Ɉeremi 31:9 - Yálá laawoo hɛɓɛ (dc)

⁹ Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Yálá laawoo hɛɓɛ

⁹ Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Bible

⁹ Da pâi kɛ̂i wɔ̂lɔi dí kɛ́ pa, kɛ́lɛ ŋa pâi dí ŋáa nɛnɛ̂i kwa dîa-ni kúkɛ pà pôlu. Ŋa pâi liî dí láa lɛ̂i ǹyá-ɣɛli-ŋai lá, dí sía pere sã́a su dífa kâreŋ. Ŋ́gaa a Eezuɛ ǹâŋ, Ifiraŋ kɛ́ ƃò a ńoŋ-surɔŋ m̀aa-ŋuŋ.”

Ɉeremi 31:9 Iomraidhean Croise

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Mąątɛ̨nɛ̨ 107:7

Ə di hvilɛn pələ haŋąą mɛ̨i, diɛ pɛli taa hɔlɔɓoi, nuą di ɓo ɉu.

Mąątɛ̨nɛ̨ 23:2

Kala tiliin nɛlɛɛ mɛ̨i ɓə a dɔ́ɔ́ laa, Liilaa yálon bɔ ɓə a li laa a ɲą́ą́.

Mąątɛ̨nɛ̨ 89:27

Yaa tii, gaa pai kɛi mą́ą́: «Ną́n! Nwɔ́ Yálá! Málo kwɛni!»

Lɛɛ gbɔwɔ ɓa 4:22

Yá li, yá kɛ Eziptə tɔɔmun ma: ‹Mɛ̨nii Yai-Laa ə mo ya ka, yɛ: Nón dɔlɔɔ ka ŋɛ̨i a Israɛlə.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 43:20

Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Azaya 45:11

Yai-Laa, yaai Israɛlə pɛli, ə ɓo a Israɛlə nwɔ Mąąhəɠəmun, nwoo ka, yɛ diɛ: Kaa ɓə mɔ̨ɔ̨ pai tɔɔi, kaa gɛ́ kolóɠaa lɛ mą́ą́, nónii mąą mɛ̨nį ɓa? Kaa ɲą́ą́wooɓo ɉɛnŋąąi ŋą́ di pɛli a ɲéé, di mąą mɛ̨nį ɓa?

Azaya 57:14

Di kaa pai kɛi diɛi: 'Ka bələ pɛli, 'ka ɲąą kɛnɛ̨, 'ka hɛn gəlee həɠə nwɔ́ nuąi tɛɛ pələ hu.

Azaya 63:13

Nui kɛi di tɛɛ ɓoloon gɛnɛ̨ɛ̨ hu, ə wɔɔ? Di kɛi hiɛ, yɛ hoo a kɛi hiɛ lɔi pun ɉu, di hvo kɛi kalin.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 3:4

Ə mą kɛ yiihu, ə́ liikpəlɛɛi lɔ yɛ́ kɛ mą́ą́: «Nán! Kɛlɛi yɛ́ lɔ ɓə a gbə́la hulɔnu;

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Osia 12:4

Ɉakɔbə ə laa niɛ tɔwɔ di lee kwəi, ɛlɛɛ, gɛɛ a kpakolo, da Yálá di gɔ́.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Malasi 2:10

Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Lonon mo 2:18

«Voló tooi pələ, gɔláɠai a Ɛfraimə nu huwu nwɛi, yai Amihudə lon Elisama kaa a di nwun nąmu.

Maafîu 3:3

Ɉaan-Batistə tii ɓə, Yálá kwəi mɛ̨nį hukulɔ mun Esai ə kɛi mąą mɛ̨nį ɓo, yɛ kɛ mą: «Woo ta kaa tɔɔi nɔi pun ɉu, yɛ kɛ diɛ: ‹Ka Ną́mu nwɔ pələi pɛli, ka bələ pəlɛɛɠaa kəlee haŋą.›»

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Lukə 6:21

«Nwun na nɛ̨ɛ̨ nuą ɓaa a kaa ŋɛ̨i pulu kaa kaa yiihu, mąąhɔlɔɓo, ka káá pai kɔ̨nɔ̨n gɛnɛ̨ hɔlɔɓoi. «Nwun na nɛ̨ɛ̨ nuą ɓaa a kaa yiiɠaai ka káá wɔlɔi yiihu, mąąhɔlɔɓo, ka káá pai yɛ́lɛ́i.

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Dutɛrɔnome 14:1

Ka káá a Yai-Laa ka wɔ Yálá lonnii. Nu ta a haa, mąą hvo nɛ̨ɛ̨li ka ka kɔ́lɔ ɓɛla ɓɛla, kaa ka tonna nwun galaan.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Hebreu 12:13

ɛlɛɛ, 'ká ká hiɛ pələɠaa haŋą, ə gɛ, lɔwnuą di hvo pa kpɛlɛɠɛlɛn, kɛlaa yaamun, di ɓalo.

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»