Ɉeremi 31:12 - Yálá laawoo hɛɓɛ (dc)

¹² Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Yálá laawoo hɛɓɛ

¹² Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Bible

¹² Da pâi pâi dí lii nɛ̃ɛ-wule too Zãiyɔŋ yeei ma, ŋá ƃɛlɛ-see-sãai mɛni ma. Ŋa pâi mii-sãa, ŋwã̂ai, ɔle-wulɔ, ƃála da niŋa-ŋa tɛɛ̂i dípɔ. Da pâi kɛ̂i yɛ̂ɛ zí-sɛŋ nyíi da yá pú ma a ǹɛ́lɛɛi. Zɛŋ nyíi kélee da ŋ̀wɛ̂lii, da pâi zɔlɔ ƃôi.

Ɉeremi 31:12 Iomraidhean Croise

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Azaya 1:30

Ka kɛ pələ a kɛ yɛ nwulu kpɛa-kpɛai tii, ɓɛlɔwai di laa a pu la, a wala kɛti, yɛ hvóló laa a tee nɔw yea ɓa.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 52:8

Ə́ wɔ pələi pɔ kaa nuą woo ka tii, di kaa tómąi a kwəinɛ̨ɛ̨; diɛ tómą a yee tɛɛmąą kwəinɛ̨ɛ̨ woo, mąąhɔlɔɓo, di ɲɛ̨i hei di kee ɲɛ̨ilai, diɛ Yai-Laa kaa, yɛ pənə yɛ pa Siɔn daai.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Azaya 60:20

Ə́ wɔ hvólói hva kɛa too, ə́ wɔ ɲąnin hva kɛa li gbinįi. Mąąhɔlɔɓo, Yai-Laa ɓə kɛa a ə́ wɔ kɛɛ pɔ̨nɔ̨, a yələ kəlee mɛ̨nį, ə́ wɔ mąąwɛli hvólóɠaai di ɓo kɛa a di kpɛɛ.

Azaya 65:19

A tɛ̨ą, gáá pai Ɉerusalɛmə mąą mɛ̨nį kɛi a nwɔ́ kwəinɛ̨ɛ̨, ɛlɛɛ, ŋį́ ɓo lɔ kwəinɛ̨ɛ̨ hu, nwɔ́ nu kan mąą mɛ̨nį ɓa! Di hvo kpɔ kɛa pai wɔlɔ woo, da gboo təli woo mąn ɉi laa, kpɔ kɔ́lɔ-kɔlɔ.

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 31:24

Ɉuda da nwɔ taaɠaai kəlee, di kaa pai heei laa di kee pɔ; tíi kɛ mun da taatɛlɛɛ mɛ̨i kaa mun.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 31:6

Mąą yələ, daa mąąkpɛ nuą kaa pai tomąi la Ɛfraimə yee tona, diɛ kɛ mą: «'Ká ka muhəɠə, ka gu tɛ Siɔn daai, Yai-Laa gu wɔ Yálái pɔ, daa gbɛa gu hee.»

Ɉeremi 31:7

Mɛ̨nįi Yai-Laa kaa moi, ya ka, yɛ diɛ: «'Ká ka yee lɔwa Ɉakɔbə ɓa a kwəinɛ̨ɛ̨, ka lɔiɠaa ɲąąwooɓomun laakwiɛn a ɲɛ̨i kɛnɛ̨, ka tomą ka kwəinɛ̨ɛ̨ kulɔ, kaa diɛ: ‹Yai-Laa nwɔ nu kpəlii aa lɛɛ a Israɛlə, gaa di nwun mąąɓoi›.»

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 33:13

Ɲee hu taaɠaa, da nɛ̨ŋɛ̨ hu taaɠaa, da ɉɛɠɛɛ pələ taaɠaa, Bɛnɉamɛn nwɔ lɔi hu, Ɉerusalɛmə kwɛlɛɠaa da Ɉuda lɔi taaɠaa hu. Ɓɛlaaɠaa kaa nwɔ̨nɔ̨ pai kɛi laa, diɛ tɛɛ, diɛ di lono. Ɲą́ą́ Yai-Laa nwoo li.»

Izikiɛ 17:23

Ŋą́ ɉi Israɛlə yee tɔɔ ton ną nwonwoɠaa kaa pai tɔɔi ma, diɛ ɓa. Kpitili ɓɔn tii kaa pai kɛi a hɛan nɛlɛɛ; nwɛ̨nį huwu kəlee diɛ yii ɉu. Di kaa pai kɛi yii nwonwo nįnįn mu.

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Izikiɛ 34:14

Gáá pai ɲąąkɔn ɉii, kala tiliin ɉuwiaa mɛ̨i, naa mįi kala tilinn gaa pai hɔlɔɓoi, Israɛlə yeeɠaa nwuɔ̨; naa ɓə gaa pai kɛi pɛlɛi laa; kala tiliin ɉuwiaa mɛ̨i, yɛ kala tiliin nɛlɛɛ mįi, Israɛlə yeeɠaa nwuɔ̨.

Izikiɛ 36:30

Ɉihɛnŋaa diɛ ɓá ka yəi, tííɠaa diɛ lɛlɛ kaa; ka hva kɛa nwumɛ̨, lɔiɠaa ɲɛ̨i ɓa, kɔ̨nɔ̨n mɛ̨nį ɓa.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»