Ɉeremi 30:24 - Yálá laawoo hɛɓɛ (dc)

²⁴ Yai-Laa nwɔ liiholi kɛnɛ̨i kɔ́lɔ hvo pai haai mą. Hvo kɛli, mɛ̨nįi aa gbɛa ŋaayili, a gɛ, ə naa kulɔ. Ka káá pai mukulaa kaai a yələ takpɛli.

Yálá laawoo hɛɓɛ

²⁴ Yai-Laa nwɔ liiholi kɛnɛ̨i kɔ́lɔ hvo pai haai mą. Hvo kɛli, mɛ̨nįi aa gbɛa ŋaayili, a gɛ, ə naa kulɔ. Ka káá pai mukulaa kaai a yələ takpɛli.

Bible

²⁴ Yâwɛɛ a pâi lɛɛ̂i a ǹíi ŋwána é lɛ́ɛ la zu é ŋɔnûai kula maa kɛ́. Tãi ŋ̀elei ŋí a pâi pâi lai, a pâi lɛɛ̂i a ǹíi ŋwánaa é lɛ́ɛ la zu m̀ɛnii kélee a gbɛtɛ a gɛɛ é gɛ́i, é gɛ́. Tãi ŋ̀elei ŋí a pâi pâi lai, ka pâi târei m̀ɛnii ŋí su.

Ɉeremi 30:24 Iomraidhean Croise

Zɛnɛse 49:1

Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Ɉeremi 23:19

«Yai-Laa nwɔ tulɔ hvaŋai aa muhəɠə, a kɛɛ kala liiholi, vaŋa kaa tɛɛi, yɛ kpəlaan a hɔn mąą nuą nwun.

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 48:47

Kɛlaa, ɲɛnɛ̨ɛ̨ tɔwɔ pələ, gáá pai Moabə tɔɔi Ɲą́ą́ Yai-Laa nwóó li! Moabə nwɔ kiti kpɛlai ka.

Ɉeremi 49:37

Elamə nuą da pa di yowoɠaa kaai, nuąi ŋɛ̨i di hvilɛnŋąą di wɔ yɛnɛ̨ɛ̨ pulu, di ɲɛ̨i a tɔɔ diɛ. Ɲą́ mąą kpɛlin doo di hu, nííholi pələ ɓa, ɲą́ą́ nwɔ́ liiholi kɛnɛ̨ɛ hu; ɲą́ą́ Yai-Laa nwóó li. Gáá kɔ́ hvilɛn ɉi Elamə pulu, əlɛɛ ɉu, ŋą́ di kpɛɛ yɛnɛ̨ɛ̨.

Ɉeremi 49:39

«Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 2:28

Kɛlaa, Yálá yii gaa yələkɔlɔn ɉu, ya ɓə aa hvaa mą, mɛ̨nįi pai kɛi, yii noɔ, aa nɛ tɔɔmun Nabukodonosorə ɓa. Tɔɔmun, ɓɛlɔwai ə́ kɛ la laani ə́ yəi gbin ŋą, ɉįi tii ə́ gaa, ya ka:

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Dutɛrɔnome 4:30

Ɓɛlɔwai ka káá pai kɛi la mɔ̨nɔ̨ hu, mɛ̨nįɠaa ŋɛ̨i diɛ laa kaa ka wɔ yɛnɛ̨ɛ̨ tɔwɔ pələ, ka káá pai pənəi ka pa Yai-Laa ka wɔ Yálái pɔ, kaa ka wəli tɔɔ nwoo ɓa.

Samuɛlə dɔlɔɔ 3:12

Mąą yələ, mɛ̨nįɠaai kpɔ ŋą́ mo yɛ hvilɛn Eli nwɔ pɛlɛ́i ɓa, ŋą́ gəlee pɔ mɛ̨nį kɛ, da hva lɛɛ pulu.