Ɉeremi 30:3 - Yálá laawoo hɛɓɛ (dc)

³ Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Yálá laawoo hɛɓɛ

³ Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Bible

³ Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 30:3 Iomraidhean Croise

Ɛsdrasə 3:1

Ɲąnįn mɛ̨ihveelɛ lɔwai, Israɛlə nuą kəlee di həɠə di wɔ taaɠaai hu, di kəlee di pa, di di ɲąąkpɔn Ɉerusalɛmə daai, yɛ nu tɔ̨nɔ̨.

Ɛsdrasə 3:12

Nu pɔlɔɠaai kɛ ɉaláá laa həli nuą lɔwai, Levi huwuhu nuą lɔwai, bɛlɛ nąmįną lɔwai, diɛi kɛ Yai-Laa hee pɛlɛ́ bɔlɔ-pɔlɔ kɔ́lɔn, ɓɛlɔwai di nįnɛ̨i tii goloon gaa la, di kəlee di bu mą a wɔlɔ. Kɛlaa, nuąi di hvo kɛ bɛlɛi tii bɔlɔ-pɔlɔ kɔ́lɔn, di wɛi, di kɛi tomą a kwəinɛ̨ɛ̨.

Ɛsdrasə 3:8

Pai ŋɛ̨i di mo Ɉerusalɛmə, Yálá nwɔ pɛ́lɛ́i kɛ laa, gwɛlan veelɛnąą nwɔ ɲąnin veelɛ lɔwai, Saltiɛlə lon Zorobabɛlə da Yosadakə lon Ɉosue, da di kaayɔwɔɠaai ŋɛ̨i kɛ a ɉaláá laa həli nuą, a Levi lonnii da nuąi kpɔ kulɔ luwɔlaa hu, diɛ pa Ɉerusalɛmə daai, di di yee pɛlɛ goló ɓa. Di Levi lonnii hee Yálá hee pɛlɛ́ tɔɔ mɛ̨nį golóɠaa nwun na, ə gɔwɔ tɔɔ nui gaa kwɛlan gaa pow hveelɛ mą, yɛ li la tɔwɔ pələ.

Mąątɛ̨nɛ̨ 126:4

Yai-Laa! 'Pənə Ə́ pa a ku wɔ luwɔɠaai, yɛ bələi Negɛvə ya hvɛɛ a gɛ la.

Mąątɛ̨nɛ̨ 53:6

Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Ɉeremi 16:15

Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 27:11

«Kɛlaa lɔi pai hvaai mą, yɛ nwun nɔ Babilonə tɔɔmun nwɔ tiɛ̨i mu yɛ tí mą, gaa pai nɛɛi a nwəli pulu laɠiɛ nwɔ lɔi hu, yɛ kóló kɛ mą. Yɛ hee mɛ̨i; Yai-Laa woo li.»

Ɉeremi 27:22

«Di kaa pai lii a diɛ Babilonə diɛ lɛɛ laa, ɛlɛɛ ɉu ɲą́ą́ gbį́nįi ŋą́ di mąą mɛ̨nį ɲɛ̨i kulɔ, ɲələi tii ɓə ŋą́ di həɠə la laa gɛ́ pənə gɛ́ pa a diɛ gɛɛnąąi ŋɛ̨i ɓa.»

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 30:4

Wooɠaai Yai-Laa ə mo yɛ hvilɛn na Israɛlə da Ɉuda diɛ, ya ka:

Ɉeremi 31:16

Yai-Laa woo ka, yɛ diɛ: Nwoolaa woo aa pɛli ɉu, ka ka laapilɛ, ka ka ɲɛ̨i kələ, ə́ wɔ mɔ̨nɔ̨i vɛla ka; di kaa həɠəi di yowoɠaa pɔɔli diɛ pa. Yai-Laa woo li!

Ɉeremi 31:23

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Ɓɛlɔwai gáá pai pənəi ŋį́ pa la a gɔ́ luwɔɠaa, mɛ̨nįi di kaa pai kɛi moi Ɉuda lɔi da nwɔ taɠaa di hu, ya ka: «Yai-Laa ə lúwɔ́ too yɛ́, tələnmo hee taa. Yee mąąhəɠɛɛ.»

Ɉeremi 31:27

Yai-Laa woo ka, yɛ diɛ: «Gaa pai kɛi a yələ ta kaa pai ɉəlii, gɛ nu kan da taatɛlɛɛ huwu híi Ɉuda da Israɛlə lɔiɠaa hu.

Ɉeremi 31:31

Yai-Laa woo ka, yɛ diɛ: «Gaa pai kɛi a yələ ta, kwa Ɉakɔbə nwɔ pɛlɛ́i kuɔ mįnɛ̨ ninɛ̨ həɠə, da Ɉuda nwɔ pɛlɛ́i.

Ɉeremi 31:38

Yai-Laa yɛ diɛ: «Yələ ta kaa pai ɉəlii, di kaa pai taa tɔɔi a Yai-Laa nwɔɔ. Ə həɠə Hananeɛlə kwəlii ɉįi mɛ̨i pɛlɛ́ ɓa, ə həli la gbon tii bɛlɛ́ nwąną hveelɛi kee kaai, ɓa.

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Ɉeremi 51:60

Mɛ̨nį ɲąąnwąnąąɠaa kpɔ kɛi pa laai Babilonə ɓa, a mɛ̨nįɠaa kpɔ ŋɛ̨i gwaa mo, yaai di di pɛ̨ɛ̨ a Babilonə mąą mɛ̨nį, Ɉeremi aa kɛ gəlee pɛ̨ɛ̨ hɛɓɛ́ tɔ̨nɔ̨ hu,

Izikiɛ 20:42

Ka gili kɔ́lɔn kaa kɛ ɲą́ą́ ɓə gáá a Yai-Laa, a pai gáá pai moi a kaa Israɛlə lɔi hu, a nɔi ŋɛ̨i ŋą́ gwɛ́la ɲéé tɛɛ yələi, gɛ́ kɛ ŋą́ dɛɛ ka nąnni pɔ.

Izikiɛ 34:13

Gáá pai gulɔi nu huwu takpɛliɠaa lɔwai, gɛ́ di kulɔ lɔiɠaa hu, gɛ́ di ɲąąkpɔn, gɛ́ pənə gɛ́ pa a diɛ di wɔ lɔi hu. Gáá pai di laa hɔnmoi lííla kala tiliin mɛ̨i, Israɛlə yeeɠaa nwuɔ̨, yee lɔwai lɔiɠaa hu; ɓɛɠaai kpɔ nu kaa laa nɔi hu.

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Izikiɛ 47:14

Ka káá pai ɲąąkwɛlɛi, yɛ pɛli a gee ka kəlee ka yəi; mąąhɔlɔɓo, ŋą́ gwɛ́la, gɛ́ ŋą́ dɛɛ ka nąnni pɔ; nɔi ŋɛ̨i kaa kɛa a ka kwɛlin.

Zooɛ 3:1

Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Sofoni 3:20

Mąą yələi tii, ŋą́ hvilɛn ka ɲɛ̨i tɔwɔ, ŋį́ pa a kaa, ɲələi tii, ŋą́ ka ɲąą kpɔn, ka ɲɛ̨i ə pɔ̨nɔ̨, ɓɛlɛ ə kɛ kaa lɔi mɛ̨i, nu kanŋaa kəlee lɔwai, ɓɛlɔwai gáá pai ka wɔ yɛnɛ̨ɛ̨ ɲɛ̨ilaa lɛlɛɛ heei la mą, kaa gaa. Ɲą́ą́ Yai-Laa, ɲą́ą́ kpɔ ɓə mo!

Lukə 17:22

Yili pulu ə mo nwɔ kalan nɛai diɛ, yɛ diɛ: «Volóɠaa ŋɛ̨i ka Nu Lon ni ka káá la ka kee ɓa, gaa pai kɛi a hvóló ta, kaa volóɠaa tii ta wɔlɔ ɓo, kɛlaa, ka hva kɛa da kaa.

Lukə 19:43

A tɛ̨ą, gaa pai kɛi a yələ ta, ə́ yowoɠaa di ə́ mąątínɛ̨n a kɔlaɠa, di ə́ hvaną bələ kəlee.

Lukə 21:6

«Yələ ta kaa pai ɉəlii, gwɛniɠaai ŋɛ̨i ka káá gaai dɔ̨nɔ̨ kpɛli hva lɛɛ mɛlan mɛ̨i, gəlee kaa pai taɠai gee ɓa.»

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.

Dutɛrɔnome 30:5

Nɔi ŋɛ̨i wɔlɔ kɛ a ka kalaɓɔlɔ ni di wɔ lɔi, Yai-Laa kaa pai pənəi ə pa a kaa ɉu, ə kɛ a ka kwɛlin. Gaa pai ka nwun na nɛ̨ɛ̨i, ə ka huwuhu ɓɛlɛ ə tɛɛ la ka nąnni diɛ.

Hebreu 8:8

Kɛlaa, hɔn ə kɛ mą, ya ɓə gɛ, ə mo diɛ, yɛ kɛ: «'Ká ká ɲɛ̨i hee tai, Gaa pai kɛi a yələ ta, kwa Israɛlə pɛlɛ́i, ə mą kɛ, Ɉuda pɛlɛ́, guɔ mįnɛ̨ nįnɛ̨ həɠə.