Ɉeremi 31:4 - Yálá laawoo hɛɓɛ (dc)

⁴ Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Yálá laawoo hɛɓɛ

⁴ Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Bible

⁴ Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 31:4 Iomraidhean Croise

Tɔɔɓɛlaa veelɛ 19:21

Nwooi Yai-Laa ə mo yɛ hvilɛn na mą, ya ka: «Siɔn nɛ̨ɛ̨gbɛla kaa yɛlɛ kulɔi ə́ hu, yɛ ə́ hviiɓo Ɉerusalɛmə nɛ̨ɛ̨gbɛla ɲɛ̨i heɛi ə́ kpowola, yɛ nwun gbɛŋɛn.

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Mąątɛ̨nɛ̨ 69:35

Yələkɔlɔn, ka lɔi ka naa mąąwiɛ, gboloyáɠaa da di hu hɛnŋąą 'ka naa tɛ.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 30:32

Yai-Laa nwɔ gbɔn pili pələ mą tɛi tɛi, damąn nwoo, da gwɛnįn nwoo da tɔɔ, ɛlɛɛ, Yai-Laa kaa pai kɛi heei ɉu, yɛ ɲee kpɛŋɛ̨n mɛ̨i.

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 18:13

Yili ɓə gaa mą, Yai-Laa woo ka, yɛ diɛ: Yii gaa tii, kɛɛ mąąni kɛ lɔiɠaa hu, kaa ta mɛ̨nį taaləi tii ta bələ mɛ̨n? Israɛlə nɛ̨ɛ̨gbɛla aa kɛɛ kala túwɔ́ ɓo.

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Ɉeremi 31:21

Ə́ kɔ́lɔn ɉiɠaa kɛ ə́ kpaalə hu. Bələi ə́ kaa ɉon ɉii la, ə́ ɲɛ̨i pɔɔ lɛɛ mą a nɛlɛɛ. Pənə ə́ pa Israɛlə nɛ̨ɛ̨gbɛla. 'Pənə ə́ pa ə́ wɔ taaɠaai hu.

Ɉeremi 31:38

Yai-Laa yɛ diɛ: «Yələ ta kaa pai ɉəlii, di kaa pai taa tɔɔi a Yai-Laa nwɔɔ. Ə həɠə Hananeɛlə kwəlii ɉįi mɛ̨i pɛlɛ́ ɓa, ə həli la gbon tii bɛlɛ́ nwąną hveelɛi kee kaai, ɓa.

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 46:11

'Tɛ Galaadə lɔi hu, ə́ ə́ hali kwɛli laa, yɛ́i ɓaa Eziptə nɛ̨ɛ̨gbɛla. Nwululaa tamąąi ə́ kaa gulɔi, gaa a kpɛli-kpɛli, wululaa ta hva pɛli ə́ ɓaloi.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Lukə 15:23

Ka pa a nįŋɛ̨ gbɔn tii gɔlɔ lɛlɛɛ laa mą, ka baa, ka gu kwəinɛ̨ɛ̨ kulɔ, guu laa mį́į́.

Gɛlaɠaa 15:16

«‹Yili pulu, gáá pənəi ŋį́ pa, Davidə nwɔ pɛlɛ́i ŋɛ̨i pui, ŋį́ pənə ŋį́ dɔɔ ŋį́ bɛlɛ́ kpoloon ɲą tɔɔ, ŋį́ ɉaŋą ŋį́ dɔɔ.

Nwun mąąɓo 11:34

Ɓɛlɔwai Ɉɛfte ə bulu pənə la yɛ pa bɔ taai Mispa, non nɛ̨ɛ̨nu ɓə kulɔ yɛ pa naakwiɛn ɉii, yɛ mąną kaa, yɛ hvɛli kɛ. Ɉɛfte non nɔ ka tii kɛ tanɔ̨n gbən.