Ɉeremi 30:2 - Yálá laawoo hɛɓɛ (dc)

² «Yai-Laa Israɛlə nwɔ Yálá woo ka, yɛ mą: Nwooɠaa kpɔ gáá moi yɛ́, di pɛ̨ɛ̨ hɛɓɛ́ hu.

Yálá laawoo hɛɓɛ

² «Yai-Laa Israɛlə nwɔ Yálá woo ka, yɛ mą: Nwooɠaa kpɔ gáá moi yɛ́, di pɛ̨ɛ̨ hɛɓɛ́ hu.

Bible

² Yâwɛɛ nyíi gáa a Eezuɛ Ŋɔɣâlai è mò ḿâ ǹyɛɛi, “Zɛlemaya, ye ŋ̀óo-ŋai ŋa môi yâi pɔ̃yɛ kɔlɔ ma.

Ɉeremi 30:2 Iomraidhean Croise

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Azaya 30:8

'Li kɛa, mɛ̨nįi ŋɛ̨i pɛ̨ɛ̨ di ɲɛ̨i ɓa, hɛɓɛ́ hu, ə́ gɛ hveelɛ, tinąą mɛ̨nį ɓa, yɛ gili too di ŋą a yələ kəlee.

Azaya 8:1

Yai-Laa yɛ mą́ą́: «Kpəlin mɛla ta həɠə, ə́ hɛɓɛ́ pɛ̨ɛ̨ mą a wulu kpiɛ ta: Mahɛrə-Salalə-Hasə-Bazə nwɔ.»

Ɉeremi 25:13

Mɛ̨nįɠaa ŋɛ̨i gáá moi yɛ́, yɛ hvilɛn na nɔi ŋɛ̨i ɓa, yii kpɔ bɛ̨ɛ̨i hɛɓɛ hu, gáá gəlee kɛi yɛ bələi ŋą́ mo la. Mɛ̨nįɠaa kpɔ Ɉeremi ə di lɛɛ tɔwɔ yɛ mo, yɛ hvilɛn na nɔiɠaa tii diɛ, ŋį́ gəlee kɛ.

Ɉeremi 30:1

Nwooi Yai-Laa ə mo Ɉeremi ɓa, ya ka, yɛ mą:

Ɉeremi 36:28

«Hɛɓɛ́ takpɛli həɠə, nwoo tɔlɔɔi kɛ ɉɛɓɛ́i Ɉuda tɔɔmun Yoyakimə ə gələn ɉu, ə́ pənə ə bɛ̨ɛ̨ ɉu.

Ɉeremi 36:32

Ɉeremi ə hɛɓɛ́ takpɛli həɠə, ə dɛɛ Neriya lon Barukə pɔ. Ɉeremi ə kɛi nwooɠaai Ɉuda tɔɔmun Yoyakimə ə di kələn, di ɓo mą, yɛ di pɛ̨ɛ̨. Ə mɛ̨nį takpɛliɠaa tamąą ɓo, lɔ yɛ bələi yiiɠaai tii di kɛ la, ə di pɛlɛ mą.

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Dutɛrɔnome 31:19

Yili ɓa tii, nwələi ŋɛ̨i pɛ̨ɛ̨ ka mąą mɛ̨nį ɓa, ə́ Israɛlə lonnii mąąkwɛli mą, ə kɛ di la a kɛla kwa diɛni ku lɔwai.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:19

Mɛ̨nįɠaai ə́ ɲɛ̨i ə gaa, yiiɠaai kɛi yiihu, ɛlɛɛ, yiiɠaai pai kɛi yili nąą pulu, 'bɛ̨ɛ̨.