Ɉeremi 31:20 - Yálá laawoo hɛɓɛ (dc)

²⁰ Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Yálá laawoo hɛɓɛ

²⁰ Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Bible

²⁰ “Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Ɉeremi 31:20 Iomraidhean Croise

Zɛnɛse 43:30

Ɉosɛfə nəɠə kaai ə mo, gwəi ə nɛ̨ɛ̨ kpɔ ɉu pələ, ɲɛ̨iya ə tinɛ̨n a gɔ̨nwɔ̨n. Ə həɠə di kwɛlɛ kpɔlɔ ɉa, ə li pɛlɛ́ takpɛli mu, ɉeɛ laa yɛ wɔlɔ.

Tɔɔɓɛlaa dɔlɔɔ 3:26

Nɛ̨ɛ̨nui ŋɛ̨i non maa kɛ a nokolo hvulú, níi ə ɓɛla mą non mąą mɛ̨nį ɓa, yɛ tɔɔmun ma: «Nwɔ́ mɛ̨nį nąmu, nɛ̨ɛ̨mąą ɓə gáá vəi yɛ́; nokolo hvulú ŋɛ̨i tɛɛ mɛ́lan bɔ, hvó kɛ ə́ kaa nokolo paai.» Nɛ̨ɛ̨nu yii tii nwɔ wooi lɔ ɓaa: «Hvaa lɛɛ ə́ yəi, hva lɛɛ ɲə́i, ka ɉu tee.»

Mąątɛ̨nɛ̨ 103:13

Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Hanwon 3:12

Mąąhɔlɔɓo, nui nwɛli kaa Yai-Laa ɓa, ya ɓə Yai-Laa a ɉu tɔɔ, yɛ bələi lon yii nwɛli kaa nąn ma, a gɛ la.

Wɛli 5:4

Nwɛ́likɛmąąmun aa ɲee lɔ gbon nwolo ɓa, ŋą́ą́ ɲee kaa, níi aa ɓɛla mą́ą́.

Azaya 16:11

Níi kaa kpɛlin ɉii gwə́i, yɛ gwɛni ɲɛli, Moabə mąą mɛ̨nį ɓa, níi yɛ dumo gwə́i Kirə-Hɛrɛsə mąą mɛ̨nį ɓa.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Ɉeremi 48:36

Yili mąą mɛ̨nį ɓə gɛi, gɛ́ wɔlɔ la Moabə mɛ̨i, yɛ bələi ɓɔɔ hvɛɛ mun a wɔlɔ la ɓɔɔ hu. Gɛ́ wɔlɔ Kirə-Hɛrɛsə nuą mɛ̨i yɛ ɓɔɔ hvɛɛ mun. Di nwun na aa pili, ɉɛnŋaai di diɲɛ gee mɛ̨i mąą mɛ̨nį ɓa.

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Levetekɔ 26:44

Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.

Lukə 15:24

Hvó gaai, nón ŋɛ̨i, aa kɛ haa, aa pənə aa nwun; nwun na aa kɛ pili, ŋą́ą́ pənə ŋą́ą́ gaa. Diɛ kɛa mąą kwəinɛ̨ɛ̨ kulɔ.›

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Filipə 1:8

A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.