Ɉeremi 31:34 - Yálá laawoo hɛɓɛ (dc)

³⁴ Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Yálá laawoo hɛɓɛ

³⁴ Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Bible

³⁴ Núu da fé pâi kɛ̂i naa é Yâwɛɛ maa mɛ̂ni lɛ́ m̀arâŋ nuu ma, kpɛ́ni fêi, díkelee da pâi kɛ̂i a ŋ́gɔlɔŋɔɔ, é síɣe ǹîa-pɛlɛɛi dîa é tóo ǹúu kpaya-kpaya dîa. Ŋa pâi dísɔnyɔ̂ŋ su mɛ̂ni lɛɛ̂i. Ǹyaŋ, dímɛni nyɔ́mɔ-ŋai kíli fé pâi lɛɛ̂i ŋ́ga. Ńyãa Yâwɛɛ ƃé mò tí.”

Ɉeremi 31:34 Iomraidhean Croise

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Mąątɛ̨nɛ̨ 25:7

'Hvó kɛa ə́ kili lɛɛ, múhəɠɛɛ yələ nɛ̨ŋɛ̨ŋaa diɛ, da nwɔ́ túwú pələ ɲɔ̨nŋaa, Kɛlaa, ə́ kiliŋąhiɛ ə́ vilɛn mą́ą́ ə́ wɔ ɲɛ̨imąąwɛlikaa hu, Gbala ə tɔɔ, Yai-Laa, yɛ́ mɛ̨nį lɛlɛɛi.

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Azaya 29:24

Nuąi lan bələ mɛ̨i, di kaa pai kili hɔlɔɓoi, yiiɠaai di nwun nwala walaa, diɛ kɛa hvaa mą diɛ mɛ̨nį lɛ diɛ.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 52:6

Yili ɓa, nwɔ́ nu huwui kaa kɛa pai náá kɔ́lɔn ɉii, ə həɠə kɛa volói tii ɓa, di kaa pai gɔlɔn ɉii, diɛ ɲą́ą́ ɓə ŋį́ kɛ hvaai di pɔ, gɛ́ kɛ diɛ: Ɲą́ą́ ka.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 32:40

Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Ɉeremi 33:8

Mɛ̨nį ɲɔ̨nwɔ̨ɔ̨ɠaai kpɔ di gɛ mą́ą́ a di hɔn, gɛ́ gəlee waa diɛ. Nɛŋɛ̨nŋaai di ɉəɠə mą́ą́ a di hɔn, gɛ gəlee lɛɛ diɛ a kpɛli.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Osia 2:20

Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Lukə 1:77

Ə lɛɛ, ə́ nɛ nwɔ nu huwuɠaai diɛ, yɛ diɛ: gaa pai ka nwun mąąɓoi ə ka kulɔ ka kɛ nɛ̨ŋɛ̨nŋąa hu.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Korɛntə veelɛ 2:10

Nui ka mąąhvaalɛɛ, ɲą́ą́ gbɛlimąn, ŋą́ mąąhvaalɛɛ. Mąąhɔlɔɓo, mɛ̨nįi ŋį́ nɛɛ a kpɛli, akɛ mun hɔlɔɔ, ŋį́ mɛ̨nį ta lɛɛ a kpɛli, ŋą́ gɛ tii ká mąą mɛ̨nį ɓa, Kristə ɲɛ̨i ɓa.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Tɛsalonikə dɔlɔɔ 4:9

Yii hvilɛn na lee-lon naa wɛlikɛmąą ɓai, ku mą wala mąą mɛ̨nį ta ɓo káá; hvó gaai, ká keeni wɛli la kɛ mɛ̨nį, káá kpinįi káá yili mąąkwɛli Yálá yəi,

Hebreu 5:12

Káá wɔlɔ lamun mɛ̨nįi ŋɛ̨i hu, káá ɓə kɛ, mąąnɛ̨ɛ̨i ká kɛ a nuą mąąkwɛli nuą, ya ka káámun káá kɛ a nuą mąąnɛ̨ɛ̨i di di mąąkwɛli tɛɠa, Yálá laa woo hu mɛ̨nį dɔlɔɔɠaa diɛ; káá kɛ kpɔ la tii kɛa yɛ, lɛapɛlɛɛi da ɲįnį tɔɔ di la, di hva pɛli kɔ̨nɔ̨n nwalawala mįi.

Hebreu 8:11

Nui lɔpee ta hvo pai kɛi mɛlan ma, a wala kɛ ti, gaayɔwɔ ɓa: Mąąnɛ̨ɛ̨ ə́ gu Ną́mu Yálá kɔ́lɔn. Mąąhɔlɔɓo, nu kəlee kaa pai gɔ́lɔ́n ɉi, ə həɠə nɛapɛlɛɛ diɛ, ə həli la nu kpɛa-kpɛaa diɛ.

Hebreu 8:12

Gbala ə tɔɔ, ŋą́ mɛ̨inɛ̨ɛ̨ kɛ diɛ, ŋį́ di kɛ mɛ̨nį ɲɔ̨nŋaa mąąhvaalɛɛ, ŋį́ di wɔɔ nɛ̨ŋɛ̨nŋąa kəlee naa kili kpɛɛ ɲą́.»

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.