Ɉeremi 30:18 - Yálá laawoo hɛɓɛ (dc)

¹⁸ Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Yálá laawoo hɛɓɛ

¹⁸ Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Bible

¹⁸ Yâwɛɛ è mò ǹyɛɛi, “Ŋa pâi ŋánuai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Ɉeremi 30:18 Iomraidhean Croise

Kɔlɔnikɔ Maa-ŋuŋ 29:1

Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Nehemi 7:4

Daa kɛnɛ̨i kɛ ɲee kəlee hu, kɛlaa, nu hvo nii kɛ tamą li daa kwəi, di hvo nii kɛ pənə li, di hvo bɛlɛ́ɠaa tɔɔ.

Mąątɛ̨nɛ̨ 102:13

Kɛlaa, Ə́ wɛi, Yai-Laa, Ə́ kaa lɔ a Heeɓomun a yələ kəlee, Ə́ kili ə ɓo lɔ nuą ɲą a kwɛlan gəlee.

Mąątɛ̨nɛ̨ 102:14

Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Mąątɛ̨nɛ̨ 122:7

Liilaa ə kɛ daa kwəi, wəli pulu laɠi ə kɛ tɔɔ pɛlɛ́ɠaa mu!

Mąątɛ̨nɛ̨ 48:13

'Ka hiɛ Siɔn taa mąąkpɛ hįį kpoloonŋaa mɛ̨i, 'kaa mąąkpɛ pɛlɛ́ɠaa lono.

Mąątɛ̨nɛ̨ 48:3

Ɲee lɛlɛɛi, ɲee muhəɠɛɛ kpɔ ɓəɠə-ɓəɠə, lɔi kəlee nwɔ kwəinɛ̨ɛ̨ li. Yɛnɛ̨ɛ̨ wəlingɛ̨ą ɓaa a Siɔn yee! Heeɓomun gɛnɛ̨ɛ̨ yəi gwəlii.

Mąątɛ̨nɛ̨ 78:69

Ə mąąwiɛ pɛlɛ́ tɔɔ laa, ɲee nwuɔ̨, nwun naŋįn ŋąą hɛn gəlee mɛ̨i; ə dɔɔ nąą a yələ kəlee mɛ̨nį, kpɔlɔ yɛ bələi lɔi laai la.

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 31:23

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Ɓɛlɔwai gáá pai pənəi ŋį́ pa la a gɔ́ luwɔɠaa, mɛ̨nįi di kaa pai kɛi moi Ɉuda lɔi da nwɔ taɠaa di hu, ya ka: «Yai-Laa ə lúwɔ́ too yɛ́, tələnmo hee taa. Yee mąąhəɠɛɛ.»

Ɉeremi 31:38

Yai-Laa yɛ diɛ: «Yələ ta kaa pai ɉəlii, di kaa pai taa tɔɔi a Yai-Laa nwɔɔ. Ə həɠə Hananeɛlə kwəlii ɉįi mɛ̨i pɛlɛ́ ɓa, ə həli la gbon tii bɛlɛ́ nwąną hveelɛi kee kaai, ɓa.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 46:27

Kɛlaa, ə́ wɛi, Ɉakɔbə, yɛ́i ɓaa nwɔ́ tímun, hvo ɲɔw. Ə́ hu hvo pu yɛ́ Israɛlə, gáá pai ə́ kulɔi kwɛaa la lɔiɠaa yəi, ŋą́ ə́ huwu kulɔ mąąkilɛ lɔi hu. Ɉakɔbə kaa pənəi yɛ pa liilaa hu, nwəli pulu laɠiɛ; nu ta hvo kɛa viikpɛɛi.

Ɉeremi 49:39

«Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Ɉeremi 49:6

Yili pulu, ŋą́ pənə ŋą́ Amɔn lonnii hee di nwun ɲa.»

Izikiɛ 36:11

Yɛi kɛ a nu kan, yɛ ə kɛ a taatɛlɛɛ, gáá pai di ɓuwu ɓoi ka mɛ̨i. Di kaa pai tamąi, diɛ ɓá. Ŋą́ pənə ŋą́ nu tamą ka hu, yɛ tɔlɔɔ tɔlɔɔ yələ; ŋą́ hɛn dɛɛ ka pɔ, ə tɛɛ gɔwɔ tɔɔi lɔwai ɓa. Nąąlɔwai, ka gili kɔ́lɔn kaa kɛ ɲą́ą́ ɓə gáá a Yai-Laa.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Zakari 1:12

Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»

Zakari 1:16

«Yili ɓə gɛi, Yai-Laa yɛ kɛ diɛ: Gáá pənəi gɛ́ pa Ɉerusalɛmə pɔ a ɲɛ̨imąąwɛli kaa pələ. Nwɔ́ pɛlɛ́i a pənə ə tɔɔ laa, Yai-Laa Mɛ̨nį Kəlee ŋą Hééɓomun, woo li. Di kaa pai Ɉerusalɛmə kɔ́ɔn ɉi a mąąlən gɔw.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Zakari 12:7

Yai-Laa a gbɛa Ɉuda pɛlɛ́ɠaa ɓalo, ə gɛ a Davidə nwɔ pɛlɛ́i ɲɛ̨i pɔ̨nɔ̨ mɛ̨nį, da Ɉerusalɛmə nuą ɲɛi pɔ̨nɔ̨ mɛ̨nį hva kɛ a Ɉuda ɲɛ̨i paa mɛ̨nį.

Zakari 14:10

Nɔi kəlee mąą a pənə a nɛ̨ŋɛ̨ hu, ə həɠə Gɛva, ə həli la Rimɔn Ɉerusalɛmə kɔ́wɔla pələ. A kɛ tii, Ɉerusalɛmə a lɛɛ di nwun mɛ̨i pələ, ə həɠə Bɛnɉamɛn nwɔ kpon ɓa, ə həli la gbon bɔlɔ pɔlɔ kɛɛnąą, gbon tii bɛlɛ́ nwąną hveelɛi a gee kaa mɛ̨i, ə həɠə Hananeɛlə nwɔ pələ́i-kaa-pɛlɛ́i ɓa, ə həli la tɔɔmun ɲəi gɔwɔla.