)

¹⁰ Ŋą́ díi tii yá hɛɓɛ́ pɛ̨ɛ̨ huwɔ kɔlɔ paa mɛ̨i, ŋą́ ɲéé pɔɔ too ɉu a gɔ́lɔn ɉii, nuą ŋɛ̨i ŋį́ di təli di ɲɛ̨i ɓa. Ŋą́ nwali lono a di ɲɛ̨i.

Yálá laawoo hɛɓɛ

¹⁰ Ŋą́ díi tii yá hɛɓɛ́ pɛ̨ɛ̨ huwɔ kɔlɔ paa mɛ̨i, ŋą́ ɲéé pɔɔ too ɉu a gɔ́lɔn ɉii, nuą ŋɛ̨i ŋį́ di təli di ɲɛ̨i ɓa. Ŋą́ nwali lono a di ɲɛ̨i.

Bible

¹⁰ Ŋá ńyee pɔ̂ɔ kɛ̀ ǹɔii kɔlɔi su, ŋá ŋɛi-kɛ-maa maa pɔɔ kɛ́ zu sêre-ŋa ŋɛ́i. Nya ƃe ŋá gâpai kɔɔ̂ŋ zɛŋ-kɔ̂ɔŋ sɛŋ su.

Ɉeremi 32:10 Iomraidhean Croise

Zɛnɛse 23:16

Abrahamə ə hvaa Ɛfrɔn woo ɓa, ə nwalii ŋɛ̨i ə vaa ɓo mą, ə nono, ə dɛɛ Ɛfrɔn pɔ, gaayɔwɔɠaa ɲɛ̨i ɓa a nɔi tii ɉɔ̨nwɔ̨.

Zɛnɛse 23:20

Díí tii da gwɛni wolo yai kɛ a Hɛtə huwuhu nuą di wɔɔ, ə lɛɛ kɛa a Abrahamə nwɔɔ, nąą ɓə ə kɛi nwɔ nu powaɠaai loo laa.

Zôo 14:17

Yá pɛli kɛ nwɔ́ túwɔ́ pələ ɲɔ̨n nooii, ɓíi laa kpulɔɔ hu, Yá pɛli kɛ ə́ nwɔ́ túwɔ́ pələ ɲɔ̨n mɛ̨i kpulu.

Wɛli 8:6

Náá ə́ lii mɛ̨i, náá ə́ kɔ̨nwɔ̨n ɉu. Gbalai tɔɔ, wɛlikɛmąą walawalaai haa ɓa; nwala walaai yɛ haaɓɛlaa taa. Wɛlikɛmąą a kɛɛ kələn yɛ nwɔ̨n, bɔɔ ə ɓo yɛ Yai-Laa nwɔ nwɔ̨n.

Azaya 30:8

'Li kɛa, mɛ̨nįi ŋɛ̨i pɛ̨ɛ̨ di ɲɛ̨i ɓa, hɛɓɛ́ hu, ə́ gɛ hveelɛ, tinąą mɛ̨nį ɓa, yɛ gili too di ŋą a yələ kəlee.

Azaya 44:5

Di tɔ̨nɔ̨ kaa pai kɛi diɛ: «Yai-Laa nwɔ nu ɓaa a ɲą́ą́», diɛ dakpɛli laa hee a Ɉakɔbə, dakpɛli yɛ bɛ̨ɛ̨ ɲee kɔ̨nwɔ̨n mɛ̨i, yɛ kɛ mą: «Gáá a Yai-Laa nwɔɔ», ɛlɛɛ yɛ gbɔwɔ laa hee a Israɛlə.

Ɉeremi 32:12

Ŋą́ nɔi ya hɛɓɛ́ tɛɛ Neriya lon Barukə pɔ, yai kɛ a Maseya nwɔ lon, gálá lon Hanameɛlə ɲɛ̨i ɓa; da gəlaɠaai di yee pɔɔ too nɔi yá hɛɓɛ́ hu, di ɲɛ̨i ɓa. Da Ɉuda nuąi kpɔ kɛ tɔɔmun mąąkpɛ nuą yəi gwəlii nąąlɔwai.

Ɉeremi 32:25

Ɛlɛɛ, Yai-Laa nwɔ́ Yálá, yaan yɛ́ ɓə kɛ mą́ą́: ‹Díi ŋɛ̨i yá, nwali lono, gəlaɠaa ɲɛ̨i ɓa, ya pa, daa ə ɓo kɛa Kalde nuą yee kɔ́nma.›»

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Maafîu 27:66

Di gwɛni kwɛlɛ lɔ a ləɠi pɔlɔ, gɔ́kulaa nwun nąmu ə tɔɔmun kɔ́lɔn Ɉɛn bɔɔ laa mą, yɛ diɛ ɉolahiɠaa diɛ: «'Ka tɔɔ ɓɛ kpąą.»

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Korɛntə veelɛ 1:22

ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.

Ifisiɛŋ 1:13

Yaa tii ɉu lɔ ɓə nwɔ̨nɔ̨, ká dɛ̨ą woo mɛ̨n na, yai a nwɛlɛɛ lɛlɛɛi a nu nwun mąąɓo, yaa ɉu lɔ ɓə nwɔ̨nɔ̨, ká laa na laa hɔlɔɓo laa, ɛlɛɛ, yɛ gɔlɔn ɉii kɛ káá, a Gilii ə naakwɛlanmo, yai a Kili-Mąąhəɠɛɛ.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Dutɛrɔnome 32:34

Mɛ̨nį ɲą́ą́ Yai-Laa ŋą́ą́ bɛli noɔ, yii gáá pai naai diɛ, ya ka:

Zasua 18:9

Nuą tii di li, di nɔi hu hiɛ nąą kəlee, di gɛ pələ pɛ̨ɛ̨ a daaɠaa laa, a ɉeei mɛ̨ihveelɛ, yili pulu, di pa kɛa Ɉosue pɔ Silo daai.

M̀ɛni-lɛɛi 7:2

Ɛlɛɛ, ŋą́ malaka takpɛli kaa yɛ kulɔ hvóló həɠəi pələ. Yálá húlumąą ŋą kɔ́lɔn ɉɛn yɛ ɓo ɲəi. Ə tomą kpɔ a nwoo kɛnɛ̨; malaka nąąn tii di hvaŋą tɛɛ di pɔ, diɛ mɛ̨nį laa lɔi da gboloyá diɛ, yɛ mą:

M̀ɛni-lɛɛi 9:4

Di tɔn dɔɔ diɛ, di hvo kɛ di kaa mɛ̨nį ɲɔ̨n gɛi a kala tɛlinŋaai lɔi mɛ̨i, da wulu, ə mą kɛ, hihɛn nɔpee ta, kɛlaa, ə kulɔ lɔ nuąi tii Yálá kɔ́lɔn ɉii hvo kɛ di tɔwɔla.

Rutə 4:1

Nąąlɔwai, Boozə ə li ə hee ɉįi la, ɓɛi da kɛ mɛ̨nį ɓo kɛi laa, ə lɛɛ laa heeni, nui ŋɛ̨i ə mąą mɛ̨nį ɓo Rutə ɓa, yɛ kɛ mą: «Yaa ɓə mąąnɛ̨ɛ̨ ə ə́ mąą mɛ̨nį ɲɛ̨i kulɔ,» yili yɛ pa tɛɛi. Boozə ə dəli, yɛ mą: «Mɛ̨i yɛ́ ɓə! 'Lɛɠɛ ɓɛ, ə́ heei kaa laa.» Yili ə pa, ə hee.